قطعا المتسوبيشي لانسر فخر للصناعة اليابانية وهي سيارة متينة وتصميمها رائع ومحركها جبار ويعمر طويلا اذا تم الاهتمام بصيانتها الدورية ولكن ذلك لا يمنع ان بها بعض الاعطال المتكررة والشائعة لان الكمال لله وحده
هي دعوة للاستفادة وتبادل الخبرات .
عرض للطباعة
قطعا المتسوبيشي لانسر فخر للصناعة اليابانية وهي سيارة متينة وتصميمها رائع ومحركها جبار ويعمر طويلا اذا تم الاهتمام بصيانتها الدورية ولكن ذلك لا يمنع ان بها بعض الاعطال المتكررة والشائعة لان الكمال لله وحده
هي دعوة للاستفادة وتبادل الخبرات .
موضوع جيد وفي انتظار خبرات اللانسراوية
موضوع جيد و مفيد جدا حيث انه كل عربيه لها اعطالها خاصه و تختلف من سيارة لأخرى لذلك سنستفيد و اعطالها قليله مدام فى اهتمام بالصيانه
انا عن نفسى فى انتظار اخوة لكى استفيد و اتعلم بدل ما الف حولين نفسى
انا اللى قابلنى كان دركسيوت تقيل فروحت كشفت على ضغط كاوتش لأقتوا زياردة و لما قلتوا على 30 اتظبط و اصبح عادى
المشاكل اللى محيارنى اصوات و انا ماشى على طريق صوت اكنه طالع من تابلوة او باب او مكسيت مش عارف اوصل و تانى حاجه و انا ماشى على طريق مش ممهد بسمع صوت اكن بلاستيك بيحك و لو طريق مش ممهد او على شريط مترو صوت خبط حديد فى دركسيون
و فى انتظار اخوة و مشاركتهم جيده
موضوع الأصوات ده....موجود عندى ومعظم العربيات ( حتى الزيرو ) كده
وده نتيجه المشى فى طرق غير ممهده ....
لغاية دلوقتى مفيش عيوب جوهريه تذكر....وده المعروف عن اللانسر
فى عيب مشهور جدا فى اللانسر وهو عوامة تانك البنزين انا غيرتها قبل كده مرتين والسبب هو ان العوامة احيانا بتشرب بنزين وتتقل وبالتالى بتدى قراية غلط للمؤشر .
ياله يا جماعه شاركوا خلوا موضوع مفيد انا شوفت واحد فى دايو عجبنى جدا
الموضوع جديد ومميز ومفيد لاصحاب السيارت الجدد مثلي
البومه فيها عوامة التانك زي ما قالو غيرتها والعربيه عامله 110 الف كم
وفي عيب شائع في عربيات كتير وهو في الحر الشديد ممكن العمه البلاستيك بتاعت الراديتير تتشرخ وتسرب مياه وبالتالي العربيه تسخن وده حصلي الصيف اللي فات وحصل لناس كتير.
عندي انا في مشكله وهي ان دايماً فردة كلاكس تتحرق مش عارف ليه والتوكيل كمان مش عارف ليه!!
(في شك ان يكون حد لعب في السلوك لان الموضوع ده حصل بعد خناقه مع سايس جراج وبعدها لقيت سلوك الفوجات مقطوعه وبعدها الـclock spring بتاعت الكلاكس باظت وبعدها الكلاكس شخصياً اتحرق والبطاريه فضيت لوحدها......)
