إستفتســــار عن تمن الفتيـــس الأوتوماتيــــــك للأوبتــــــرا

**د.محمود صلاح** · 21-04-2008 04:34 PM

طول ما انت بتحافظ على زيت الفتيس فى مكانه ... انسى ان الفتيس الاوتوماتيك يبوظ والدليل..... اوتوبيسات هيئة النقل العام كلها اوتوماتيك وعمرها ما باظت . ولو - لا قدر الله باظ - يبقى بعد عمر طويل يكون المستوردين جابوا لك فتيس استيراد ب 3 الاف جنيه بس !

**Xpert** · 21-04-2008 08:16 PM

با عم لو فتيسك باظ هاته استيراد و اشتري دماغك .. بالنسبه لو عندك مانوال و عاوز تركب اوتوماتيك .. مانصحكش :d

**heshaaam** · 16-04-2009 07:46 PM

انصح انك تروح المحلات اللى بتركب اوتو ماتيك اى فتيس
بالنسبة لحوار الاستيراد هيبقى تمنه كام 20 او 25
ولو عايز تجيب اتوتوماتيك هات النترا موتورها اقوى ويشيل اوتوماتيك

**move** · 23-05-2009 01:32 AM

انا عندي سيارة اوبترا وخرب علي الجربوكس وسعر الجربوكس وئلت في الوكالة حصلتة سعرة 12 الف ريال يعني قيمة سيارة الجمعة 28 جمادى الأولى 1430

**sha2e** · 23-05-2009 02:04 AM

المشاركة الأصلية كتبت بواسطة tayson54

انا برده بقول الرقم ده صعب اوي عموما انا بعت ميل لمنصور شيفروليه عايز اعرف سعر الفتيس كام وهكلم خدمه العملاء علي المغرب كده اعرف برده
بس برده ليه الأوتومايتك في الكوري مش كويس وهل شيفروليه هتجازف وتحط علامتها التجاريه علي عربيه ممكن تسوء لها سمعتها تماما لو كان ليها مشاكل متكرره في جزء مهم جدا من العربيه زي الفتيس ؟؟؟
وبفرض انها عربيه كوري صرف ملهاش علاقه بشيفروليه هل فيه حد سمع او عاصر مشكله في اوتوماتيك عربيه كوري قل كده يحكي عليها بحيث نستفيد ؟

الاوتوماتيك فى الكورى لا يرتقى للاوتوماتيك فى اليابانى والالمانى
وان كان فى كيا والهيونداى ليس سيء جدا

لكن الاوتوماتيك فى الدايو ظهر فيه الكثير من المشاكل سواء فى اللانوس او النوبيرا ( من أكثر من شخص وبعضهم تجار واصحاب معارض)
والكل يعلم ان شركة شيفروليه لم تقم بأضافة اى تعديل فى اللانوس او الاوبترا (نوبيرا 3) او كروز (لاسيتى) الا وضع علامت شيفروليه بدل دايو

بخصوص التجارب سعر الاوتوماتيك فى الدايو اقل أو تساوى المانيوال فى حالة اعادة البيع واى تاجر لا يرغب فى شراء اى سيارة دايو اوتوماتيك ويفضل المانيول

**som3aa** · 23-05-2009 02:34 AM

يمنه فى التوكيل كان 45000 جنيه , معرفش رخصوه دلوقتى و لا ايه.

**Hosam_Optrawy** · 23-05-2009 03:09 AM

تمنه 32000 جنيه
والفتيس يابانى مش كورى

**aboenjy** · 25-05-2009 11:09 PM

يا جماعة يا ريت اللى يتكلم فى حاجة ما يكونش سمعها لازم يكون شاف بعيونه أو عاش التجربة بنفسه،،،، أما موضوع انا سمعت أو واحد حكالى دا كله كلام فاضى وقاعدة مصاطب،، وكنبة البواب؟؟؟؟؟؟؟؟؟؟؟؟؟؟؟؟؟

- بالنسبة للاوتوماتيك،، مين اللى قال انى الكورى فى الاتوماتيك مش كويس، (علما بأن الأوبترا تقفيل كورى وليست كورية)ما تشوفو الهيونداى كل موديلاتها حاليا فيه أوتوماتيك،، وما فيش منها شكوى حتى الآن،، فمابالك بالأوبترا مش ممكن هاتكون أقل من الهيونداى بأى حال من الأحوال،،،
- على فكرة الموضوع زى ما بنقول "قرف"فى ناس وشها يقطع الخميرة من البيت،،، ممكن يشترى السيارة النهاردة وبكرة يلاقى فيها خمسين عيب،، وممكن يكون ده بسببه،، ويقعد يعيط ويشكى لطوب الأرض ويلعن اليوم اللى اشترى فية السيارة؟؟؟؟؟؟ أنا اعرف واحد اشترى مازدا 6 وبعد اسبوع المكينه ضربت،،،خلاص كدة المازدا تعبانه وفاسدة وا وا..... والله بصراحة فى ناس هنا فى المنتدى بتقرفنى من طريقة كلامهم وبحس انهم دخلوا المنتدى غلط زى الأخ اللى كتب موضوع ........ يخص الأوبترا وطبعا الناس مشكورين كتبوا آرائهم وفى الآخر بيقول لا أنا مش هاشترى الأوبترا علشان فيها عيب؟؟؟؟؟؟؟؟؟؟؟

- على فكرة أنا راكب مرسيدس شبح حجمها 300 موديل 91 أوتوماتيك سمراء اللون(ولله الحمد على النعمة)،،،ولما بسوق الأوبترا بتاعتى موديل 2009 بحس أنى مرتاح أكثر والله العظيم بتكلم جد،،،،

-يا جماعة كلمة أخيرة،،، العربية اللى تعجبك وشفت انها مناسبة لك اشتريها واستمتع بها وخللى اللى يتكلم يتكلم،،،