عرض للطباعة
صباح الخيير على البروتونييين الجامدين .
ايه الاخبار ؟! يا رب كله كويس .
انا عندى فانوس Fog مكسور , و التانى طفى امبارح مش عارف ليه !! اللمبة اتحرقت ولا ايه اللى حصل مش عارف .
فعايز اركب Xenon فيهم .
حد يعرف مكان و نوع و سعر ؟ باربت لو حد مركب يقولى جابه منين . و برده اعمل ايه فة الفانوس المكسور دا . اجيبه منين و بكام .
و شكرا جدا .
السلام عليكم ورحمة الله وبركاته
الاخ البروتونى العزيز
انا ركبت اضائة زينون لعربيتى الساجا من 5 شهور وكانت تقريبا ب650 علشان العالى والواطى فى نفس اللمبة
فى انواع بيكون العالى لوحدة والواطى لوحدة
النوع الى جبتة اسمة hid تقريبا
وهوا صينى ومعاة ضمان 6 شهور على المديولى الى بيركب فى المبة
اما اللمبة مبيكونش عليها ضمان
انا ركبتة عند واحد اسمة هانى كان شغال فى محل سبييد فى مدينة نصر
بس هوا سابة وفتح محل خاص بية فى المعادى
هوا كويس وشاطر وبيركب وحدات رفع كمان
الوش بتاع الفوج لايت ده ميزة مشتركة في الجين 2 والساجا والبيرسونا يعني عند اي بتاع قطع غيار مش ها تغلب همة الـ 3 نفس الشكل للوش ..
عندك ممكن تركب في التوكيل بس غالي شويه الفوج لوحدوا الزينون ب590 بس ماركه كويسه جدا و عليها ضمان سنتين اعتقد
و العالي و الواطي مع بعض ب 850 تقريبا و بردوا نفس الكلام
او ممكن برا التوكيل بقي اي حد كويس يركبهولك اسمع ان الصيني مع الرعاش بيتحرق بس بيقولوا في منوا حاجات كويسه و في ناس مركباها و شغال معاهم تمام
متاااابع باهتمام
بس ايه الافضل اركب في الفوجات زينون ؟ ولا اركب زينون في العالي بس بتاع الكشاف ولا اركب زينون ف الاتنين الفوجات والعالي بس بتاع الكشاف ؟
لأني بسافر كتيير وبحس ان الاضاءه بتاعة العربيه مش كفايه.
خالص تحياتي
أخى الفاضل / سارى
سلام الله عليك ورحمته وبركاته ...
نصيحتى أنه إذا كانت سيارتك فى فترة الضمان فلا تحاول ان تركب أى شىء خارج التوكيل حفاظا على الضمان..
وأؤكد لك ان التوكيل يقبل من العميل أى شىء أو إضافه يريدها لسيارته بإستثناء دائرة الفرامل والعفشة والمحرك ويتم محاسبة العميل على مصنعيه التركيب فقط لاغير وهذا عن سؤالى بتوكيل عز العرب بالاسكندرية عندما أبديت رغبتى فى تركيب وحدات رفع وتحويل الزجاج الخلفى لساجتى الى زجاج كهربائى.
مع خالص الدعاء من القلب بدوام النعمه والفضل من الله تعالى......
وأن يهديك لما فيه خير لك ولسيارتك
وأن يحفظك ويحفظ ما وهبك من كل شر وسوء ومن كل نفس أثمه ومن كل عين حاسدة.....
وأن يكتب لك حسنه فى كل خطة تخطوها بسيارتك ويحط بها من ذنوبك.........
وقدر الله لك وكتب عليك فاعل الخير وراحة البال والغنى عن السؤال.........
أخيك
محمد عبد المجيد
مدير إدارة المشتريات الخارجية والاستيراد
الاسكندرية للإضافات البترولية ( اكبــــا)
0116007025
استاذ محمد ممكن حضرتك تفصل هل تقبل التوكيل فكرة الزجاج الخلفي الكهربائي ووحدات الرفع وكم كان الثمن بعد اذن حضرتك ..
اقتباس:
المشاركة الأصلية كتبت بواسطة sayed911
أخى الفاضل / سيد
سلام الله عليك ورحمته وبركاته..
بالنسبه لسؤالك .....
أنا سألت مدير التوكيل نفسه فى إسكندرية بخصوص الروافع للزجاج الخلفى وتحويله لزجاج كهربائى وزى ما قلت مدير المركز قاللى أوك ولا مانع طالما إن اللى هتزوده أو تبدله فى عربيتك برا الموتور أونظام التعليق أوالفرامل
أى حاجة تانيه غير كده وتكون جايبها من برا التوكيل بيركبوهالك وبياخدوا ثمن المصنعية بس..
أى نعم مصنعيتهم غاليه حبتين لكن مش مهم ومش أوى أوى والاهم إنهم بيركبوا الحاجة صح ومايخرجوش أى حاجة فى العربية برا الضمان وخصوصا ضفيرة الكهربا اللى عليها الشغل كله.
بالنسبه للأســعـــار ....
