أنا إستشارى متواجدة فى القاهرة الجديدة من 5 سنين و على دراية نسبية بالمنطقة
مناطق أبو الهول المطروحة فى القرعة القادمة تعتبر لسة بدرى عليها شوية لإن حدودها الشمالية منطقة المستثمرين الجنوبية اللى لسة مانتهاش العمل فى أغلب الحدود الجنوبية وهى الخط الفاصل مع أبو الهول
أما الحدود الجنوبية لأبو الهول فهى المنطقة الصناعية و طبعا دى موش ميزة
الحدود الغربية الغابة المتحجرة
الحدود الشرقية إمتداد المستثمرين الجنوبية التى لم تخصص بعد
يعنى اللى مفروض ياخدها يكون حاطط فى تصوره إنها موش هتحقق سعر زى باقى المناطق قبل سنة على الاقل
لكن بشكل عام تعتبر أبو الهول 1 أفضل من أبو الهول 2 و 3 لإنها تقع فى الشمال الملاصق لمنطقة المستثمرين الجنوبية و طبعا كل ماقربنا من أماكن مأهولة بيكون أفضل طبعا
إرتفاع 13 م يعنى دور أرضى و 3 متكرر + دور بدروم حسب الرغبة كما يمكن طلب تعلية دور إضافى بعد دفع ما قيمته 25% من قيمة الأرض
أما عن تكلفة البناء على مساحة 300 متر بنسبة 60 % للخمس أدوار + البدروم فتقريبا تكلف من مليون إلى مليون و 100 ألف تقريبا دا بسعر النهاردة و موش عارفين تأثير الأحداث الجارية هيعمل إيه؟؟
المشكلة فى مدة الانتهاء من المبانى انها 3 سنوات بس بعدها يسحبو الأرض
أرجو إنى أكون ألقيت الضوء على بعض التساؤلات و ربنا يوفقكم