الف شكر وربنا يجعاو فى ميزان حساناتك :satelite:
على العموم انا هابقى اتصل بفرع اسيوط واسالهم واشوف ايه الاسعار عندهم ولو تمكن انى اعمل كل حاجه هناك يبقى افضل وربنا ييسر اللى فيه الخير
عرض للطباعة
السلام عليكم
كلامكم الجميل عن العربية خلاني افكر في شرائها ولاسيما عامل السعر
ولكن انا خايف من التقفيل المصري .....ماهي القطع المصرية في السيارة ..... قرأت في المنتدي ان هناك مشاكل في
ضفيرة الكهرباء ...فضلا عن الاستهلاك العالي للبنزين وصوت الموتور المرتفع وضيق الكنبة الخلفية
وما اخبار اسعار قطع الغيار
منتظر ردكم
مع الشكر الجزيل
و عليكم السلام
حضرتك لا يوجد داعى ان حضرتك تخاف من التقفيل المصرى..لانه فعلا جيد بش وحش زى ما حضرتك فاكر و كمان لانه بيتم تحت اشراف يابانين فى المصنع اللى بتتجمع فيه
حضرتك القطع المصرية على ما اتذكر هى الزجاج و الكراسى,,,لكن الصراحة بش فاكر ايه تانى مصرى ولا هو ده بس
بالنسبة لضفيرة الكهرباء:حضرتك دى بتبقى مشاكل فردية و بتكون نادرة و لو قدر الله و حصل فيها مشكلة,,حضرتك التوكيل بيغيرها لحضرتك من غير اى مشاكل و بدون اى تكلفة على حضرتك
اما بالنسبة لاستهلاك البنزين,,فا فى موديل 2011 تم اضافة سنسور الاوكسجين لتقليل استهلاك الوقود
و طبعا استهلاك البنزين راجع لعدة عوامل منها:دوسة حضرتك على دواسة البنزين و اذا كان فيه قرص على العربية ولا لا,,ضغط هواء الكاوتش له عامل برده(و على فكرة هما غيروا ضغط هواء الكاوتش لاستهلاك افضل) و كمان عن حضرتك فيه مقاومة جسم العربية للهواء و كمان تحميل العربية باشخاص حسب احجامهم طبعا,,و عوامل تانية بتأثر فى العربية
اللى عاوز اوصله لحضرتك ان استهلاك البنزين لمواتير ال 1600 c.c تكاد تكون قريبة من بعض,,و بش حتفرق كتير و ان الاستهلاك بيرجع لسواقة حضرتك و استخدام حضرتك للسيارة
اما بالنسبة لصوت الماتور المرتفع نسبيا,,فده راجع لان سير الكاتية جنزير و ليس كاوتش و ده اللى بيخلى صوت الماتور يعلى نسبيا و لكن لا يوصل لصوت الازعاج يعنى
بالنسبة لضيق الكنبة,,فهى بش ضيقة اوى,,يعنى ممكن تلات اشخاص اجسامهم متوسطة يقعدوا كويس,,لكن لو اجسامه كبيرة حتفرق شوية و حيبقوا اتين فى الكنبة
اسعار قطع الغيار,,اسعارها مناسبة جدا و ليست بالغلو اللى بنسمع عنو,,,و كمان قطع الغيار للنسيان معمرة جدااا و بتقعد مع حضرتك فترة كبيرة
و فى انتظار بقية الاعضاء للرد على حضرتك بردو
و تقبل مرورى
ماشاء الله ...ا/باسم مفيش كلام يتقال بعد كلامك الجميل الموجز ده ... جزاك الله خيرا
هو علشان تتقفل في مصر لازم يبقي 40% من العربية مصري ... وفي الاخر زي كاوتشات التقفيل ..فرش الكراسي .. الزجاج ... حاجات كده متأثرش علي اداء العربية اطلاقا
وبالنسبة للضفيرة فعلا حالات فردية وبتتحل مباشرة في التوكيل ... الحمد لله
البنزين زي اي عربية 1600 وحسب سواقة حضرتك
والصوت العالي (مجازا) علشان فعلا سير الكاتينة جنزير ... الف حمد والف شكر ... ديه عندي بالدنيا والله :36_3_10[1]:
بس هو فعلا مش هايعلي الا بعد ما تقرص علي الغيار يعني الrpmيعدي 3000
الكنبة ضيقة لو رجعت الكراسي اللي قدام ورا جامد ... غير كده طبيعي
قطع الغيار .. واحد صديقي سألي صاحب محل قطع غيار ياباني معروف ... قالوه انها معمرة ومحترمة
واكيد بترخض مع انتشار العربية .. بس ارخص من ماركات كتير معروفة
توكل علي الله وصلي الاستخارة وربنا يرزقك الخير ان شاء الله