كل ماسبق كان مجرد إستفسار أثناء تركيب الزجاج الخلفى للسيارة ( البربريز) وماعملتش لسه أى حاجة من دول لكن ناوى بمشيئه الرحمن أركب الحاجات دى الاسبوع الجى لما أروح التوكيل عشان أعمل صيانة الاف الاولى لساجتى.
ثمن الزجاج الخلفى كان غالى حبتين لكن مدير المركز عملى تخفيض جامد.
الحساب كان 1150 جم وتم تخفيضه الى 900 جم
والحساب ده شامل ثمن الزجاج وثمن أنبوبتين سليكون وثمن مصنعية التركيب وضريبة المبيعات.
أى إستفسار أخر انا فى الخدمه وتحت أمرك
وإن شاء الله بمجرد ما أركب الحاجات اللى انا عاوزها فى التوكيل ، هبقى أقولك على التكاليف تفصيليا
وأسف جدا على الإطالة
مع خالص الدعاء من القلب بدوام النعمه والفضل من الله تعالى......وأن يهديك لما فيه خير لك ولسيارتك....
وأن يحفظك ويحفظ ما وهبك من كل شر وسوء ومن كل نفس أثمه ومن كل عين حاسدة.....
وأن يكتب لك حسنه فى كل خطة تخطوها بسيارتك ويحط بها من ذنوبك.........
وقدر الله لك وكتب عليك فعل الخيروراحة البال والغنى عن السؤال.........
أخيك
محمد عبد المجيد
مدير إدارة المشتريات الخارجية والاستيراد
الاسكندرية للإضافات البترولية ( اكبــــا)
0116007025
بارك الله فيك وعليك وزادك علما وايمانا ويقينا بالله يا استاذ محمد انا بشكر حضرتك جدا جدا جدا ولكن انا الل بفكر فيها بشكر رسمي فعلا فعلا هوة وحدات الرفع لأني عارف انهم خارج التوكيل بـ 45 جنيه ومش طالبة خروج خالص من الضمان فعشان كده لو سمحت حضرتك لما تركبها ها اكون منتظر رد حضرتك عشان اعرف كم تكلف من الوقت والمال تركيب وحدات الرفع وعاجز عن الشكر يا استاذ محمد والله انا بحس فعلا انه لبيد وحضرتك والأستاذ صلاح حكيم زملاء بل إخوة في الكفاح المسلح .. ..
انا معاك ان شاء الله يا سيد في الموضوع ده لو كدا نروح حتي نعملهم سوا والله انا كمان عاوز اركب وحدات رفع و زجاج كهرباء خلفي ان شاء الله
السلام عليكماقتباس:
المشاركة الأصلية كتبت بواسطة sayed911
ربنا يكرمك انت شاب اصلا زى الفل
ممكن تكمل فى موضوع وحدات الرفع ومكن زجاج + زرايير للزجاج الخلفى هات انت المعلومه دى اسعارهم كام
وانا ان شاء الله فى التوكيل يوم الحد حشوف سعر تركيب الزينون والزجاج ووحدات الرفع
هو محدش مركب Xenon ولا ايه ؟
أخي الفاضل انا عندي برده الوش بتاع فانوس الشبورة مكسور وسألت على الفانوس في شارع دمشق لقيته ب 125 ج تايواني وملقيتش الوش بيتباع لوحده لو حد لقاه ممكن يقولي منين وبكام؟وتحياتي للجميع
اخي العزيز / محمد باشا عبد المجيداقتباس:
المشاركة الأصلية كتبت بواسطة megarekab
اولا : شكرا جزيلاً على النصيحه الجميله بخصوص عدم تركيب شيئ خارج التوكيل خصوصا ان العربيه فعلا لسه ف الضمان.
ثانياً: الاهتمام بابداء النصيحه والرد لخدمة الغير وتمني الصلاح والخير لهم ينم على اخلاق رفيعه ومبادئ نفتقدها في مجتمعنا واشكرك مره ثانيه على ذلك .
ثالثاً: اشكرك مره اخرى على كل هذه الدعوات وادعوا الله ان تكون في ميزان حسناتك وان تكون هذه الدعوات من نصيبك ايضاً انت واسرتك وكل من احببت .
واخيراً
جزاك الله خيراً
واكثر من امثالك
خالص تحياتي
ساري محمد رضا ربيع
محاسب بوزارة الكهرباء
0121697405
بص الموضوع دا ..http://www.nilemotors.net/Nile/124573-a.html
بس حوار شوية , فك اكصدام و كدة .. انا هاروح بكرة اشوف ايه النظام
انا مركب زينون في الفوجات صيني HID ال 6000k واللمبات H3 وتكلفته كانت حوالي 340ج بس دا من زمان المفروض دلوقتي ميعديش 300جاقتباس:
المشاركة الأصلية كتبت بواسطة mark_milad_95
أنا اشتريت امبارح زينون عالي فقط
hid صيني واللمبه h3
من محل في التوفيقيه ب 250 ج
وان شاء الله حركبه بكره
أسف اللمبه h4 مش h3
تحياتي.......