انا عندى المشاكل الاتية 1 - لمبة حرف d محروقة
2- غطاء تنك البنزين بيفتح بصعوبة
3- عوامة البنزين مرة تتحرك عادى مع مفتاح الكونتاك ومرة تركن براحتها
العربية موديل 2007 ودة حصل بعد 3 سنوات تشغيل لان ليا صديق اشترينا العربيتين فى يوم واحد انا وهو ودة حصل فى عربيتى بعد 3سنوات و70000 كم وعرسبحانك اللهم وبحمدك ، أشهد أن لا إله إلا أنت أستغفرك وأتوب إليك بية صديقى بعد 3سنوات و23000 كم
سبحانك اللهم وبحمدك ، أشهد أن لا إله إلا أنت أستغفرك وأتوب إليك
انا كمان عندى سوستة غطاء التانك طارت بس اعتقد ده بسبب حد من عمال البنزينة المتخلفين ودلوقتى عشان الغطاء يفتح لازم حد يدوس على طرفه ونا بشد الدراع
* عفشتها نوعا ما كويسة وبتستحمل يمكن ضعيفة شوية أمام التويوتا مثلا بس مش كلنا بنخش حلبة سباقات فالسيارة على أد الغرض منها ممتازة جدا بس فيها بعض العيوب من وجهة نظرى وبعض العيوب الاخرى اللى جمعتها من مشاكة سيادتكم فى المنتدى :
أولا : العزل فيها مش كويس يعنى لما بقفل الزجاج بسمع الضوضاء الخارجية اللى فى الشارع وصوت الماتور العالى طبعا غير بعض التقفيل اللى مش كويس زى مثلا بعض الناس ومن ضمنهم أنا عندى صوت تكتكة خفيفة من الزجاج الامامى ولقيت كثير من الناس بيشتكوا من عيوب التقفيل هذه .
ثانيا : فيها عيب كثير من الناس اشتكوا منه وأولهم أنا إن عند كسر الدريكسيون فى الملفات ويكون الملف فيه مطبات أو مطبات عين القطط بسمع صوت خبطة أو تكة حديد فى الدريكسيون والصوت ده صادر من علبة الدريكسيون وبيسمع فى الطارة نفسها والمهم ان فى التوكيل نفسه قالوا ان الصوت ده طبيعى فى اللانسر البومة وخلونى أجرب عربية تانية لقيت فيها نفس الصوت وعلى فكرة الصوت ده كان عندى فى المكواة وبرده هو هو فى البومة اللى لسة مكملتش 2000 كيلو والغريب ان بعض الناس أسألهم هل الصوت ده مضايقهم يقولون ان الصوت ده مش موجود أصلا مع العلم ان فى شكاوى كتير فى المنتدى عن هذا الصوت والسؤال ازاى شركة عريقة زى متسوبشى عارفة العيب ده ومش بتحاول تحله من موديل 2001 وحتى 2010 . وعلى فكرة انا لقيت الحل للمشكلة وكتبت عنه كتير وهو تغيير قطعة حديد فى علبة الدريكسيون واستبدالها باخرى فايبر .
ثالثا : بعض الناس بتشتكى من الفرامل بس يمكن أنا شايفها نوعا ما كويسة .
رابعا : العربية ممتازة جدا فى المنحنيات بس ثباتها بعد الـ 120 وحش جدا جدا جدا جدا وده لان الباور بيخف جدا لى السرعات العالية .
خامسا : الاوتوماتيك رائع حسب علمى لان عربيتى مانيوال بس عيبه حسب الشكاوى منه ان فى بعض السيارات لما يجيب n أثناء وقوف السيارة الـ rbm بينزل إلى 400 وتترعش السيارة ثم يصعد مرة أخرى وأحيانا بتبطل السيارة .
سادسا : من أشد الاشياء استهلاكا فى السيارة هى قواعد الماتور وكل فترة بتحتاج تغيير مش عارف ليه حتى الاصلى منها .
سابعا : استهلاك البنزين فيها عالى جدا حتى يمكن الـ 1600 بتعمل حسب علمى 200 كيلو فى الصفيحة وانا بسمع ان السيارات القديمة مثل البيجو مثلا 2000 سى سى بتعمل نفس الرقم .
ثامنا : الـ 1600 الرياضية حسب علمى أيضا عفشتها ناشفة شوية على الطريق .
تاسعا : وده عيب تافه شوية ان لما لمبة فى التابلوه بتتحرق وتحاول تجيب غيرها من التوكيل بيكون لونها أصفر يعنى مافيش عليها الطربوش اللى بيدها اللون بتاع التابلوه فيتغير لون الاضاءه يبقى كوكتيل شوية أصفر والباقى نفس اللونز اللى بتزل بيه . وده انا عالجته ايضا وعامل نور التابلوه والتكييف والسى دى والساعة كله احمر زى البى ام والابيزا
10: موديل 2010 البومة غالى 10 الاف جنيه وكل اللى اتغير فى السيارة شكل ولون عدادات السرعة والبنزين والحرارة والـrbm أما التكيف والكاسيت فنفس اللون القديم يعنى بقيت كوكتيل واتغير أيضا شكل طارة الدريكسيون والجنوط فهل هذا يستحق ارتفاع السعر هذا انا شايف انها غالية جدا جدا يعنى ازاى اجيب عربية 1300 سى سى مانيوال بـ 100000 الف جنيه مع العلم ان فى سيارات اخرى منافسة للانسر فى السوق وأعلى أمكانيات ويمكن أقل فى السعر .
