مرايات جنب لادا 2107

**midonbtc** · 03-03-2011 06:13 PM

المشاركة الأصلية كتبت بواسطة thediesel

الأستاذ باسم رد على موضوع الضم .. كنت هأقوله حالا ..... و أنصحك بيها فعلا ..... وأنا ناوي أركبها بس مش في حاجة ماسة ليها حاليا علشان عربيتي لسه جديدة والمراية مش مزعلاني ...... وطلب صغير لو سمحت لو اشتريتها ياريت تقولي آخر أسعارها كام دالوقتي ولك جزيل الشكر

للاسف انا قررت اصرف نظر ومشتريهاش لان رغم من مميزتها الكتير اللى حضرتكوا ذكرتوها الا ان فيها عيب خطير بالنسبالى موضوع انه مينفعش اضمها هيعملى مشكله لانى بضطر اغطى العربيه فى كثير من الاحيان وبالتالى كدا مش هينفع اغطى العربيه والمرايات مفتوحه روحت اشتريت بتوعها الاصلى من عند حمدى لادا ب120 جنيه ومش بطالين يعنى كويسين ... والله الموفق

**a7madramadan** · 05-03-2011 12:20 PM

مبروك ... واختيار موفق و انا شغال بيهم و مش محتاج أغيرهم ... أفضل بكتير من المصري في الرؤية .... و ماتاخدش في بالك على موضوع الأسعار لو انا أخدت قرار الشراء هأقول على سعر الي اشتريته بيها ان شاء الله :)

**tiger451** · 12-03-2011 06:14 PM

فيه مرايات كهرباء للادا؟؟؟؟؟؟؟؟؟؟

**midonbtc** · 13-03-2011 05:17 PM

اعتقد لأ

**a7madramadan** · 17-03-2011 04:21 AM

في مرايات عند بتوع الكماليات كهرباء وبعضها بيبقى شكلها حلو على العربية بس المشكلة في مكان السويتش الي هتظبط بيه المرايات ...

ده ان ماكانش حضرتك بتتكلم على مرايات ضم يعني بتضم لما تقفل السنتر بتتوصل مع دائرة القفل في جهاز اإنزار على كابل اسمه Aux شوفه فالدايرة لو هتعمله بنفسك او سيب الكهربائي يعمل شغله وخلاص لإنها عاوزة شوية دقة.... بس دي نادر لو لقيت حاجة تركب في المثلث بتاع اللادا انا شخصيا ماشوفتش حاجة مناسبة

**mohamed2002** · 17-03-2011 11:14 AM

مرايات الادا المصري شكلهم حلو أفضل من بتوع الشاهين ورؤيتهم أفضل الآصلي بتوعها أكيد أفضل بس للآسف صغيرين جدا

**mando62** · 22-03-2011 09:52 AM

انا جبتهم ب 100 الصيني العريض سرقني واللا ايه؟

**mohamed2002** · 22-03-2011 09:31 PM

المشاركة الأصلية كتبت بواسطة mando62

انا جبتهم ب 100 الصيني العريض سرقني واللا ايه؟

أعتقد سعرهم عالي فبتوع الادا 2107 المصري الكبار اللي شبه بتوع الهيونداي الماتريكس ب 75 الي 80 جنيه يا ريت قبل ما تشتري حاجة تسئل في المحلات المجاورة ثم تشتري

**tiger45** · 23-03-2011 09:34 PM

المشاركة الأصلية كتبت بواسطة thediesel

في مرايات عند بتوع الكماليات كهرباء وبعضها بيبقى شكلها حلو على العربية بس المشكلة في مكان السويتش الي هتظبط بيه المرايات ...

ده ان ماكانش حضرتك بتتكلم على مرايات ضم يعني بتضم لما تقفل السنتر بتتوصل مع دائرة القفل في جهاز اإنزار على كابل اسمه aux شوفه فالدايرة لو هتعمله بنفسك او سيب الكهربائي يعمل شغله وخلاص لإنها عاوزة شوية دقة.... بس دي نادر لو لقيت حاجة تركب في المثلث بتاع اللادا انا شخصيا ماشوفتش حاجة مناسبة

هي فعلا عيزه كهربائي شاطر
انا حخاطر وحعملها ورينا يستر انشاء الله