حصريا على ارض نايل موتورز بالصور والمعلومات نكشف الستار عن نيسان قـاشـــقـاى

**SonaSteel** · 20-01-2011 08:46 PM

السلام عليكم
بصراحة يا بو حميييييد مش عارف اقولك ايه ؟؟؟؟؟؟
مجهود جميل جدا وربنا يجعل في ميزان حسناتك وثواب كل حد هايشتريها ان شاء الله :))
والله مش عارف تقول ايه .... انت لما كنت بتقولي هانزل تقرير القشقاي .. مكنتش متوقع هايبقي بالقوة ديه
لالالا ماشاء الله معلومات حلوة اوي وجديدة اوي .... هو انا طبعا مش هاشتريها :)) علشان حجزت خلاص الجاغوار اللي اتصورت جنبها في المعرض :)
بس هو درج التبريد ده فعلا بيسقع يعني ولا ايه؟؟؟
واخيرا
انا بعد اذنك يابو حمييييد
برشح الموضوع ده أفضل موضوع لشهر يناير 2011 ... اول موضوع في السنه بالقوة ديه!!!
الف الف شكر ليك يا جميل وربنا ما يحرمنا منك ... ومن تقريرك الممتعة ومن خدماتك المتميزة :)))))))

**M.Osman** · 20-01-2011 08:55 PM

عربية بالإمكانيات دي و السعر ده .. صفقة رابحة جدا جداً .. بس تنزل اوتو :(:( + معجبنيش الفينيش بتاع الأبواب :(

تسلم على التقرير الرائع :)

**د.محمود صلاح** · 20-01-2011 09:16 PM

حضرتك كنز لنايل موتورز .. مش مجاملة والله

**atefadel** · 20-01-2011 10:14 PM

انا شوفت الرينو الداستر
بس النيسان تكسب بمراحل

**egypt0777** · 20-01-2011 10:19 PM

العربية ده عبها الوحيد ان ما فيهاش اوتو

**Ahmed.TV** · 20-01-2011 10:51 PM

المشاركة الأصلية كتبت بواسطة basemsaeed

تقرير ممتااااااااااااز,,,و بجد يا استاذ احمد مجهود رائع من حضرتك و تنسيق جميل
بجد ربنا يجزيك كل خير
هى فعلا العربية روعة بس لو نزلت اتوماتيك تبقى أشد
شكرا يا استاذ احمد على التقرير الجميل ده

الله يبارك فيك يا استاذ باسم وشاكر تقديرك الغالى وانا عارف انك كنت مستنى التقرير عن العربية والحمد لله انك عجبك يا فندم
فعلا كان نفسنا تنزل اتوماتيك بس النصيب

المشاركة الأصلية كتبت بواسطة ahmed_52869

تقرير رائع

الله يخليك وشاكر تقديرك ومرورك الكريم

المشاركة الأصلية كتبت بواسطة mohaismail

احلى تقرير لسيارة شفته فى المنتدى تسلم ايدك بجد
بالنسبة للعربية جميلة جدا لكن للاسف خرجت بره اختياراتى لانى كنت ناوى عليها بس ينقصها الاوتوماتيك وحساسات ركن مش هقول حتى كميرا خلفية زى م بتنزل بره
انا سامع ان الكيا سبورتاج هتنزل قريب جدا فى مصر بموتور 1600 وناقل حركة اوتوماتيك ربنا يسهل وتكون عربية كويسة وان شاء الله هشتريها ولو نزلت مانيوال يبقى مفضلش من الاختيارات غير كيا سول وهيا برضه عربية محترمة جدا

الله يخليك يا باشا وشاكر تقديرك الغالى ده , وشعورك الطيب , والحمد لله ان المجهود نال على اعجاب حضرتك
فعلا كان نفسنا ينزل موديل اتوماتيك كمان جنب المانيول

هى حترضى طبعا محبى المانيول لكن الناس اللى بتعشق الاتوماتيك , زعلانين جدا , بس هى عربية روعة
وخامتها روعة بامانة وتقفيلها تحفة
وكيا سبورتاج لما تنزل حنشوف ايه الوضع لسه
اما سول مش بتنزلى من زور ابدااااا العربية دى