يا ريت يا جماعة تكتبوا تعليقاتكم على الموضوع وكل واحد موافق على كلامى أو معترض يكتب أيضا واللى شايف ان بعض العيوب اللى ذكرتها موجوده عنده يكتب أيضا واللى عنده عيوب أخرى يكتب حتى نستفيد من فكرة صاحب الموضوع المتميز وانا بشكره على فكرته .
بصراحة مع احترامي لكل الاعطال المذكورة الا اني اري انها اعطال فردية و ليست شائعة في السيارة لكن فيه بعض الاعطال اعتقد انها شائعة جدا
مثل صفارة التيل مهما كان جديد حتي لو تم خرط الطنابير او شراء طنابير جديدة ستختفي الصفارة لفترة قصيرة ثم تعود تغرد مرة اخري و السبب فني من الدرجة الاولي و هو ان الطنابير لما بتكون ساخنة و جت عليها حبة ميه تقفع و يصدر صوت الصفارة و انا اري ان ده اوحش عيوب البومة و لو حد لقي حل جذري يقولنا لان انا معايا في الجراج اربع عربيات لانسر بومة فيهم نفس عيب صفارة التيل
انما بصراحة خلاف ذلك فبقية العيوب غير مؤثرة او جوهرية
اولا اهلا بيك وشكرا على تعليقك الممتاز يا استاذ ناصر :
بس لو تسمح انا ليه تعليق على كلامك انت بتقول ان مشكلة الفتيس كلام مش صح وانا اعارضك فى ذلك لان مش معنى ان عربيتك ربنا يباركلك فيها مفهاش العيب ده يبقى الكلام مش صح بالاخص انى قلت بعض السيارات مقلتش كلها ا بكررها تانى معظم السيارات الاوتوماتيك فيها العيب ده وابن خالى معاه نفس المشكلة ولو عايز تتأكد اسأل فى التوكيل وكام عربية بتشتكى من الموضوع ده .
على فكره انا بقالى 10 سنوات بركب لانسر وحافظها مسمار مسمار طيب انت عارف ان مشكلة علبة الدريكسيون دى كلفتنى فى البداية علشان اتأكد منها واجرب تغيير وتعديل حاجات كتير فى العفشة وعلبة الدريكسيون كام كلفتنى ما يقرب من 9 الاف جنيه بس دى حرية شخصية وانا حابب اجرب تقول عليا اهبل تقول اى حاجة انا كده وفعلا توصلت للحل الامثل وتكلفته حوالى 25 جنيه وفى ناس فى التوكيل عارفين الموضوع ده كويس وكنت متواصل معاهم علطول .
وانا مش من الناس زى حضرتك اللى ممكن يطنش ويقول اخد المطب براحة طيب ما انا بركب التويوتا ومابلقيش العيب ده خالص والكورى كمان ومن رأى ان ده ضعف من التوكيل انه كان على ما اظن لا يخاطب الشركة فى اليابان ويعرفها ان العملاء بيستكوا ده انا قاعدت مع مدير التوكيل فى قليوب وفى جسر السويس وقال ايه كلمنا الشركة وقالت ان ده عادى والعربية للطرق الممهدة طبعا ده كلام فارغ طيب اشمعنى باقى الماركات .
اما موضوع الثبات ربنا يسترها معاك واحب اعرفك حاجة ان السرعة مالهاش كبير وربنا يسترها معاك ومعنا جميعا ولما أقول ان العربية ثباتها مش قوى بعد 120 يبقى ثباتها مش قوى فعلا يمكن حضرتك بتسوق زى باقى الشباب وفاكر ان دى الطريقة الصح وانك متمكن من السيارة .. هاديك مثال الاجانب وهم اعلم بالامر اكثر منا نفسى تشوفهم بيسوقوا ازاى بيبقى احرف منك بكتير ومع ذلك اول ما يركب يربط الحزام ويسرع بالسيارة حسب مقتضيات الطريق والسيارة ولما يلاقى العربية ثباتها بيقل عند سرعة معينة لا يمشى على هذه السرعة مع انه ممكن يتحكم فى السيارة كويس اكتر منك بكتير امال اللى صانع السيارة عامل ليه الانزار عند 120 هو مابيفهمش وكلنا بنفهم احسن منه .ملخص الكلام انى اقصد ان لما السيارة ثباتها بيقل مش معتاه انها خلاص بقيت تكتك ولكن بقول انه يصعب التحكم فيها وده من فرد لاخر دى يا راجل الطرق عندنا بترقص السيارة طيب حاول تجرى على الدائرى 150 مثلا وسيب الدريكسيون كده هتلاقى الدريكسيون بيرقص ويتعرعش يمين وشمال .
