الموضوع: أنا غيرت سماعات سباركي الفابريقة (صور وفيديو)

طبعا اتخنفتوا مني..كل ما اكح في العربية اعمل تقرير المشكلة إن مشاراكات سبارك مش كتير على المنتدى وارجو إن التقارير إللي بعملها دي تساعد ولو شوية في زيادة موضوعات سبارك..
المهم انتم عارفين إني عملت موضوع عن تركيب سماعات خلفية في سبارك (في http://www.nilemotors.net/Nile/192146-4x6.html) المهم أنا قررت بعدها اغير السماعات الأمامية كمان لأن الصوت الخلفي اصبح افضل بمراحل عن الأمامية لدرجة إني وزعت الــfade على السماعات الخلفية..المهم لفيت لفة في السوق على السماعات الدائرية مقاس 10 سم لقيت التالي
بايونير (اقل سعر كان 130 واعلى سعر 160 بدون ضمان)
سوني (اقل سعر كان 110 واعلى سعر 150 بدون ضمان)
كينود (اقل سعر 130 واعلى سعر 150 في بضمان وبدون)
سيمفوني (اقل سعر 55 جنيه ومسألتش على الضمان)
المهم خطفت رجلي النهاردة في التوفيقية اسأل عند ارخصهم الراجل هناك لما سألته عن الضمان لقيته بيقولي اسأل في توكيل سيمفوني قدام هاتلاقي عندهم سماعات بالضمان!!! ربنا يبارك له على صراحته وصدقه..قمت رحت لتوكيل سيمفوني لقيت عندهم الآتي
سيمفوني (50 جنيه) و كينوود بدون جريل (70 جنيه) طبعا مافكرتش واخترت الكينوود بحمد الله



المواصفات :
- 110 وات اقصى قوة
- rated power 20 w
- 4 اوم

مواصفات السماعات الاصلية:
- 40 وات (مش كاتبيين اقصى قوة ولا rated)
- 8 اوم

بس الفرق الواضح مابين الاتنين في الخامات..السماعات الاصلية تحس إنها كارتون recycled..




التركيب (من غير صور معلش)
مافيش اسهل من فك الوش بتاع السماعة في التابلو..هاتحتاج مفك عادة (يا ريت لو صغير زي بتاع النضارة) هاتحط على المفك منديل مبلل (او حتة قماش رقيقة) علشان ما يجرحش فيبر التابلو..وتحط المفك في اي جنب للوش وتزق للخارج..بس خلاص.هاتلاقي السماعة مربوطة بمسمارين واحد فيهم جنب الزجاج جدا، هاتحتاج مفك صغير او مفك بزاوية علشان تفكه..اوع تفتكس حاجة تانية علشان ما ماتجرحش الزحاح او تبرم راس المسمار



الفيديو دا للمقارنة بين صوت السماعتين..السماعة الفابريقة على اليمين والسماعة الكينوود على اليسار..انتم ايه رأيكم؟ ويجعله عامر على رأي عمدتنا الاستاذ ايمن علي

[youtube]http://www.youtube.com/watch?v=0cQxCQ38tL0[/youtube]

الحقيقة ما فيش فرق!!!!!