الموضوع: بعد اللف فى النتدى قررت اجيب الصنى +استفسار

برجاء تصحيح المعلومة ده

الخليجى ماتورها كورى مش يابانى ( اللى هو بتاع السامسونج )

المشاركة الأصلية كتبت بواسطة ahmed.tv

بالعكس الواحد سعيد يارائك جدا , وارائك تتسم بالتجربة العملية , ودى حاجة مهمة

وفعلا اللى بنقوله دايما اهم حاجة على الطوالى العربية بتستهلك قد ايه

العربيات اللى بتستهلك فى الزحمة 180 وا190 بتيجى على الطوالى وتلاقيها بتعمل 240 واكتر فى الصفيحة
ففين بقا المشكلة

يبقا المشكلة مش فى العربية فى الزحمة المميتة اللى عندنا فى بلدنا

وقوف كتير ضرب فرامل كتيير , اصلا سواقة مجهدة , الواحد لما بيصدق الطريق فتح , بيكبس برجله عاوز يطير ,كل ده بيخلى اداء قياس استهلاك البنزين مش ثابت وبيكون فى زيادة لاى عربية ايان كان نوعها

ربنا يباركلك يا استاذ احمد
الحقيقة يا استاذ احمد مقدرش احكم على عربية غير لما اجربها و امشى بيها فترة كبيرة عشان اعرف احكم عليها صح و امشى بيها كمان فى جميع الظروف
المشكلة فعلا بقت فى الزحمة اللى عندنا,وربنا يرحمنا منها

طب حقولكوا بقى مفاجأة,,الكيا بيكانتو اللى هيا 1100cc بتستهلك 200 ك او 220 ك فى الصفيحة فى وسط البلد و الكلام ده بش من عندى,والكلام ده من موضوع هنا فى المنتدى و اللينك اهو
http://www.nilemotors.net/Nile/160043-a.html
يعنى يا جماعة المفروض تحمدوا ربنا على العربية اللى معاكو,,و الصنى فعلا عربية محترمة فى كل شىء

المشاركة الأصلية كتبت بواسطة ygamgoum

فعلا انا يوم الجمعة كنت ماشي صلاح سالم وكان زحمة جد يعني كنت شبة واقف كنت حاسس انها حوت بنزين وعمري مجربتها على الطوالي لأني كل ما امشي الاقي زحمة وأول ما الطريق يفتح بجري ولما اصدق . إستهلاكها معايا كدة علشان الزحمة وهيه بتعمل 37 لتر بيعملو 300 ك وانا لسة والعربية عاملة معايا 2300 ك

هى بش حوت بالمعنى الحقيقى عشان فيه ناس هنا ما حتصدق تمسك فى الكلمة,,بس فى الزحمة استهلاكها بيبقى عالى نسبيا,,لكن بش كبير حسب الزحمة اللى حضرتك كنت فيها و كذا حاجة
و ان شاء الله استهلاك العربية حيتحسن مع حضرتك و حيبقى احسن من كده
لان خالى اللى كان معايا عربيته, دلوقتى مبسوط من استهلاكها و بيقولى بتستهلك بنزين كويس بش مرتفع و العربية عاملة معاه حوالى 65000 كيلو او اكتر

و صدقنى يا فندم فيه ناس هنا كانوا معاهم صنى و كان الناقل مانيوال و كانوا على الطوالى بتعمل معاهم 300 ك او 310 فى الصفيحة و كان ساعات بيعلى عن سرعة 100,,,و عربية حضرتك اتوماتيك بش حتفرق كتير,فالاستهلاك كويس
و بش عاوز حضرتك تقلل خالص و استمتع بعربيتك
و تقبل مرورى

أولا شكرا لردك يا أستاذ باسم وانت بجد من الناس المحترمين اللي الواحد خسر انو مقابلكش المقابلة الماضية بس معلشش تتعوض قريبا ثانيا فعلا انا لسة مجربتش العربية ويمكن علشان اوتوماتيك وطبعا كان يوم المطرة وطلعت من الهرم الساعة 3:30 ووصلت للسندباد الساعة 11- 11:30 وطبعا انا قولت كتر خير العربية انها نزلت بية في المياه وكانت عاليه جدا واستحملت البهدلة والزحمة وكان لازم تستهلك بنزين كتير لأني انا شخصيا بنزيني كان فضي وتعبت جدا :d بس يمكن الدنيا تتظبط بعد ما عدلت ضغط الكاوتش للقياس الجديد زي ما قالي أستاذ احمد 36 33 وربنا يسهل حفول واجرب تاني كدة

المشاركة الأصلية كتبت بواسطة ygamgoum

أولا شكرا لردك يا أستاذ باسم وانت بجد من الناس المحترمين اللي الواحد خسر انو مقابلكش المقابلة الماضية بس معلشش تتعوض قريبا ثانيا فعلا انا لسة مجربتش العربية ويمكن علشان اوتوماتيك وطبعا كان يوم المطرة وطلعت من الهرم الساعة 3:30 ووصلت للسندباد الساعة 11- 11:30 وطبعا انا قولت كتر خير العربية انها نزلت بية في المياه وكانت عاليه جدا واستحملت البهدلة والزحمة وكان لازم تستهلك بنزين كتير لأني انا شخصيا بنزيني كان فضي وتعبت جدا :d بس يمكن الدنيا تتظبط بعد ما عدلت ضغط الكاوتش للقياس الجديد زي ما قالي أستاذ احمد 36 33 وربنا يسهل حفول واجرب تاني كدة

الشكر لله يا استاذ ياسر,,,حضرتك اللى كلك احترام و ذوق والله
بجد انا اللى خسرت انى مجتش معاكو المقابلة اللى فاتت,,بجد اعضاء قمة فى الاحترام
و ان شاء الله تتعوض قريب,,بس ياريت تقوليلى قبليها عشان احضر معاكو ان شاء الله
حقول لحضرتك على حاجة تعملها فى الزحمة,,لما تيجى فى زحمة زى كده و تكاد تكون واقف,,يبقى جيب الناقل على N,,لان طول ما انت جايب على الD,العربية حتستهلك بنزين اكتر,,العربية فعلا محترمة و تستحمل ما شاء الله عليها و اعتمادية
و ربنا فعلا يعينك ,ده اليوم ده كان يوم غريب فعلا و زحمة
و ان شاء الله موضوع البنزين ده حيبقى احسن مع ضغط الهواء اللى قالك عليه الاستاذ الفاضل احمد مصطفى
و كمان لما تعدى ال5000 ك حيتحسن و الدنيا حتتظبط معاك ان شاء الله
و ربنا يديك خيرها و يكفيك شرها

[QUOTE=sonasteel;3873244649]جزاك الله خيرا .... انا عارف والله ان حضرتك مش بتقصر وكل حد هنا محترم احسبهم علي خير ولا ازكي علي الله احدا
الحمد لله .. انا غيرت وحطيت شل 10000 وربنا ييسر الحال ان شاء الله
الف شكر علي تعبك معايا يا جميل


الشكر لله يا استاذ حسين
كويس انك غيرت بزيت شيل 10000,,هو كويس فعلا,,و ربنا ييسرلك الحال دايما ان شاء الله