ملخص الكلاك العربية الانسر البومة عربية عائلية ممتازة ولكن مع مواصفات التقفيل والماتور والعفشة من وجهة نظرى كان لازم سعرها يبقى حوالى 50 الف جنيه وده من وجهة نظرى طبعا . عايز اقول ان الكمال لله وحده ومفيش عربية مفاهاش عيوب لكن بنقول لابد ان يكون الوكيل قوى ولما تحصل شكوى جماعية لابد من الاخذ فى الاعتبار وحلها حتى لو هيعدل على السيارة يا راجل انا ركبت عربية صينى مع احترامى للصينى لانها عربية ممتازة لاقيت تقفيلها احسن من اللانسر بكتير والله قفلة الباب فيها ملهاش حل كمان قوة ماتورها هتقولى دى فيها عيوب وعفشتها وووو . انا مش بقارن بس بقول ان فى عيوب فى اللانسر موجودة فعلا وحلها سهل وهو انا نكون مع بعض ونطالب التوكيل بحلها وليس تثبيتنا بالكلام .
وعلى فكرة ماتور اللانسر ضعيف مقارنة بسيارات اخرى من نفس السعة اللترية .
وعفشتها لو ناعمة ضعيفة جدا ولو رياضية ناشفة هو فى كده .
ويعنى ايه بتاكل قواعد ماتور ويعنى ايه كل شوية الناس تخرط طنابير ده خلاف اسعار قطع غيارها المبالغ فيها دى يا راجل بقيت اسعار قطع الغيار قريبة من السيارة اللى من وجهة نظرى مالهاش حل الهوندا .
واحتياطا ردا على سؤوالك اللى ممكن تسأله ليه جبتها جبتها يا سيدى علشان هى ارخص اليابانى اللى موجود فى السوق .
استاذ heka_m_y
العزل متفق معاك فيه بس مش فارقه معايا
الصوت بتاع عيون القط ده عمري ما اخدت بالي منه ! لما انزل هحاول اسمعه
وبالنسبه لموضوع الفرامل فهي اكتر من ممتازه معايا وانقذتني من مواقف كتير جداً (اللي عندي فرامل abs)
التقفيل بتاع العربيه انا شايفه ممتاز بالنسبه لحاجات كتير في السوق ويمكن حضرتك مش بتركب عربيات تانيه في فئتها كتير
بالنسبه للثبات فانا كان عندي كورولا2003 واقولها بالفم المليان الفيرنا تضربها في الثبات !!!!
والبومه تضرب الاتنين ولو حضرتك عندك مشكله في الثبات تبقى حاجه في عربيتك او يمكن بتركب عربيات اغلى بكتير لكن في فئتها اللانسر مثبته كفاءه في الثبات وطبعاً عفشة 1600 غير 1300
موضوع الفتيس فانا اعرف اكتر من 20 واحد راكبين بومه وانا راكب بومه وعمري ما سمعت ان فيه مشكله زي كده
وقواعد الموتور انا غيرتها مرره واحده في 5 سنين
والعفشه السبورت معروف انها ناشفه وبعدين دي رحمه بالنسبه للسيراتو
امال يعملوها ملبن زي الكورولا وتبقى مراجيح المولد!!!