المشاركة الأصلية كتبت بواسطة د.أحمد السعيد

مجهود رهيب و تقرير لا مثيل له
انا حاسس انى لو كنت فى المعرض مكنتش هآخد بالى من كل التفاصيل الدقيقة دى
الى الامام دائما و شكرا يا ابو حميد

الله يخليك يا دكتور ودايما رافع معنويتنا ومقدرنا يا فندم
والواحد سعيد جدا ان المجهود نال على رضاكم واعجباكم , والحمد لله

المشاركة الأصلية كتبت بواسطة sonasteel

السلام عليكم
بصراحة يا بو حميييييد مش عارف اقولك ايه ؟؟؟؟؟؟
مجهود جميل جدا وربنا يجعل في ميزان حسناتك وثواب كل حد هايشتريها ان شاء الله :))
والله مش عارف تقول ايه .... انت لما كنت بتقولي هانزل تقرير القشقاي .. مكنتش متوقع هايبقي بالقوة ديه
لالالا ماشاء الله معلومات حلوة اوي وجديدة اوي .... هو انا طبعا مش هاشتريها :)) علشان حجزت خلاص الجاغوار اللي اتصورت جنبها في المعرض :)
بس هو درج التبريد ده فعلا بيسقع يعني ولا ايه؟؟؟
واخيرا
انا بعد اذنك يابو حمييييد
برشح الموضوع ده أفضل موضوع لشهر يناير 2011 ... اول موضوع في السنه بالقوة ديه!!!
الف الف شكر ليك يا جميل وربنا ما يحرمنا منك ... ومن تقريرك الممتعة ومن خدماتك المتميزة :)))))))

حبيبى يا سحس , الله يخليك وشاكر تقديرك الغالى ده
وبجد سعيد بوجودك معانا فى المعرض وفى قسم نيسان وبمشاركتك , فعلا مش بنقدر نستغنى عنك ابداااا
فعلا انت انسان بمعنى الكلمة , وصديق واخ , الواحد فاز بيه وبيفتخر بيك جدااا
وكنت منورنى فى الجولات اللى كنت فيها معايا , وحيرت الناس بملابسك المتنوعة

وكنت زى اللهو الخفى بالنسبة لهم

والجاجور ايه بس ونسيت الفورد ونسيت الفولكس ال4*4 اللى اتعقدنا جنبها

بس يا حسين متفكرنيش الله يخليك

الحمد لله على التقرير واسف على تاخير نزوله للاعضاء لان زى ما انت شوفت ,من قبل ما المعرض يجى وانا كنت بجمع فى معلومات عن السيارة للاعضاء , ولما المعرض جى كمان كنت كنت كل يوم هناك عشان بقابل فى ناس من نيسان وبجمع فى معلومات وصور

والحمد لله ان التقرير فى الاخر خرج للنور بالصورة اللى ترضى نايل موتورز وقسم نيسان واعضائه

**Ahmed.TV** · 20-01-2011 11:08 PM

المشاركة الأصلية كتبت بواسطة ahmedhawas

ألف شكر عالتقرير الرائع ، وده مش جديد عليك يابوحميد
بس أنا نفسي التوكيل يتلحلح شوية ويحضر أول باتش من العربية دي
لأن موضوع اني أحجزها دلوقتي واستلمها كمان 4 شهور (كتير أوي بصراحة)
لكن العربية دي بمواصفاتها المذكورة تعتبر من أفضل العربيات الموجودة في هذه الفئة
وإن شاء الله حيكون ليها نجاح كبير وانتشار واسع في مصر بإذن الله

ملحوظة صغيرة :(بعد إذنك يا كبير) بعض الكماليات موجودة في البروشور، لكن شكلها سقطت سهوا:
بخاخات غسل فوانيس أمامية
إزاز خلفي ضد الشبورة (حراري)
نظام امان غلق الشباك (بحيث لو حس انه هيقفل على حاجة يرجع يفتح بسرعة) ماعدا شباك السائق
غلق الوسائد الأمامية والجانبية fr as airbag off switch ده معناه إيه؟؟
الcombimeter شاشة lcd كبيرة لعرض بيانات كتيرة عن العربية في وسط عدادات واضحةحوافها نيكل كروم

