ازمة طريق الاسماعيلية

**M.Nasr** · 19-01-2011 12:16 AM

والله حرام اللى بيحصل فى طريق الاسماعيلية ده انا كرهت اى مشوار للعبور بسبب الطريق . بداية من عند العبور وموقف السلام اللى اصبح لعنة والكوبرى الغريب اللى اتعمل وماتعملش "فزورة" ودخلة الحرفيين لحد عند السندباد كل ده زحمة والطريق واقف وماشي اول تانى .
الاول الواحد كان بيقول بكره يخلصو الكوبرى اللى بيعملو فيه 3 سنين واتصدمت لما طلع ناحية واحدة واتصدمت اكتر لما اكتشفت ان مافيش مطلع للدائرى اتجاه المعادى امال انتو بتعملو الكوبرى ليه ده هى كل المشكلة ان مفيش مطلع للدائرى من طريق الاسماعيلية غير اتجاه واحد .
انا زهقت بجد ومعلش اعذرونى انا بحاول افضفض معاكم .

**K.LOTFY** · 19-01-2011 08:28 PM

ربنا يكون فى عونك انا حاسس بيك لأنى مجرب الطريق المقرف ده

الطريق ده بجد اسوء طريق فى والكوبرى ده عمل زحمه اكتر

بجد بقت حاجه تخنق قوى

**sayed911** · 19-01-2011 08:44 PM

انا ليا فكرة حتة التخريم من اول شارع جوزيف تيتو من ورى تخرم لحد ما تطلع عند نادي الشمس كده من ورى مش بتاخد اكتر من 20 دقيقة لكن الفكرة انو اللي مش عارفوا ايــــــــــــــــه لازمة جزيرة 6 متر في طريق واقف ليل ونهار !!!!!!!!!!! وبيتسمح فيه للعبيات تركن صف تاني وساعات تالت بتحصل !!!!!!!!!!!!

**M.Nasr** · 19-01-2011 08:52 PM

المشاركة الأصلية كتبت بواسطة k.lotfy

ربنا يكون فى عونك انا حاسس بيك لأنى مجرب الطريق المقرف ده

الطريق ده بجد اسوء طريق فى والكوبرى ده عمل زحمه اكتر

بجد بقت حاجه تخنق قوى

اشكرك على مشاركتك حضرتك تخيل الواحد يستحمل 3 سنين يقول معلش بكره الطريق يتعدل لما يخلصو الكوبرى وبعدين فى الاخر الحال يزداد سوء والازمة بقت اكتر من الاول
يالا الحمد لله على كل حال

**M.Nasr** · 19-01-2011 09:09 PM

المشاركة الأصلية كتبت بواسطة sayed911

انا ليا فكرة حتة التخريم من اول شارع جوزيف تيتو من ورى تخرم لحد ما تطلع عند نادي الشمس كده من ورى مش بتاخد اكتر من 20 دقيقة لكن الفكرة انو اللي مش عارفوا ايــــــــــــــــه لازمة جزيرة 6 متر في طريق واقف ليل ونهار !!!!!!!!!!! وبيتسمح فيه للعبيات تركن صف تاني وساعات تالت بتحصل !!!!!!!!!!!!

انا عارف الطريق اللى حضرتك بتقول عليه بس ده بعد الكوبرى بتاع الحرفيين بس المهم الواحد يعدى المشكلة الاكبر من عند العبور لحد موقف السلام وكمان مع اتوبيسات المدراس والميكروباصات الطريق بيتقفل حتى فى الشوارع الجانبية.
عندك حق فى موضوع الجزيرة بس هى المشكلة فى الركنات الصف تانى وتالت زى مابتقول هو الحل ان لازم يتعمل كوبرى بطول الشارع ده ويا سلام لو يوصل لصلاح سالم

**M.Osman** · 19-01-2011 09:15 PM

الطريق ده فعلاً بيعرفنا قد اية ان كل الشغل اللي بيتعمل من كباري و خلافه مجرد مسكنات

انا بكون جاي من السلام و عايز ادخل الدائري في اتجاه المحور و بقف في الحتة دي كتيييير جداً

ما بالك بقى اللي مكمل الطريق !! ربنا معاك

**محمد محمد** · 19-01-2011 09:42 PM

مادام حضرتك راجع من العبور متمشيش من طريق الأسماعيلية- القاهرة....انا اخر مرة استخدمت الطريق ده في وقت ذروة كان من سنة تقريبا او اكتر.
ادخل من المنطقة الصناعية بالعبور واطلع علي طريق بلبيس في اتجاه القاهرة اخره هتلاقي نفسك قبل الكوبري الجديد وخلصت القصة او ادخل السلام واخرج من الحرفيين
لو مش عارف الطريق ده قوللي.