موضوع نور التابلوه ده انا نفسي اعمله احمر ممكن صور
وموضوع السعر معاك 100% ان البومه المفروض ترخص كتير او يوقفوها لكن بالسعر ده مش نافع خالص
انا اللى سعيد بالكلام معاك يا استاذ heka_m_y وطبعا احنا بنتكلم بحيادية برغم ان انا وانت من اصحاب اللانسر بس زى ماحضرتك قلت ان الكمال لله وحده وكمان اللانسر مش من العربيات الفارهة بالتالى طبيعى ان يكون فيها عيوب
بالنسبة لموضوع الفتيس عربيتى مش شاذة ولا حاجة وبدليل ان عندى فيها عيوب كتير جدا ولو دورت فى مشاركاتى فى المنتدى هتعرف والاستاذ Ralliart هو كمان بيقول ان اكتر من 20 واحد يعرفهم ماعندهمش المشكلة دى
بالنسبة لسواقتى حضرتك لو عرفتنى هتعرف انا اد ايه سواقتى هادية ولما بقول كنت باخد غرز على 160 ده من الفضول اللى طبيعى يشد اى واحد فينا انه يعرف امكانيات العربية اللى معاه فامينفعش تشبهنى بالشباب اللى بيجرى بالعربية وياخد غرز ومش هامه حاجة
وطبعا بقول تانى كلامك سليم بالنسبة للاسعار وده طبيعى فى مصر ان العربيات كلها غالية
وتقبل تحياتى وسعيد مرة تانية بالكلام معاك
السلام عليكم انا معايا العربيه من شهر 3 / 2008 والعربيه بسم الله ما شاء الله عليها
-اولا انا معايا 1600 اتوماتيك وعامله حوالى 35 الف كم
-الحمد لله رب العالمين مفيش اى اعطال ظهرت فيها فى الفتره ديه كل الى عملته الصيانه العاديه زيت وفلتر بس ان شاء الله انا داخل على صيانه ال40 الف احتمال ده يكون فيها شغل شويه
-اثناء فحص السياره فى صيانه ال30 الف المركز قالى انا جلب المقصات بداءت تشقق بسيط اوى وممكن تعد معاك 20 الف كيلو كمان بس الكلام ده صايقنى جدا لانى كان معايا عربيه تانيه وعدت الرقم ده من الاستعمال بكثير وماجبش جلب مقصات مع العلم كمان انى بستخدم الانسر كتير فى السفر يعنى كل شهر سفريه 650 كيلو رايح جاى ممكن يكون ليها تعليق على الموضوع ده ان العفشه ال1600 بتكون ناشفه على العربيه بالتالى بتوظ جلب المقصات لانها كاوتش بس انا مش حاسس بان عومان والعربيه ثابته جدا
-العربيه كتقيم بعد استعمال يقارب الثلاث سنوات
مميزات حلو جدا على سعرها و كعربيه يابانى كانت بالسعر ده
-ثبات ممتاز على السرعات العاليه يعنى 130 120 بيكون كويس اوى فى الطرق الغير ممهده فى الطريق الممهده السرعه 150 الى 160 بتكون حلو اوى عليها
-صوت المحرك انا شابف انه ناعم جدا ومفيش منه اى مشاكل
-العزل بتاع العربيه كويس جدا بالمقارنه الكرولا ممكن تكون احسن بس الصراحه عايز واحد دقيق جدا علشان يلاحظه بالاضافه انه مش باين لما تشغل الكاسيت
-العفشه ناشفه شويه بس انا خلاص اتعودت عليها
-قطع غيارها الغير اصليه تعبانه جدا ممكن تتخم فيها والاصلى ممتاز بس غالى شويه فى المقابل انه بيعيش
صوت الخبطه بتاعت عين القطط ده عندى بس لازم تكون عين القطط عاليه علشان اسمع الصوت بس فى المقابل طلما مفهوش تأثير على العربيه يبقى خلاص مفيش مشكله
-مشكله ان rpm انه بينزل لما تحول الفتيش الاتوماتيك على n ده سعات بيظهر عندى ويظهر اوى لما اكون مشغل التكيف بس هوه مش بيزل ال400 والعربيه تبطل لا ده هوه ممكن ينزل 600 ولا حاجه ويرجع تانى وانا شايف ان العيب ده مش من الفتيش وممكن يكون من حاسس الايدل كنرول الى بيظبط عداد الار بى ام وهو بالمره عيب غير مؤثر نهائى
-التقفيل انا معنديش اى شكوى من التقفيل خالص بالعكس انا شايف انه كويس اوى ومفيش اى اصوات غريبه بتطلع فى الكابينه غير لما اكون حاطط حاجات فى العربيه بطبيعتها مع الحركه ممكن تعمل صوت
