السلام عليكم
كنت عايز اعرف اسعار قطع غيار البونتو ايفو بالتوكيل و ايه الاماكن الموجود فيها قطع غيارها برا التوكيل و سعر السنسور بارك بتاعها في التوكيل و شكراااااااااااااااااااااا اااااااااااا:help1:
عرض للطباعة
السلام عليكم
كنت عايز اعرف اسعار قطع غيار البونتو ايفو بالتوكيل و ايه الاماكن الموجود فيها قطع غيارها برا التوكيل و سعر السنسور بارك بتاعها في التوكيل و شكراااااااااااااااااااااا اااااااااااا:help1:
تقريبا فى حد كان جايب الاسعار فى الموضوع المثبت بتاع التقرير عن الايفو.. تقريبا قطغ الغيار اغلبها حيبقى زى الجراند بونتو فى الاسعار.
شكرا يا محمد بك على الحصريات ديه ... بس هو ليه التيل الخلفي اغلى من الامامي...عجيبه ؟
شكراااااااااااااااااااااا اااااااا و اية اخبار السنسور بارك
صعب تلاقي انصاص في الحرفيين و لو موجودة هتبقي غالية يعني أرخص من التوكيل بحاجة بسيطة عشان العربية مش منتشرة سواء ايفو أو جراند
انا رأي ان اي حد ناوي علي الجديد لازم يأمن أول 3-4 سنين ..انا أمنت تبع التوكيل ب 4000 جنيه في السنة...و لو فكرت في حادثة متوسطة تجيبلك رفرف +اكصدام + فانوس ( العفشة سليمة) هتلاقي انك دخلت في 4000 جنيه فطع غيار بس من غير المصنعية و الدهان...يعني التأمين هيبقي مفيد جدا
بعد 3 -4 سنين هتكون العربية اتقطعت و هتلاقي كل حاجة في الحرفيين باسعار معقولة
لكن بالنسبة لقطع الغيار المستهلكة زي الفلاتر و السيور ان شايف انها معقولة
انا كان نفسي أركب سنسورز بس طلعت الحكاية غالية قوي لانها هتحتاج تيجي من ايطاليا بالاكصدام كله زائد ان هيبقي في شغل في الكومبيوتر و نوصيلات و بصراحة ماأضمنش الايد المصرية لما تتمد علي الحاجات دي في العربية...أنا بقول يا رب الصيانات العادية و شغل الميكانيكا و العفشة البسيط يعدي علي خير من غير ما يخربوا حاجة في العربية...مش طالبة افتح فتحة علي نفسي
استاذ وائل الايفو بقيت اشوفها كل يوم و دي حاجه جديده خصوصا ان ملهاش كتير في السوق اعتقد انها بقت منتشره باضعاف اعداد الجراند بس هل الانتشار هيستمر لو العربيه غليت الله اعلم
انا برده ملاحظ انها منتشرة و ان شاء الله هتنتشر أكتر بس برده دي حاجة نسبية
قطع الغيار و الانصاص اللي في الحرفيين حاجة من اتنين
1- عربيات محلية عملت حوادث كبيرة مانفعش تتصلح و الاجزاء السليمة بتاعتها اتباعت
2-عربيات حوادث من أوروبا (استيراد) بتيجي انصاص من غير جمارك و تتباع هنا قطع غيار
شوف بقي في كام ايفو ماشية في الشارع دلوقتي؟ و كم واحدة منهم عملت حادثة كبيرة و منفعش تتصلح و اتباعت انصاص؟ العربية لسه نازلة من 6 شهور بس
و برده تجار الاستيراد في الحرفيين مش هيجيبوا انصاص جراند أو ايفو غير لما يلاقوا ناس بتسأل عليها و يبقي في طلب...في كام واحد شاري جراند او ايفو نزل سأل علي انصاص في الحرفيين؟
طبعا ممكن يكون فيه بس هتبقي قليلة قوي و اللي عنده عارف ان مفيش غيره أو التوكيل و بالتالي هيقرب سعره من التوكيل (احتكار يعني)
أنا عرفت الكلام ده عشان من سنتين الاسبيرانزا بابها اتخبط و مانفعش يتصلح و لازم يتغير و التوكيل بيبيعوا ب 2100 من غير دهان و فاضي و طلع عيني في الحرفيين لحد ما لقيت واحد بيستورد ابواب جديدة من الصين و خدته ب 1600 باب واحد فاضي من غير دهان و ابواب اللانوس و الفرنا كانت مرمية في كل حته البابين ب 500 جنيه!!
و طبعا مش محتاج أقولك الاسبيرانزا كانت منتشرة ازاي في 2009 و مع ذلك كانت لسه بتقول يا هادي في الحرفيين