ارجو الدعاء لزميلنا فى المنتدى و صديقى الشخصى (inspiron) بالشفاء العاجل

**modiabbas** · 17-01-2011 09:07 PM

سلام عليكم

الخميس اللى فات تعرض زميلنا احمد مجدى inspiron احد اعضاء قسم اسكودا و بى ام
لحادث على المحور

كان مع صحابه و رايحين هايبر 1 و صاحبه معاه عربيه تويوتا ياريس

كان احمد قاعد فى الكنبه و اتنين صحابه قدام

و كان صاحبه ماشى على 110 و ديه سريعه قليله عاديه يعنى

و فى احد الملفات تفاجئ بى بقعه زيت

و العربيه بتروح يمين فى شمال و هووووب فى الرصيف و اتقلبت على جنبها ... من شده الخبطه فى الرصيف
تخيلوا ابواب العربيه اتفتحوا و ال3 شباب اتنطروا بره العربيه و هى بتتقلب

احمد بيحكيلى بيقولى مسحوا الاسفلت و هما بيتنطروا من العربيه ... و محسش بى حاجه بعد كده غير و هو فى المستشفى

و خرج الحمد لله من المستشفى اول امبارح

اصابات احمد بقى عينه اليمين وارمه لدرجه انها مقفوله .. خلع فى الكتف ... 8 غرز فى الراس ...جلطات مختلفه فى كل جسمه من الاسفلت

اصدقاء احمد واحد فى غيبوبه لى حد دلوقتى .. يا رب يقوم بالسلامه ...

و التانى كسر فى الحوض و تبول لا ارادى .. ربنا يشفيهم يا رب ..

ارجو الدعاء ليهم انهم يبقوا كويسين

**pharonicking** · 17-01-2011 09:14 PM

لاحول ولا قوة الا بالله ربنا يشفيهم جميعا ان شاء الله

**مصراوي جدا** · 17-01-2011 09:15 PM

لا حول ولا قوة الا بالله ... ربنا يشفيهم جميعا ويقوموا بالسلامة

**modiabbas** · 17-01-2011 09:19 PM

المشاركة الأصلية كتبت بواسطة khaled ayman

عباس الكلام ده عرفته امتى ؟؟
مش تقولى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ منا مرمى على الفيس بوك على طول يا عم
لا حول ولا قوه الا بالله

لسه عارف حالا !!

**KHALED AYMAN** · 17-01-2011 09:28 PM

المشاركة الأصلية كتبت بواسطة modiabbas

لسه عارف حالا !!

انا اتصلت بيه دلوقت ....ربنا يشفيه

**windofchange** · 17-01-2011 09:29 PM

لا حول ولاقوة إلا بالله الحمدلله قدر الله وماشاء فعل ربنا يقومهم بالسلامة ويشفيهم شفاءا لا يغادر سقما طيب ده نصيبهم وحسبي الله ونعم الوكيل في صاحب البقعة مادام عرف ان في زيت يروح يكب عليه تراب ولا ميه انا مرة حصلت معااي بس فشارع داخلي ادام ميكانيكي بس صراحة مكلمتوش لأني مكنتش متأكد اووي بس لازم الواحد يكون له موقف والحمدلله علي كل شيء بس نحب نعرف ايه افضل سرعة آمنة الواحد ياخد بيها الملف يعني 80 كويس ونعمل ايه لما العربية تروح وتيجي كده نلمها ازاي؟

**modiabbas** · 17-01-2011 09:29 PM

المشاركة الأصلية كتبت بواسطة pharonicking

لاحول ولا قوة الا بالله ربنا يشفيهم جميعا انشاالله

امين يا رب

المشاركة الأصلية كتبت بواسطة مصراوي جدا

لا حول ولا قوة الا بالله ... ربنا يشفيهم جميعا ويقوموا بالسلامة

امين يا رب

المشاركة الأصلية كتبت بواسطة khaled ayman

انا اتصلت بيه دلوقت ....ربنا يشفيه

ان شاء الله

**modiabbas** · 17-01-2011 09:31 PM

المشاركة الأصلية كتبت بواسطة windsofchange

لا حول ولاقوة إلا بالله الحمدلله قدر الله وماشاء فعل ربنا يقومهم بالسلامة ويشفيهم شفاءا لا يغادر سقما طيب ده نصيبهم وحسبي الله ونعم الوكيل في صاحب البقعة مادام عرف ان في زيت يروح يكب عليه تراب ولا ميه انا مرة حصلت معااي بس فشارع داخلي ادام ميكانيكي بس صراحة مكلمتوش لأني مكنتش متأكد اووي بس لازم الواحد يكون له موقف والحمدلله علي كل شيء بس نحب نعرف ايه افضل سرعة آمنة الواحد ياخد بيها الملف يعني 80 كويس ونعمل ايه لما العربية تروح وتيجي كده نلمها ازاي؟

هى السرعه كانت عاديه
و فى الحالات ديه لازم يكون فى سرعه بديهه .. متدوسش فرامل خالص .. ده انت زود بنزين على الاخر و هات الدريكسيون عكس اتجاه الزحلقه

**SonaSteel** · 17-01-2011 09:35 PM

لا حول ولا قوة الا بالله
اللهم اشفيهم شفاءا لا يغادر سقما
ان شاء الله يقوموا بالف سلامة وتطمنوا عليهم

-

الموضوع: ارجو الدعاء لزميلنا فى المنتدى و صديقى الشخصى (inspiron) بالشفاء العاجل

LinkBack

أدوات الموضوع

عرض

ارجو الدعاء لزميلنا فى المنتدى و صديقى الشخصى (inspiron) بالشفاء العاجل - انشر الموضوع فى :

-

-

-

-

-

-

-

-

المواضيع المتشابهه

ارجو من كل من يقرأ العنوان ان يدعو بظهر الغيب لابني بالشفاء العاجل

أسألكم الدعاء بالشفاء لوالدى

صديقنا الغالى جدا دكتور احمد سمير بحاجة الى دعواتكم بالشفاء العاجل

الكلمات الدلالية لهذا الموضوع

المفضلات

المفضلات

ضوابط المشاركة