--الفتيش الاتوماتيك سلس جدا وناعم بس انا ليه تحفظ عليه انه على بكرتين وحساسات وعايز معامله خاصه جدا زى لما تيجى تطلع بالعربيه نطلع واحده واحده ومنغير قرص علشان تحافظ عليها يمكن انا موسوس من ناحيه الفتيش شويه لان الفتيش لسه جديد وتقريبا العربيه الوحيده الى منشره وفيها الفتيسcvt ده الانسر بتالى انا مش عارف عنه اى حاجه وكل معلوماتى بتكون سمع من حضراتكم واو من ميكانيكى بتكلم عن عربيات شافها
-انا شايف انه عدم توافر زيت الفتيس cvt ده مشكله خصوصا انى زى ما قوتلكم انى موسوس اتمنى انه يكون متوفر
-االعربيه الى لونها بيج من جوه لعنه سوده لان الفرش مع الزمن والتراب بتبهدل اوى فنصيحه الى عايز يجيب تجيب رصاصى احسن
- فى عيب ان كلبسات الدليات والكتيرات ضعيفه جدا وبتكسر
-العربيه شنطها نوعا ما ضيقه شويه بس بتقضى العرض الحمد لله
- اليومين دول الانسر كله رفع فى السعر حتى الكرستاله قده حاجه كويسه جدا خصوصا ان كتير مننا العربيه بتمثل ليه تقريبا كل املاكه
-استهلاك البزين انا شايف انها كويسه جدا زى اغلب ال 1600 فى عربيات تانيه
-الموضوع البايخ برضو الى عرفتوا من المنتدى حوار شريط ال اير باج وعرفت انه غالى ربنا يسترها بقى
ده مخلص تقيمى للعربيه بعد خدمه تقارب الثلاث سنوات استعمال
انا عندي لانسر بومة 2008 لمبة srs المفروض انها تنطفيء بعد التشغيل ولكن الان بتنور علي طول وتنطفيء احيانا ومش عارف ده سببه أه
* عفشتها نوعا ما كويسة وبتستحمل يمكن ضعيفة شوية أمام التويوتا مثلا بس مش كلنا بنخش حلبة سباقات فالسيارة على أد الغرض منها ممتازة جدا بس فيها بعض العيوب من وجهة نظرى وبعض العيوب الاخرى اللى جمعتها من مشاكة سيادتكم فى المنتدى :
أولا : العزل فيها مش كويس يعنى لما بقفل الزجاج بسمع الضوضاء الخارجية اللى فى الشارع وصوت الماتور العالى طبعا غير بعض التقفيل اللى مش كويس زى مثلا بعض الناس ومن ضمنهم أنا عندى صوت تكتكة خفيفة من الزجاج الامامى ولقيت كثير من الناس بيشتكوا من عيوب التقفيل هذه .
انا معاك العزل مش ممتاز بس اهو لو ده العيب يبقي مش مشكله
ثانيا : فيها عيب كثير من الناس اشتكوا منه وأولهم أنا إن عند كسر الدريكسيون فى الملفات ويكون الملف فيه مطبات أو مطبات عين القطط بسمع صوت خبطة أو تكة حديد فى الدريكسيون والصوت ده صادر من علبة الدريكسيون وبيسمع فى الطارة نفسها والمهم ان فى التوكيل نفسه قالوا ان الصوت ده طبيعى فى اللانسر البومة وخلونى أجرب عربية تانية لقيت فيها نفس الصوت وعلى فكرة الصوت ده كان عندى فى المكواة وبرده هو هو فى البومة اللى لسة مكملتش 2000 كيلو والغريب ان بعض الناس أسألهم هل الصوت ده مضايقهم يقولون ان الصوت ده مش موجود أصلا مع العلم ان فى شكاوى كتير فى المنتدى عن هذا الصوت والسؤال ازاى شركة عريقة زى متسوبشى عارفة العيب ده ومش بتحاول تحله من موديل 2001 وحتى 2010 . وعلى فكرة انا لقيت الحل للمشكلة وكتبت عنه كتير وهو تغيير قطعة حديد فى علبة الدريكسيون واستبدالها باخرى فايبر .
بص كان عندى صوت زنه مجننانى والتوكيل مش عارف ايه ده لحد ما خليت المهندس يطلع يجربها بنفسه ومعرفش ايه ده والمره التانيه ليا في التوكيل قابلت مهندس تانى طلع جربها اكتشف ان الصوت من الزجاج بتاع الباب اصلي كنت فكيت الفرش اركب وحده رفع لكن عين القطط ده مش مشكله خالص
ثالثا : بعض الناس بتشتكى من الفرامل بس يمكن أنا شايفها نوعا ما كويسة .