**M.Nasr** · 19-01-2011 10:57 PM

المشاركة الأصلية كتبت بواسطة محمد محمد

مادام حضرتك راجع من العبور متمشيش من طريق الأسماعيلية- القاهرة....انا اخر مرة استخدمت الطريق ده في وقت ذروة كان من سنة تقريبا او اكتر.
ادخل من المنطقة الصناعية بالعبور واطلع علي طريق بلبيس في اتجاه القاهرة اخره هتلاقي نفسك قبل الكوبري الجديد وخلصت القصة او ادخل السلام واخرج من الحرفيين
لو مش عارف الطريق ده قوللي.

معلش هتعب حضرتك ياريت لو توصفلى الطريق ده امشى فيه ازاى وانا راجع من العبور

**ahmed1981** · 20-01-2011 12:28 AM

سوق العبور على يمينك تدخل يمين بعد سوق العبور للآخر
وبعدين تدخل شمال
هتدخل في طرق كثيرة جداً لغاية لما تطلع على آخر طريق بلبيس الصحراوي والذي يصب في آخره على مدخل الكبري الغبي الذي إستغرق ثلاث سنوات لنجد أنفسنا أما الفردة اليمين
ولسة الفردة الشمال

في النهاية هذه التخريمة قد توفر عليك وقت
وقد تزيد عليك أضع الوقت

فنصيحة ألا تأخذها إلا إذا كان الوضع متأزم للغاية

**abo_amr** · 20-01-2011 01:24 AM

بالفعل الكوبرى اللى اتعمل عند مدخل السلام ده فرده واحدة فقط
وهى تستخدم الان فقط للقادم من الاسماعيلية فى اتجاه القاهرة
وجارى العمل الان فى الفردة الثانية
وعلى فكرة الفردة الثانية اللى قائم بها العمل الان هى التى سوف تستخدم للقادم من الاسماعيلية
وسوف يعكس السير بالفردة اللى شغالة دلوقتى وها تكون للذاهب الى الاسماعيلية
والمشكلة الكبرى فى هذه المنطقة هى:
لايوجد مدخل للقادم من الاسماعيلية ويريد ان يدخل الدائرى فى اتجاه مدينة نصر
لايوجد أمامه الا الصعود فوق الفردة الجديدة وزيادة الازدحام حتى أسفل كوبرى المطار المقام أمام مدخل مدينة الحرفين
والاتقاف من تحته والرجوع مرة أخرى فى وسط الزحام مع المتجهين الى الاسماعيلية حتى اسفل الفردة اليمين الجديدة
ثم الدخول يمينا فى مدخل للطريق الدائرى مقام وسط موقف ميكروباسات واتوبيسات ومقفول قفلة منيلة
حتى تسطيع المرور منه وتبدا فى الدخول على الدائرى فى اتجاه مدينة نصر - تنظيم عجيب جدا
وانا ارى الحل فى اقامة كوبرى عند الكيلو 22 للقادم من الاسماعيلية - يمر هذا الكوبرى فوق طريق مصر الاسماعيلية على شكل حرف n ويرمى مباشرة على الطريق الدائرى فى اتجاه مدينة نصر
( هايكون هذا الكوبرى بالقرب من نزلة الدائرى للمتجه للأسماعيلية

الموضوع: ازمة طريق الاسماعيلية

LinkBack

أدوات الموضوع

عرض

-

-

-

-

المواضيع المتشابهه

ازاي اروح هايبر وان في الكيلو 52 طريق مصر الاسماعيلية

الطريق الى فيلا عرابى اللى فى طريق الاسماعيلية

الامطار تتسبب فى ازمة مرورية بطريق المطار مصر الاسماعيلية

الامطار تتسبب فى ازمة مرورية بطريق المطار مصر الاسماعيلية

من 6 اكتوبر الى طريق الاسماعيلية

الكلمات الدلالية لهذا الموضوع

المفضلات

المفضلات

ضوابط المشاركة