الله يبارك فيك يا استاذ باسم على ردك , وانا كنت قريت رد ليك مشابه فى قسم المقارنات فى موضوع النيو اكسنت الجديدة مع الصنى
وردك عجبنى ومنطقى وبدون تحيز , خصوصا فى موضوع البنزين
لان فعلا حال اى عربية 1600سى سى جوه زحمة البلد , اغلبهم استهلاكه واحد
والناس بتتكلم وخلاص
والا مكنش العربية دى حققت مبيعات كبيرة وانتشار رهيب
والتقفيل المصرى محترم مش وحش ابدا واحسن من العربيات حتى الماليزى والصينى
وانا لما بشوف الصنى وبتفرج عليها وهى جديدة , بقول لو مكنتش جبت تيدا , كنت فكرت فى رنج 100 الف فى صنى هاى لاين وش
العربية محترمة جداااا وتستاهل كل قرش بيدفع فيها
اختيار موفق باذن الله
وانا زيك وفي نفس حيرتك تقريبا وغالبا استقريت على الصني
بالتوفيق باذن الله
ربنا يخليك يا استاذ حسين و يجزيك كل خير
وهو ردى ده جاء بناء عن تجربة فعلية للعربية فترات كبيرة كمان بش مرة كده و خلاص
و بش عارف الناس ليه بطلع اشاعات كتيرة ليه؟؟:what:
و بعدين انا فعلا بتمنى نصنع عربيات هنا فى مصر زى ما السعودية بدأت تعمل,و علمت عربية اسمها غزال
و على فكرة يا استاذ حسين انا بش ناسيك فى موضوع زيت شيل و صاحبى قالى حيسأل واحد خبير عنده و حيرد عليا و ان شاء الله اول ما يرد عليا حكتب الرد علطول فى موضوع حضرتك
ربنا يخليك يا استاذ احمد و انا قولت رأئى اللى يملاه عليا ضميرى,,لان زى ما سبق و قولت للاستاذ حسين انى جربت العربية فترات كبيرة بش مرة واحدة او فترة صغيرة
انا فعلا رديت على عضو فى موضوع سابق فى قسم هيونداى و كانت مقارنة بين هيونداى و صنى
انا معايا فيرنا بتاعة والدى و بروح بيها الشغل كل يوم و سافرت بيها مرة واحدة,,الصراحة انا اول ما بابا جابها,كنت مضايق,,بس كانت الفلوس هى العامل الاساسى فى حكاية الشراء دى و اشتراها مستعملة عاملة 3000 كيلو,المهم استهلاكها عالى فى البلد,,ده انا بمشى شارع البحر الاعظم و بطلع على الدائرى منه,يعنى بش زحمة اوى و الاقى استهلاكها مرتفع نسبيا,,انا قولت اول ما جيبنا العربية,العربية دى حتشم بنزين بالنسبة لوزن الجسم الى سعة الماتور:star1:
طلع ظني فى غير محله:what:
بس بالنسبة للسفر و اى عربية على السفر كويسة فى الاستهلاك
طب تصدق يا استاذ احمد انا كان معايا افيو (الله يرحمها )
كانت بتستهلك استهلاك مرتفع و كنت مضايق من الحوار ده
و ممكن كمان يعادل استهلاك ال 1600c.c
و فعلا العربية تستاهل كل قرش يدفع فيها
و اسف للاطالة
بالعكس الواحد سعيد يارائك جدا , وارائك تتسم بالتجربة العملية , ودى حاجة مهمة
وفعلا اللى بنقوله دايما اهم حاجة على الطوالى العربية بتستهلك قد ايه
العربيات اللى بتستهلك فى الزحمة 180 وا190 بتيجى على الطوالى وتلاقيها بتعمل 240 واكتر فى الصفيحة
ففين بقا المشكلة
يبقا المشكلة مش فى العربية فى الزحمة المميتة اللى عندنا فى بلدنا
وقوف كتير ضرب فرامل كتيير , اصلا سواقة مجهدة , الواحد لما بيصدق الطريق فتح , بيكبس برجله عاوز يطير ,كل ده بيخلى اداء قياس استهلاك البنزين مش ثابت وبيكون فى زيادة لاى عربية ايان كان نوعها
فعلا انا يوم الجمعة كنت ماشي صلاح سالم وكان زحمة جد يعني كنت شبة واقف كنت حاسس انها حوت بنزين وعمري مجربتها على الطوالي لأني كل ما امشي الاقي زحمة وأول ما الطريق يفتح بجري ولما اصدق . إستهلاكها معايا كدة علشان الزحمة وهيه بتعمل 37 لتر بيعملو 300 ك وانا لسة والعربية عاملة معايا 2300 ك