128 للبيع.. متتوفتش صدقنى

**superb** · 23-01-2011 06:45 PM

المشاركة الأصلية كتبت بواسطة rerii

والله بجد عربية جميلة

اعتقد بس ان السعر غالى شوية زى ماقالو ممكن تنزله شوية بس لو متأكد من انها تستاهل سعرها خلاص سيبك من اى حد وكل حاجه ولها زبونها وربنا يوفقك ان شاء الله فى بيعها

واللى محدش يقدر يختلف عليه انها بجد جميلة ونضيفة جدا وفيها شغل جميل

ربنا يخليكى .. اصل انا بعتز بيها جدا جدا بالأضافه انى مش شايف السعر غالى للدرجه اللى الناس بتتكلم فيه فى حين انها مش محتاجه مسمار تقريبا .. و انا صارف عليها مصاريف كتير جدا عشان تبقى بالحاله دى .. و شكرا لمشاركتك

المشاركة الأصلية كتبت بواسطة wasta

ماشاء الله ربنا يباركلك فيها ويوفقك فى البيع

ربنا يخليك و اتمنى ربنا يوفقنا كلنا فى الخير دايما انشاء الله

**wael2sh** · 24-01-2011 02:23 PM

عربية جميلة ونضيفة جدا ما شاء الله
ربنا يوفقك في البيع وعلى فكرة أنا مش شايف إن سعرها غالي بالنسبة لحالتها وال مصاريف المصروفا عليها ,,,,, ال 28 ليه ناس كتير غاويينو ربنا يوفقك في البيع ... تقبل مروري

**superb** · 13-02-2011 01:16 AM

.,.,.,

**llvllAX** · 02-03-2011 01:08 PM

ايووووووووة انا نفسي بقي حد يجاوبني علي السؤال دا ... كونسولة التابلوه بتاع العربية دي جايبه منين و مش مهم بكام علشان انا لفيت التوفيقية اسبوع كامل علشان اجيبها و ملقيتهاش ...ياريت و النبي لو حد عارف يقوللي و لو صاحب العربية متابع معانا يفيدني

**ahmed88hassan** · 03-03-2011 03:46 AM

موفق في البيع
ان شاء الله

المشاركة الأصلية كتبت بواسطة wassof

متزعلش ياجميل
انا بحب الهزار شويه بس معرفش انك هتزعل

كل ده و متعرفش انه زعل
ده انت ادائك over علي فكرة

**mohamed9999** · 03-03-2011 04:21 PM

المشاركة الأصلية كتبت بواسطة llvllax

ايووووووووة انا نفسي بقي حد يجاوبني علي السؤال دا ... كونسولة التابلوه بتاع العربية دي جايبه منين و مش مهم بكام علشان انا لفيت التوفيقية اسبوع كامل علشان اجيبها و ملقيتهاش ...ياريت و النبي لو حد عارف يقوللي و لو صاحب العربية متابع معانا يفيدني

يا عم الكونسول دا مرمى فى التوفيقيه كان عندى فى العربيه وشلته و بعت العربيه من غيره ولسه عندى فى البيت هو عموما فى التوفيقية من 35-40ج

**aaaaaassssss** · 04-03-2011 03:30 PM

السياره جميله بس السعر عالي كتير

**Nour_aoi** · 05-03-2011 03:33 PM

فعلاً جميلة بس السعر عالى حبتين

ممكن مكان المعاينه و هيا ترخيص مرور ايه وهل انت المالك الأول للسيارة كما فهمت من الموضوع

جاد فى الشراء لكن بعد تعديل السعر والمعاينه (تم ارسال السعر على الخاص)

**elshinzawy** · 08-03-2011 10:11 PM

اسف جدا بس بعد ازنك حقول رايى انا اخويا شغال فى العربيات وتحديدا ال 128 واللادا
ووالله والله والله لسه معروض عليه عربيه قدامى 128 موديل 92 موتور 1300 ومن الاخر زيرو زيرو كأنها لسه خارجه من المصنع مفيهاش خربوش ولا قلم بويه مع وجود طقم جنط برضه وفرش جلد وسى دى وسنتر لوك ريموت
مع كل ده تخيل انه عاوز 23 الف واخويا مرضيش نهائى وكان عاوزها على 21500 جنيه
انا كلامى ده فقط من الواقع ومن السوق ومش اقصد بيه اى شىء وماليش مصلحه فى اى شىء وارجوك تقبل مرورى وربنا يحسنلك بيعها بالسعر المناسب