أرجــو الإفــادة فى صوت طقطقه او تزيق في العجله الشمال قدام

**AANIS** · 26-03-2008 05:34 PM

من كام يوم سمعت حاجه غريبه
صوت زي طقطقه او تزيق في العجله الشمال قدام لما باجي افرمل ولما العربيه تقرب توقف او لما بكون راجع لورا في بدايه دوران العجله بس لكن مش باسمع الصوت و انا ماش عادي سألت مكنيكي فاتح جنب البيت قالي ده تزيق مش طقطقه من اثر الطين
وقالي اغسل العربيه قولت ماشي
غسلت لكن الصوت ما راحش بس هوا مش دايما بيكون موجود و مش عايز اروح التوكيل والصوت يخدعني و ما يطلعش هيا عامله دلوقتي 7600 كم
ما رئيكم دام فضلكم ايه المشكله وهل هيا كبيره و لا صغيره ولا استني لما الصوت يبقي مستمر وواضح ولا ايه العباره
مستني ردودكم وخبرتكم
وشكرا مقدما علي اهتمامكم

**AANIS** · 30-03-2008 11:54 AM

شكرا لكل الاخوه في المنتدي الي ساهمو برأيهم في المشكله كالمعتاد دائما
انا كنت في التوكيل امبارح وكشقت علي الموضوع وكان البيضه الشمال ناشفه وعايزه تتشحم بس خلاص الموضوع بسيط لكن مهم جدا تاخدو بالكو منه
علشان كان فيه معلومه ان البيض لو ملص بتكون مشكله ضخمه + ان علامه وجود مشكله في البيض كانت ثقل في الدركسيون وده ما حصلش معايا وبدايه المشكله كانت مختلفه عن المتعارف عليه ارجو اضافه المعلومه للاهميه

يا اداره المنتدي
انا حاسس من فتره ان فيه ضعف في الاداء و الناس ذوي الخبره باطلو يقولو ارائهم ومفيش حاجه جديده مهمه تفيد الاعضاء
يا ريت لو كان رأي خطائ صححو ولو كان فيه نسبه صح يا ريت تشوفو حل للمشكله
المنتدي ده كان فيه حركه ونشاط ومن 3 شهور تقريبا فيه حاله من الخمول وتقريبا كل المشاركات من ناس عايزه تعرف معلزمات ومفيش حد متخصص بيرد شوفو حل للمشكله
مش عايزين نكون زي ناس تانيه بيطنشو كل المشاكل واهي ماشيه وليس في الامكان ابدع مما كان

**H.ibrahim** · 30-03-2008 01:08 PM

وانا اضم صوتى لصوتك لان انا ملاحظ من فترة ان المنتدى تحول من السيارات الى منتدى اجتماعى و ابتعدنا عن الخط الرئيسى للمنتدى و كمان الخبراء بتوعنا مش متواجدينوا لديهم مايمنعهم من المشاركة ولعل المانع خيرا باذن الله تعالى !!؟؟

:(:o

**SEATLOVER** · 30-03-2008 01:59 PM

انا جيت بس اقول .. ان اللادا اجدع ناس و اجدع عربيات و عمرنا ما نتأخر عنكم
و انتو معاكم حق بس هى فعلاً ساعات كدة كل واحد بيبقى عندة ظروف معينة كدة او حاجات بتحصل تخلية بيقصر فى واجبة ناحية اللى محتاجينلة فعلاً
انا آسف يا aanis باشا ويا export باشا انى انشغلت و مدخلتش حتى اساعد بكلمة .. حقوا عليا .
بس دة لو اعتبرتونى خبير اصلاً :D

الحمد الله ان المشكلة انتهت على خير . وربنا يوفقنا لمساعدة بعض دايماً .

**Defender** · 30-03-2008 05:34 PM

جايز يا جماعه خبراء الادا باعوا الادا واشتروا عربيات تانيه

وبالتالي راحوا اقسام الجيب والمرسيديس والفراري انتو اللي غلطنين:p

هيقطعوا نفسيهم يعني

هما حاولو انهم يدربوا ناس علشا تمسك مكانهم بس الناس مش راضيه تتعلم

يعملوا ايه

يموتوا نفسيهم

وكمان المواضيع التانيه زاخرة بالمعلومات روحوا قلبوا فيها
يعملو ايه يعني يقطعوا نفسيهم

يا ساتر عليكم انت بتتحاملوا علي ادارة المنتدي

هو مفيش حد من الادارة بيرد عليكم ليه.....:D

____________________
ادارة المنتدى شغلها الاساسي هو التنظيم
والتنسيق، ولا يمنع ذلك ان تشارك فنياً
في الرد على الاعضاء إذا كان لدى اعضائها
رد على الاستفسار او المشكلة المعنية ولكن لا تقوم
الادارة بالرد لمجرد الرد او الظهور!!.

مشرف القسم.