الموضوع: بلى العجل الامامى للانوس هيجننى

المشاركة الأصلية كتبت بواسطة midooo_119

السلام عليكم انا كان عندى نفس المشكله فالنوبيرا و قعدت سنه و نص بعانى من البلى ده و جربت كل الانواع و غيرت فالتوكيل ب 500 جنيه البليتين و برضه كانت بترجع نفس المشكلة خلال ايام او شهر بالكتير المهم الميكانيكى الى بتعامل معاه صعبت عليه و قالى احنا لازم نشوف حل قلتله ايدى عالكتفك فكينا الطنابير و وديناها الخراط و هناك اكتشفنا المشكله فين....
المشكله كانت ان المسافه بين الكوبلين و الطنبوره الى الصاموله بتضغط عليها عشان تمسك الطنبوره فالكوبلين صغيره فكان اى حد يركب البلى و يجى يقرط عالصاموله كانت البليه تبوظ لانها مضغوطه فعشان كده مش بتعيش و فعلا لاقينا الطنبوره من جوه فيها اثر احتكاك البليه فى الطنبوره و كان الحل ان احنا لازم نطول المسافه عشان البلية ماتبقاش مكبوسه و فعلا روحت جيبت وردتين يعوضوا الفراغ الى فالطنابير من جوه فالصاموله ماتتغطش على البلى و الحمد لله لغايه دلوقتى بقالى شهرين مفيش صوت خالص مع العلم انى جيبت ساعتها احقر انواع البلى الى هو الكورى ابو 50 جنيه عشان بس قلت هجرب موضوع الورده ده لو مانفعش هغير الكوبلين عشان تبقى المسافه مظبوطه بس الحمد لله الموضوع نجح مع اسوأ انواع البلى

انا حبيت احكى تجربتى يمكن تنفع ناس عندهم نفس المشكله
شكرا و بالتوفيق

شكرا على التجربه ديه بس انا طب انا دلوقتى اروح للمكانيكى واركب وردتين بس انا العربيه راكب فيها ورده وحده اروح للميكانيكى ولا لاء بس العربيه ده لانوس وحضرتك معاك نوبيرا هلا ممكن يكون فى اختلاف ولا لا
علشان انا فعلن تعبت من العربيه ديه ومن البلى ولا غالى نافع ولارخيص

المشاركة الأصلية كتبت بواسطة midooo_119

انا حاسس بيك و الله لانى عانيت زيك و اسوا حاجه صوت البلى خاصه مع السرعه و لا لو انت كمان بتحب تسمع الكاسيت هيجيلك صداع رسمى .
انا مركب وردة واحده لكل عجله مش اتنين فى العجله الواحده ممكن تكون الورده الى انت مركبها رفيعه فبرضه الصاموله بتقرص عالبليه لازم تتاكد ان البليه هتسد الفراغ ده عشان البليه ماتتضغطش و الميكانيكى الى انا عملت عنده ده حته محل صغير تشوفه تقول ده مابيفهمش فحاجه بس هو بيشتغل بذمه و بروحله فالحاجات الى زى ديه عشان بيفيدنى و بيتعب معايا و الحمد لله لاقينا الحل لو عاوز تيجى يشوفهملك انا تحت امرك

ربنا يخليك بس انا هريح دماغى واركب ورده كبيره بس الورده الموجوده فيها كويسه ده بتاعت العربيه اصلاا انا ما غيرتش كوبلن ولا حاجه قدام غير البلى

معلش يا رجالة اتعبكوا معايا عشان انا مش فاهم حاجة وحغير البلى قريب بأذن الله....

يعنى وانا عند الميكانيكى اقوله يركب وردة فين بالظبط ؟؟؟؟

عشان انا مش بفهم اوى فى الحاجات دى وبيضحك علىَّ كتير اوى :( .....

شكرا يا رجالة...

المشاركة الأصلية كتبت بواسطة 3ateef

معلش يا رجالة اتعبكوا معايا عشان انا مش فاهم حاجة وحغير البلى قريب بأذن الله....

يعنى وانا عند الميكانيكى اقوله يركب وردة فين بالظبط ؟؟؟؟

عشان انا مش بفهم اوى فى الحاجات دى وبيضحك علىَّ كتير اوى :( .....

شكرا يا رجالة...

انت اصلاا عندك ورده ركبه قدام عند الصموله بتاعه الكوبلن الصموله الكبيره الى فى العجل الامامى فى خلفها ورده

المشاركة الأصلية كتبت بواسطة midooo_119

السلام عليكم انا كان عندى نفس المشكله فالنوبيرا و قعدت سنه و نص بعانى من البلى ده و جربت كل الانواع و غيرت فالتوكيل ب 500 جنيه البليتين و برضه كانت بترجع نفس المشكلة خلال ايام او شهر بالكتير المهم الميكانيكى الى بتعامل معاه صعبت عليه و قالى احنا لازم نشوف حل قلتله ايدى عالكتفك فكينا الطنابير و وديناها الخراط و هناك اكتشفنا المشكله فين....
المشكله كانت ان المسافه بين الكوبلين و الطنبوره الى الصاموله بتضغط عليها عشان تمسك الطنبوره فالكوبلين صغيره فكان اى حد يركب البلى و يجى يقرط عالصاموله كانت البليه تبوظ لانها مضغوطه فعشان كده مش بتعيش و فعلا لاقينا الطنبوره من جوه فيها اثر احتكاك البليه فى الطنبوره و كان الحل ان احنا لازم نطول المسافه عشان البلية ماتبقاش مكبوسه و فعلا روحت جيبت وردتين يعوضوا الفراغ الى فالطنابير من جوه فالصاموله ماتتغطش على البلى و الحمد لله لغايه دلوقتى بقالى شهرين مفيش صوت خالص مع العلم انى جيبت ساعتها احقر انواع البلى الى هو الكورى ابو 50 جنيه عشان بس قلت هجرب موضوع الورده ده لو مانفعش هغير الكوبلين عشان تبقى المسافه مظبوطه بس الحمد لله الموضوع نجح مع اسوأ انواع البلى

انا حبيت احكى تجربتى يمكن تنفع ناس عندهم نفس المشكله
شكرا و بالتوفيق

احي حضرتم علي ردك المفصل وفعلا تجربة جديدية ومفيدة لانها نادرة وممكن حد يقع فيها كتير