أريــد رأيكم فى شيروكى موديــل 2005 عاملة 48000 كم

**h_hezzah** · 26-07-2007 07:06 PM

220000 ممكن تجيبلك موديل 2004 ويمكن كمان 2005 6 سلندر واوتوماتيك!
ال 4 سليندر بطلوا يعملوها حتى فى امريكا، والسبورت دلوقت 6 سلندر مانيوال وناقصة شوية كماليات عن الاوتوماتيك
سعرها جديدة حوالى 250-260 الف

**Mhamed** · 26-07-2007 07:23 PM

thnx hatem for fast reply ,u r site admin ,i have to congratulate u and all nile motors for such a great site

hata2el 3leek shewaia eah ra2yak fi elchirokee 3moman ana mohandes mesafer bara we banzel masr kteer we kol nzolaty safar been elmo7afzat we mawake3 we keda we 3yz 3rbia fi 7dood el 200000 bas tkoon mateena we testa7mel elnaas nasa7ony belalmaany golf walla jetta bas ana msh hamshy a7ases be 3rabia fanosha xenon we sensor we ele7'tra3at di fa fakart fi elcjirokee 7ata iza kanet mosta3mal

iza 7ad 3ando ra2y ya reet ye2ol

**Mhamed** · 26-07-2007 07:36 PM

to alaaaboelata
ana asef 3al moda7'ala bas elmaodoo3 wa7ed welkalam gab ba3do

**h_hezzah** · 30-07-2007 09:30 AM

اسف لتأخرى فى الرد بس كنت مسافر.

انا رأيى الشيروكى طبعا متينة وتستحمل وخصوصا مشاوير المحافظات وكده
انا عندى الموديل الشيروكى القديم شوية (اللى قبل الليبرتى) فدى متينة بس عيبها انها ناشفة قوى وخاصة لو بتسافر بسرعة (يعنى بتمشى 120 وأعلى) ممكن بعد شوية يجيلك صداع من كتر مابتتنطت.

ميزانيتك ال 200 الف تجيبلك ليبرتى موديل 2003 او 2004 ليمتد ودى طرية شوية عن القديمة بس اصغر حجما.
وبرضه لازم تعمل حساب فرق استهلاك البنزين عن العربيات السيدان. يعنى اعمل حسابك 12-15 لتر / 100 كم فى السفر
انما هى طبعا عربية متينة ومش هاتحتاج تحسس بيها وانت ماشى خالص.

لو مايهمكش الدلع والمنظر ممكن تلقى نظرة على الفرونتيرا. انا شايفها عربية حلوة جدا. هى بس شكلها يدى على نص نقل شوية بس اوسع كتير من الشيروكى وسعرها ارخص وقطع غيارها 80% منها مشتركة مع الدبابة النص نقل فتلاقيها فى كل حتة ورخيصة.

**Mhamed** · 30-07-2007 11:44 AM

شكرا يا حازم على ردك و حمد لله على السلامه
انا بفكر اجيب ال 2500 سي سي ايه رأيك فيها . السبب الوحيد عشان تكون ارخص شويه من 3700.
اذاتعرف اسعارها ياريت .اذا الفرق بين 2500 و3700 كبير يبقى 2500 احسن عشان انا بصراحه عيز اوفر :roll:

**h_hezzah** · 30-07-2007 01:34 PM

ال4 سلندر فى الليبرتى 2400 سىسى وهو موتور ميتسوبيشى (ده اللى اتقاللى فى مركز الصيانة) وقالولى برضه انه ضعيف على العربية وده السبب انهم بطلوا ينزلوه فى الليبرتى لأن الطلب عليه قليل.

وبالتالى مش هاتلاقى منها كتير معروض. ده غير انها كمالياتها محدودة . تكييف ، باور، واظن ABS >
مافيش زجاج كرباء ولا مرايات كهرباء، فتيس مانيوال، فرش قماش .
سعرها على ما اظن يبدأ من 140 وانت طالع حسب الموديل والحالة. واستهلاك البنزين مش فارق كتير عن ال 6 سلندر.

**Adham** · 08-09-2007 12:54 PM

أنا لسة جايب فورنتيرا بعد مقارنة شاملة مع الشيروكي و استقريت عليها لأنها أريح و أوسع و موتورها أقوى و اعتقد كمان انها بتوفر بنزين

و بالنسبة لقع غيارها هو بس حاجات بسيطة اللي مشتركة مع بين الفرونتيرا و الشيفرولية الفاستر النص نقل (الشبكة الكبوت الرفارف الاكصدامات وبس)
انما بالنسبة لقطع غيارها فهي رخيصة يعني انا من اول ما جبتها جبت تيل فرامل امامي ب 55 جنية و جبت مساعدين ب 250 للجوز بس لسة مش عارف قطع غيار الموتور عاملة اية لان موتورها طبعا غير النص نقل خالص حيث ان موتور الفرونتيرا بيبقى بنزين 3200 سي سي 24 صباب 6 سلندر بشكل حرف في و هو مثيل لموديل موتور الايسوزو الروديو و الهوندا الباسبورت لان الفرونتيرا بتنزل بكذا اسم لنفس السيارة في كذا بلد

تحياتي