الموضوع: بعد اللف فى النتدى قررت اجيب الصنى +استفسار

السلام عليكم ورحمه الله وبركاته

بصراحه انا كنت كاتب الكلام ده كرساله خاصه للزميل سبعاوى بس يظهر ان الييل عنده مليان فقلت مش مشكله استفاد برده بخبرات باقى الاعضاء
فى البدايه احب اشكرك على المواضيع الجميله والتعليقات الى استفدت منها كتير انا وزملائى فى المنتدى اللى افادتنى سواء فى المقارنه بين النيسان صنى وباقى العربيات او المعلومات المفيده اللى اتفضلت بيها عن العربيه

بصراحه انا بقالى فتره بقارن وادور فى النتدى على عربيه تكون اعطالها قليله فى حدود 120 الف وسعر اعاده بيع مناسبه وكمان متعقدنيش من كل العربيات وخصوصا دى هتكون ان شاء الله اول عربيه ليه

بعد المقارنات اللى دامت اكتر من 6 شهور ولف هنا لهناك بعد التنقل بين الاقسام رسيت على عربيتين هما النيسان صنى او السيات ابيزا وبصراحه فى الاول كنت ميال اكتر للبيزا(مكونات المانى,تكنولوجيا حديثه,تقفيل تمام وكل الناس بتشكر فيها) لكن بعدين بصراحه لما حكمت عقلى وعملت استخاره ملت اكتر للصنى وخصوصا ان فى فرق لصالح الصنى عشرين الف ده لو هشترى السوبر صالون وانت عارف طبعا احنا اولى بالفلوس دى وكمان انا من الصعيد ومفيش اى مركز خدمه لسيات غير فى القاهره وده هيكون صعب عليا

المهم انا عارف انتم ملكمش ذنب تسمعو الحكايه الطويله دى بس انا حبيت احكيلكم الحكايه من الاول ممكن تدينى رايك برده (على فكره انا فكرت فى التيدا برده بس حسيت انها خفيفه والصاج بتاعها مش قد كده...ايه رايك؟)

المهم بعد ما اسقريت بنسبه 70% على الصنى بدات اقرا اكتر عن المواضيع اللى فى المنتدى وبصراحه ربنا يكرمكم جميعا


بس ياسيدى نيجى بقه للاستفسار
لما قارنت بين السوبر صالون وال ex حسيت انو فى كماليات كتير مش عايزها ففكرت انى اشترى مثلا المنوال او الاوتو بال abs وازود فى التوكيل الكماليات اللى انا عايزها وبكده اكون وفرت على نفسى كام الف كمان ......مش عارف ايه رايك فى الكلام ده ؟؟وهل ال سوبر تستاهل الفرق ولا ايه؟؟

انا عارف انى طولت عليكم خالص وخنقتك بس انتو من كرمكم الللى طمعتونى
فى انتظار الردود والاراء