الموضوع: لوحات الفنان الوزير الدكتور فاروق حسنى, لازم تشوفها بجد مهمه جدا

المشاركة الأصلية كتبت بواسطة maserati

على فكرة , اللوحات دى أنا كنت شفتها من قبل كده و كنت لقيت أن وجود أى مشاكل و خلل فى تركيبة و ادراك البنية التحتية لأى فرد أو لمجموعة من أفراد مجتمع ما, لازم تؤدى الى احساس بالضيق و الاكتئاب و الاحباط لهذا الفرد أو لهذه المجموعة و هو مايؤدى الى تراجع فى حدة التعبير لدى هذا الفرد و بالتالى, يؤدى الى ظهور رسومات ذات ملامح حادة و تحتوى على ألوان متضادة فى غالب الأحيان و لازم هذه الرسوم تحتوى على تعابير هندسية ليها بداية و نهاية و لازم تكون البداية واضحة بالسهم المرسوم ده, و أكيد أنتوا فاهمينى و أنا فاهمكم .

اللى قرأ الكلمتين اللى فوق دول و مافهمش أنا عايز اقول ايه, الأحسن له أنه يشوف حد يكون فاهم و يشرحله على انفراد .

شكلك فاهم يا مازيراتي
عموما انا والناس اللى مش فاهمة كلنا هانيجي لك تفهمنا
(جبته لنفسك)

المشاركة الأصلية كتبت بواسطة masrtamin

اللوحات محطوطه بالمقلوب ممكن تعدلها لو سمحت!!!!!!

مش هاتفرق في حاجة تحطها مقلوبة ولا معدولة ولا حتي بجنب كله زي بعضه

المشاركة الأصلية كتبت بواسطة dr zezo

اسف الصور مش واضحة بالشكل الكافي كي نستمتع بالذوق الرفيع و التمدين الحضاري العلماني اللائق الذي يجب ان نحس به و نتخلق به في حياتنا !!

لذا صورة واضحة هدية للذواقين فقط!!

الوزير في احدث اعماله التجديدية التنويرية

دي صورة كوبري اكتوبر الساعة 3 العصر في شهر يونيو ايام الامتحانات واللون الازرق ده النيل من تحت اما البرتقالي والرمادي فدي العربيات والحتة الخضرة دي نادي الجزيرة
واستمرار الالوان وعدم وصولها لنقطة محددة يعني ان اللى على كوبري اكتوبر في الوقت ده هايعيش في الفراغ وعمره ما هيوصل بيتهم غير لما الدنيا تضلم وبالتالي الالوان لا تظهر في الظلام

المشاركة الأصلية كتبت بواسطة hugan

بجد عالم غريبه
وهو ذنبه انكم مش قادرين تفهموا فنه التجريدي التكعيبي الحلزوني
اتعلموا الاول الفن علي اصوله وبعد كده اتكلمو ا
دا حتي الست الفاضله
ليلي علوي
كانت في معرضه اول امس وكاد ان يغمن عليها من فرط الانبهار بلوحاته
وطلبوا لها بصلا يه علشان تفوق

بص يا هوجان المفروض اني درست علم الجمال والنقد الفني والمصيبة اني بدرسهم كمان لكن بردو مش فاهم
وبعدين يا مفتري ليلي علوي فوقوها ببصلة
امال ام حسين جارتنا يفوقوها بايه ؟

المشاركة الأصلية كتبت بواسطة ahmed-moga

ياجماعه هو ذنبه انكم مش فاهمين يعني ايه الفن السريالي العلماني التجريبي التجريدي التكعيبي التقدمي التآخري المنبثق من التحتوس الجواني والحلزون البراني المتشعب في اللامعقولزم الميتافيزيقي والبارفيسوليجي للهنص في الدنص يااكسلانص ده هو اللي يقصده حاجه بسيطه خالصمش محتاجه تفكير

شكلك فاهم يا نصة

المشاركة الأصلية كتبت بواسطة m_elkhishin

انا بصراحة مفهمتش الكلمتين دول، ممكن توضح أكتر

يعني هو احمد موجة فاهمهم علشان يفهمك
بص لو فاروق حسني فاهم لوحاته ويقدر يفهمها لك يبقي موجه فاهم كلامه وهايقدر يفهمه لك