تويوتا كشت ونزلت الاسعار شوية !!!!!!!!!!!!!!!!!!!

**Hondawy_2008** · 05-04-2008 02:41 PM

معلش مع احترامي ليك عمرك سمعت عن حاجه بترخص في مصر غير البني ادم؟ احب افكرك يبقي انت اكيييييد اكيييييد في مصر وعلي فكره اسعار الياباني كله هيزيد من 3 الي5 الاف جنيه علي الصيف يعني اللي عايز يشتري يشتري انهارده قبل بكره!!!!!!!!!!!!!!!!

**waleed24ag** · 05-04-2008 04:37 PM

هينداوي مع احترامي الكامل لكلامك بس لازم علي الاقل نحاول بالاضافه ان حكايه المقاطعه مع تويوتا دي نفعت من قيمه اسبوع حاولوا يذودو سعر الكوررولا و الياريس و في مجموعه كبيره سحبت المقدمات بتعته و كانت النتيجه ان السعر رجع تاني كانت الياريس وصلت 109000 الفول اوبشن الاتوماتيك و بعد الي حصل رجعت 102000 تاني علشان كده انا بقيد المحاوله و بعدين انت بتقول ان الاسعار علي الصيف هتغلي هو انت شغال مع تويوتا و لا ايه;) لازم نحاول يا هنداوي

**Hondawy_2008** · 05-04-2008 05:31 PM

لا يا وليد باشا مش شغال في تيوتا ولا حاجه :)
انا مهندس اتصالات وبحكم عملي سافرت بلاد كتير في افريقيا وآسيا وأوروبا
احب احكيلكم موقف عجبني أوي في نيجيريا ودي بالمناسبه من أغني بلاد أفريقيا ولي فيها ذكريات متتنسيش في يوم من ذات الايام قررت الحكومه رفع أسعار البنزين للضعف تقريبا عارفين ايه اللي حصل ؟
في خلال أسبوع الشعب كله بكل فئاته اعلن عن اضراب عام وحددوا بدايه الاضراب عشان الناس تعمل حسابها من شراء المواد الغذائيه وخلافه وذكروا ان اي حد هيروح الشغل او هيفتح محله او هيركب عربيته خلال فتره الاضراب واللي كانت لمده أسبوع مبدئيا عربيته او محله او اي حاجه هتتدمر!!!
عارفين ايه اللي حصل؟
انا وكل الناس التزموا بالاضراب و الحكومه رضخت لمطالب الشعب ورجعوا لاسعار تاني زي ما كانت بعد اسبوع من الاضراب العام
شوفتوا الايجابيه!!!!!!!!!
طبعا عرفتوا ايه موقفي بكره :) هاروح الشغل طبعا (لنكون متراقبين واللي حاجه بس المعني في بطن الشاعر :D)
اتمني كلوكوا تشاركوا بكره
نفسنا بلدنا تتحرك بس لقدام مش ورا وآسف للاطاله!!!!!!!!!!!