الموضوع: Opel Astra Turbo 2011 ---- من تصويرى ------

السلام عليكم يا رجالة ,,,

روحت المعرض امبارح و شوفت الحتة الجديدة بتاعة الاوبل – استرا تيربو ,,,قولت اديكو معلومات عنها لانى جبت التتالوج
نبتدى بالصور –

دة الماتور ,,واللى يعرف التيربو فين ,,لية مروحة صينى هدية ,,تفرقع فى وشة اول ميحطها فى الكهربا






ودة الماتور من ناحية اليمين

دة الجنط ال 17

طبعا شكلها فاجر من ورا فجر السنين بجد

ودى المواصفات الفنية

و دى حتة كمان من ورا

و دة فيديو كمان من اخراجى عشان خاطركوا ,,,

[youtube]http://www.youtube.com/watch?v=TvSawmGwZFQ[/youtube]

طبعا كان موقفين هناك فرسة جنب العربية ,,,,قصدى موديلز ,,,قولت اخد منها معلومات عن العربية ,,تقريبا طلعت متعرفش انها اوبل ,,اتخرست وخدت الكتالوج بدل متشل :))))))))))) ...

من وجهة نظرى انا شايف انها عربية عادية جداااااااااااا ,,,كانو موقفين النوعين جنب بعض ,,العادية والتربو ,,الميزة الوحيدة فى التربو او ممكن نقول الاختلاف الوحيد انها فيها جنوط 17 و مكتوب انها تربو بسسسسسسسسسسسسسس, ,,و من جوة عادية جداااااااا ,,,

للاسف لما تحطها ادام اهم 2 منافسين ليها و هما الشيروكوو و البرافو ,,,,يبقى الترتيب
1-الشيروكوو
2-الاسترا
3-البرافو
تقولى انت بتقول كدة لية ,اقولك انى ركبت الشيروكو و ركبت الاسترا و ركبت البرافو
1-الشيروكو بجد بجد تحس انك كل مليم دفعتوا بتلاقية من اول الصالون التحفة + التقفيل الفخم ( المس الخامات بتاعة الباب او الشماسة او الكراسى او اى حاجة هتعرف الفرق فعلا )- شكل العربية حتى و هى جاية من بعيد حتى من قبل متعرف انها شيروكو انت بيبان ادامك ان دى عربية جامدة ,,,طبعا الماتور والتصميم بيبان عليها ,,غير كدة انها بتقولك انى عربية مش بتهزر ,,,من اللمسات الرياضية
2-الاسترا تحس العكس ,, تستحرم فيها ال 230000 ,,الحاجة اللى كويسة ان التقفيل فعلا نظيف (100 % المانى ) تحس ان الماتور زى مهو باين فى الفيدىو مش متكلف اوى ,,,اية اللى يميزك عن النسخىة الاصلى ؟؟؟؟؟؟؟؟؟؟؟؟؟و لا حاجة ويظهر ان اللى بتزل برة غير دى خالصصصصصصصصصص
3-الفيات محترمة بس اقل منهم بكتيييييير
-طبعا الاوبشن فى الاستر كتير زى منتوا شايفين فى الصورةو دى حاجة كويسة جدااا ,,,و على فكرة انا معايا الكاتالوج لو حد عايز يسال على حاجة يقولى ,,

التسارع من 0 – 100 : 9.1 ثانية ,,طبعا مش تمام خالص ,,وهى 6 سرعات
معلش انا نقدى للعربية يمكن يكون ناقص حاجات كتيرة جدااااااااا,,او مش مديها حقها ,,,بس دة اللى انا حسيتو من اول انطباع...اسيب النقد الباقى ليكوا ,, ولو حد معاة الكتالوج بتاع الشيروكو يبقى يعملنا مقارنة و نشوف مين الاجمد..

يا ريت يا رجالة اللى يعرف مكان التربو يقولى ,,عشان نفسى اشوفة قبل مموت

موضوع جميل ..بس على فكره الاسترا دى بولندى مش المانى ...بالنسبه للتيربو ..انا شفت حاجه ورا الموتور مش عارف ايه دى ..!! وانا اصلا معرفش التيربو شكله بيكون ايه يا ترى هى دى ؟

بالنسبه للفيديوهات مش شغاله

مش دي الاسترا اللى بعرفها
شيروكي ايه اللى احسن منها !؟؟!!! يا جماعه ايه حكايه منصور دا شكلها نازله فاضيه ولا ايه
طب شوفو التست درايف بتاعها ف التوقيع عندي

المشاركة الأصلية كتبت بواسطة KHALED AYMAN

موضوع جميل ..بس على فكره الاسترا دى بولندى مش المانى ...بالنسبه للتيربو ..انا شفت حاجه ورا الموتور مش عارف ايه دى ..!! وانا اصلا معرفش التيربو شكله بيكون ايه يا ترى هى دى ؟

لا معتقدش انها بولندى ,اكيد المانى ,,,انا سألت تقريبا هو فعلا اللى ورا الماتور ,,بش مش عارف انا بتهيألى مكان غريب شوية ,,صح,,بس يمكن عشان يكون بعيد عن الحرارة ؟؟

المشاركة الأصلية كتبت بواسطة yoko

التربو قدام في وسط الموتور والwastegate واضح للأعمى بس التربو مستخبى

انا عن نفسى عمرى مشوفت التربو ,,,فمش عارف مكانو ,غير كدة ان اكيد بتاع الاستوك غير اللى الناس بتركبو ,,عشان كدة مش عارف

المشاركة الأصلية كتبت بواسطة thug

كتير اوى سعر العربيه الصراحه ,,,,,وايه الشروكو دي ؟؟؟ شيروكي تقصد؟؟
بس العربيه تحفه وبعدين ايه الموتور ده ,,,,كل دي حساسات ؟؟؟

لا,,دى الشيروكو يا مان ,,تحفة من فولكس ...بس انا بتهيألى ان الماتور مسترخصين فية ,,تقفيلو مش مقام اوبل ..صح؟

المشاركة الأصلية كتبت بواسطة N.a.j.d

مش دي الاسترا اللى بعرفها
شيروكي ايه اللى احسن منها !؟؟!!! يا جماعه ايه حكايه منصور دا شكلها نازله فاضيه ولا ايه
طب شوفو التست درايف بتاعها ف التوقيع عندي

انا متأكد انها برة حاجة تانية خالص لانى منزل كل صورها من 3 شهور و كنت بحلم بيهاا..حتى التابلوة تحس ان فية حاجات ناقصة

المشاركة الأصلية كتبت بواسطة tananybasha

الشوركو دى عربية وهمية فى حد ذاتها
بس السترا مش طفش قوى كده
يا راجل ده انت حسستنى انها 127

المشكلة اللى دايما بتفرسى ,,لية اوبل متعملش حاجة كاملةةةة ,,لازم حاجة ناقصة ,,يا اما حاجة فى العفشة ,,او الكماليات ,,عايزين نشوف حاجة كاملة ,,على الاقلل تكون فئات زى الجيتا مثلا ,,ها لاين - بيز لاين ,,كدة