الموضوع: دعوه للقاء شامل لكل مالكي bmw بمختلف الأجيال

المشاركة الأصلية كتبت بواسطة gemy1

ان شاء الله يا نوفو باشا هاحاول و انا عايز اقلك فعلا احنا عملنا قبل كده تجربه زى دى يوم الاوتوكروس و كنا 14 عربيه بى ام ورا بعض و ماشيين على المحور ببطء عشان التصوير و كده و كلنا كنا مظبطين عربياتنا عند ميدو بيرفورمانس اللى فى الحرفيين و ده لينك للموقع بتاعه و تقدر تشوف الصور بتاعت التجمع اللى حصل ده :
medoperformance.com :: Autocross 2008 - final

الصور رائعه

يا ريت تعملنا موضوع عن تجربتك معاهم و الموضوع اتكلف كام؟؟

المشاركة الأصلية كتبت بواسطة elfashn

واخيرا تم اللقاء ولكن للآسف العدد كان 3 فقط بس كان لقاء ممتع .التفاصيل تم الاتصال بينى وبين احمد مصطفى (novo) الساعه عشره وربع على ان يكون اللقاء على الدائرى ونروح سوى على مكان اللقاء و تقابلنا الساعة حوالى 11 كنت انا قبليها مكلم محمد سمير علشان كمان ييجى بس هو كان بيقفل شغل كهربه فى عربيته وقالى هيحصلنى المهم قابلت احمد مصطفى وعلى فكرة احنا عمرنا ماتكلمنا ولا شوفنا بعض قبل كده وبصراحه لما اتقابلنا وكأننا اصحاب من زمن وقبل مانتحرك لمكان اللقاء كان فى مكالمه من احمد مصطفى لواحد من الاعضاء الى كان هيشرفنا بلقائه وهو من المعادى علشان تأكيد الميعاد ولكنه اعتذر فقررنا تغيير مكان اللقاء للهرم بما اننا احنا التلاته من الهرم وبالفعل لفينا ظهرنا للمعادى ذاهبين ل(on the run) المكان الجديد للقاء واتفقنا مع محمد سمير انه هيجيلنا على هناك على فكره نسيت اقول ان واحد من اصحابى قابلنى على الدائرى وانا واقف مع احمد مصطفى وقرر انه ييجى معانا هو معاه شيفروليه افيو المهم على الدائرى كنت انا الاول وورايا صاحبى واحمد مصطفى وصاحبى كان قارفنى بالزينون الى مركبه فى عربيته وكان المشى بشكل هادى لحد ماوصلناللمريوطيه وكملنا على الدائرى علشان ننزل من المنصورية وزى مانتو عارفين الوصله دى واسعة وهادية فقررت التخلص من صاحبى والزينون بتاعه باشاره يمين متبوعه باخرى شمال لآحمد مصطفى علشان المواتير تبدأ الزائير (طبقا لنظريه اسد عجوز ولا قرد بصحته) واوعى وشك عدانى احمد مصطفى بس كانت لاصق فى ظهره لحد ال150 كنت بعديه على ال160 كل ده فى حوالى دقيقة او دقيقتين بالكتير الوصله مش طويله اوى ثم كنا نازلين من نازله المنصورية وصلنا on the run وكان فيه بشر واقفه هناك كالمعتاد كل يوم خميس وكان فى بي امات كتيره بس مكناش نعرف حد من اصحابها المهم احنا وصلنا من هنا ومحمد سمير كمان وصل من هنا ومش عايز اقولكو ان احنا فضلنا واقفين لحد الساعة 2.5 صباحا بصراحه كنا مستمتعين بلكلام و حتى بلتعارف نفسه ومش عايز اقولكو الوقت عدى هوا غير ان الافكار الى كنا بنتناقش فيها كانت مشجعه اوى وهسيب باقى التفاصيل لآحمد مصطفى يكملها بلاضافة للصور الى احنا اخدناها مع بعض عموما انا عايز اوصلكو ان اللقاء تم و انشاءالله هنكررو تانى ونتمنى ان المره الجايه يكون العدد ازيد ونفيد بعض بتجاربنا واسف على الاطاله.

صباح الفل يا أحمد

اللقاء فعلا كان جامد جدا و و حسيت و الله ان احنا أصحاب من زمان .

للأسف الصور فشلت في تحميلها و هبعتهالك على الايميل و حاول من ناحيتك.

بالنسبه لموضوع الشد فالe36 طلعت ما شاء الله أداء كويس جدا و انت كنت قريب مني مع اني كنت دايس اخر الدواسه.

بعد اللقاء حصل شد جامد تطلب اني كنت طول الوقت ماشى بالتبترونيك علشان شارع الهرم و غرزه....تخيلوا تلت عربيات بي ام طيرين في شارع الهرم و و اخدينه يمين في شمال الساعه اتنين الصبح و الشوارع رايقه ...أحلى سواقه في الوقت ده من اليوم.

تحياتي