لا لا فرامل ايه الفرامل كويسه جدا امال لو شوفت الكورى هتقول ايه
رابعا : العربية ممتازة جدا فى المنحنيات بس ثباتها بعد الـ 120 وحش جدا جدا جدا جدا وده لان الباور بيخف جدا لى السرعات العالية .
بص انا اصلا العربيه بتاعه والدي بس انا بسافر بيها كل اسبوع اسكندريه واقل سرعه مشيت عليها وانا راحع من الطريق الجديد اللي بكارته 150 والسرعه القصوى اللي جيبتها 185 والعربية ممتازه ممتازه لحد 160 وبعد كده خوفت
خامسا : الاوتوماتيك رائع حسب علمى لان عربيتى مانيوال بس عيبه حسب الشكاوى منه ان فى بعض السيارات لما يجيب n أثناء وقوف السيارة الـ rbm بينزل إلى 400 وتترعش السيارة ثم يصعد مرة أخرى وأحيانا بتبطل السيارة .
الموضوع ده محصلش معايا نهائي عمر العربية معطلت ولا بطلت منى نهائي
سادسا : من أشد الاشياء استهلاكا فى السيارة هى قواعد الماتور وكل فترة بتحتاج تغيير مش عارف ليه حتى الاصلى منها .
ولا اعرف حاجه عن المشكله دى لكن عاوز اقولك ان طريق القيادة بتفرق كتير الطلعة العنيفة بتهلك قواعد الماتور بسرعه
سابعا : استهلاك البنزين فيها عالى جدا حتى يمكن الـ 1600 بتعمل حسب علمى 200 كيلو فى الصفيحة وانا بسمع ان السيارات القديمة مثل البيجو مثلا 2000 سى سى بتعمل نفس الرقم .
يا راجل انا بفول لبابا يوم الاحد تخلص يوم الخميس بيروح الشغل بيها كل يوم حوالي 600كيلو بحوالي 45 لتر تقريبا 260 كيلو للصفيحة
ثامنا : الـ 1600 الرياضية حسب علمى أيضا عفشتها ناشفة شوية على الطريق .
مهو هو ده اللي مديها ثبات علي السرعات العاليه
اما انك تختار العشة الناعمه زى الالينترا بس مفيش ثبات
تاسعا : وده عيب تافه شوية ان لما لمبة فى التابلوه بتتحرق وتحاول تجيب غيرها من التوكيل بيكون لونها أصفر يعنى مافيش عليها الطربوش اللى بيدها اللون بتاع التابلوه فيتغير لون الاضاءه يبقى كوكتيل شوية أصفر والباقى نفس اللونز اللى بتزل بيه . وده انا عالجته ايضا وعامل نور التابلوه والتكييف والسى دى والساعة كله احمر زى البى ام والابيزا
اول مره اسمع عن العيب ده معنديش حاجه اتحرقت
10: موديل 2010 البومة غالى 10 الاف جنيه وكل اللى اتغير فى السيارة شكل ولون عدادات السرعة والبنزين والحرارة والـrbm أما التكيف والكاسيت فنفس اللون القديم يعنى بقيت كوكتيل واتغير أيضا شكل طارة الدريكسيون والجنوط فهل هذا يستحق ارتفاع السعر هذا انا شايف انها غالية جدا جدا يعنى ازاى اجيب عربية 1300 سى سى مانيوال بـ 100000 الف جنيه مع العلم ان فى سيارات اخرى منافسة للانسر فى السوق وأعلى أمكانيات ويمكن أقل فى السعر .
