مشكلة فى الفيرنا 2010

**م. عصام مهنى** · 18-01-2011 01:47 PM

السلام عليكم ورحمة الله وبركاتة
اخوانى اعضاء المنتدى المحترمين
انا عربيتى موديل 2010 فول اوبشن مانيوال عاملة لحد دلوقتى 10200 كم
من يومين الكاوتش الامامى الايمن كان مريح الصبح وانا رايح الشغل رحت لعجلاتى وزودت الكاوتش
وبعدين لاقيت العربية متلخبطة مش عارف اية اللى حصل يعنى لو ماشى على اسفلت ومفيش اى مطبات بحس ان العربية كانها ماشية على طريق فية حفر وبدبدب ومش مظبوطة
تانى حاجة دى لسة من امبارح لما اقف بالعربية واغير على الاول وامشى الاقى العربية بتنط لقدام مرة واحدة
مع انى بعرف اسوق ومش بسيب الدبرياج مرة واحدة مش عارف ايه اللى حصل وبحس ان سحب العربية قل مش عارف لية هل فيه حاجة فى الدبرياج ولا فيه مشكلة فى الكاوتش !!!!!!!!
انا مكنتش هروح صيانة الـ 10000كم لانى كنت مغير الزيت لحد الـ 15000كم فقلت اروح التوكيل على الـ 15000كم وخلاص
بس بعد المشكلة دى بفكراروح التوكيل واقولهم

مستنى اراء حضراتكم

ولكم جزيل الشكر

**م. عصام مهنى** · 18-01-2011 08:25 PM

الحمد لله المشكلة اتحلت

المشكلة انى لما رحت ازود العجل
الاستاذ العجلاتى راح مزود العجل وخلاه على 40
رحت لعجلاتى تانى وقالى يا استاذ العجل على 40 ودا اللى عاملك المشكلة
وراح مظبط العجل على 30