العربيه سعرها زايد مش اقل من 50 الف رايي انها تتباع كامله سوبر اكشن ب 80 الف
يا ريت يا جماعة تكتبوا تعليقاتكم على الموضوع وكل واحد موافق على كلامى أو معترض يكتب أيضا واللى شايف ان بعض العيوب اللى ذكرتها موجوده عنده يكتب أيضا واللى عنده عيوب أخرى يكتب حتى نستفيد من فكرة صاحب الموضوع المتميز وانا بشكره على فكرته .
http://www.nilemotors.net/Nile/Arabi...ons/report.gif
عاوز اقول انو العربيه معايا 3 سنين ومع زميلي في الشغل 5 سنين ومع ابن خالتي سنتين ومع صاحبي 4 سنين والملام اللي انا قولته من واقع تجربتهم وتجربتى العيب اللي انا كارهه في العربية دى
1- صوت العربيه العالي
2- الشكل اللي بقاله 8 سنين زي ماهوه مفيش تطوير ولا اوبشن
3- محتاجه ثبات اكتر بعد 160
من المشاكل المتكررة فى العربية الانسر إستهلاك البنزين و الحل بمنتهى البساطة فى تنظيف
Throttle Body
عند تشغيل التكييف يحدث إهتزاز خفيف بعجلة القيادة أثناء وقوف السيارة ويزول هذا الاهتزاز عندما اغلاق التكييف
هل هذا شئ طبيعى
استاذ heka_m_y
شكرا على المعلومات المفيدة الى موجودة فى الحوار دة احب اضيف انى ركبت اوبترا ونيسان ولانوس ونوبيرا وكيا وهيونداى واوبل وكل دة فى سنتين والحمد لله مستريحتش الا فى اللانسر انا لسه جايب واحدة م2003 فابريقه بالكامل عامله 100000 بومه يبانى عملت معايا 63 الف والحمد لله ابتديت فى الصيانه بتاعتها من سيور وزيوت وفلاتر وكهربا كل ملحوظاتى على العربيه صوتها عالى شويه وعزلها مش زى النيسان بس دى عيوب مش جوهريه اما بالنسبه للثبات والنعومه واستهلاك البنزين والعفشه فهيا ممتازة ولو جربت النيسان هتعرف فرق العفشه
انا كان ليا استفسار حولين تغيير نور العدادات عشان عندى لمبه اتحرقت وحاولت اغيرها بس طبعا كلكم عارفين اللمض دى اخر حاجه تتلاقى فى الدنيا وطبعا لما حبيت اشيل الطربوش من عليها اتقطع الموضوع دة مدايئنى اوى عشان اللون اختلف ونفسى اغيرة اما احمر او ابيض بس المهم القى اللمض فياريت النصيحه
عوامة البنزين طبعآ أشهر من النار ع العلم دي عند كل الناس تقريبآ
ولمبة الsrs بتنور وتطفي بردو كل فترة
والدركسيون الياور بتاعه ميكانيك مش كهربا علشان السرعات العالية
بس كده دي المشاكل إللي قابلتها إنما الباقي فللللللللل
عند بدأ تشغيل الموتور يعمل الدينامو بشحن سريع وعالى جدا مما يؤدى الى توقف الموتور(لانسر 2005)
Ana mewafe2 3ala kol kelma 7adretak 2oltaha,ana bakaren benha we ellanos, ana 3ayz el lanos, ar5as el 3afsh an3am ket3 el `3eyar ar5as
طيب انا عندي مشكله في علبه الدركسيون لانسر بومه نزلت كل الزيت و محتاجه تتغير محدش عنده خبره في الموضوع ده يفيدني؟؟؟
والله انا عندى مشكله فى سحب العربيه التسارع بطىء جدا غيرت فلتر هواء وفلتر بنزين وبوجيهات واخيرا غيرت اسطوانه وديسك ونظفت البوابه وحساس الاى دبل وفولت العربيه وحطيت منظف رشاشات امريكى ولسه المشكله قائمه هى العربيه 1600 مانيوال موديل 2007 مصرى وفى حاجه تانيه هى مساعدين ال kyb بتنشف العفشه عن المساعدين الاصليين اللى نازلين مع العربيه
والله عندى مشكله بالنسبه لعزل العربيه وان قافل الزجاج ومشغل التكييف بسمع صوت هوا جوا العربيه والمشكله دى معكننانى جدا حاولت اتوصل للمشكله مش عارف هل حد عنده نفس المشكله ويا سلام بقى لو جريت شويه مثلا كدا جبت 160 احس بصوت هوا فظيع
ممكن تلاقي الحل هنا
http://www.nilemotors.net/Nile/10783-a.html
انا وجهتنى مشكلة بعد ما غسلت الموتور كار كير
ان الفرامل ال abs لما تدوس جامد بقت تعمل زنة و حشرجة ولمبة abs تنور
مش عارف ده ميه دخلتله و هتروح لوحدها ولا ايه ربنا يستر