حاجات تانية مش عارف موجودة ولا لأ :
مخرج 12 فولت- ولو موجود ايه استخداماته؟؟
تقريبا جميع الموديلات من العربية دي بتنزل بريموت كنترول للراديو؟؟
وإضاءة خافتة عند أقدام السائق ؟ illuminated footwell lighting
كرسي السائق قابل للتعلية ، وكذلك مسند الرأس
السنترلوك ( مذكرش انه أوتولوك حساس للسرعة)

وشكرا يابوحميد على تعبك معانا

وبالتوفيق للجميع

احب اشكرك يا احمد باشا على تقديرك الغالى ده
واحب اشكرك على الاضافات الهامة اللى انت ضفتها واسف جدا هى فى حاجات منها كان فى دماغى بس فعلا من كتر استعجال الناس على التقرير , ففعلا عدت منى
وحطلب اضافاتها فى اول الموضوع
وبجد بحييك على الملاحظات دى جدا

بص بقا

بخصوص موضوع الحجز وانه طول كتير بفترة كبيرة معاك حق جداااا , بس لو بصينا لاىحاجة جديدة بتنزل مصر , كان السيراتو لو تفتكر كان الحجز بيوصل الى 3 شهور و4 شهور كمان
وزمان ايام ما كنت جبت البولو زيرو سنة 99 بردوا كان قدام الانوس القديمة وكانت لسه نازلة وقتها مصر وقالوا بردوا الاستلام بيقعد 3 شهور
فمش عارف سر الموضوع ده ايه بصراحة

بخصوص بعض الاستفسارات فى الملاحظات اللى حضرتك ذكرتها
موضوع الاير باجز ده , بيقول ان ممكن يتقفل , وده كان ليه صورة عندى وبردوا نسيت احطها وححطها مع صورة الوان العربية لما اجيبها باذن الله

وبخصوص السنتر بيتقفل لما بتيجى تمشى مع السرعة اعتقد موجود , وده موجود فى التيدا المكسيكى الجديدة
وفعلا موضوع الزجاج مش بيقفل لو حد حط ايده وهو بيقفل زى ما انت قولت
وفيها موضوع بخاخات الفوانيس دى عشان تتغسل , والزجاج الحرارى كل ده تمام موجود

اما بخصوص الاضاءة الخافتة عند قدم السواق ده اللى مش متاكد منه , وده حنتاكد منه لما تيجى العربية , وياريت طبعا يكون موجود

وبخصوص الريموت بتاع الردايو ده مش موجود
وكرسى السائق بيتعدل ومسند الراس ده تمام وموجود طبيعى
والشاشة الكمبيوتر موجودة فعلا وبالصور تمام
وبخصوص مخرج الفولت ال12 ده عشان لو عايز تركب فيه شاحن سيارة , تركب فيه ايس بوكس

وبجد جزاك الله خيرا على الملاحظات الهامة دى يا باشا وجارى تظبيطها

المشاركة الأصلية كتبت بواسطة m.osman

عربية بالإمكانيات دي و السعر ده .. صفقة رابحة جدا جداً .. بس تنزل اوتو :(:( + معجبنيش الفينيش بتاع الأبواب :(

تسلم على التقرير الرائع :)

فعلا العربية امكانياتها وخاماتها رائعة وناقص عليها موديل اتوماتيك كمان
على فكرة الابواب والعربية كلها اتفرج عليها على الطبيعة تحفة والفنش عالى جدااا , بس الواحد قلل من جودة الصور جدا والصور احيانا بتكون ظالمة العربية

المشاركة الأصلية كتبت بواسطة د.محمود صلاح

حضرتك كنز لنايل موتورز .. مش مجاملة والله

الله يخليك يا دكتور , وشاكر كلامك وتقديرك الغالى ده بجد , اللى بعتبره وسام على صدرى
وانت حقيقى بتنورنا وبنكون سعداء بوجودك معانا دايما والله
ويارب نشوفك قريب على خير

المشاركة الأصلية كتبت بواسطة saberman

تقرير محترم بدعم بالصور اكثر من ممتاز .

لاحظتو العربيه فيها لمسه التحالف المشترك بين نيسان و رينو .

الله يخليك يا فندم وشاكر تقديرك ومرورك الكريم

ما نيسان ورينو ولاد عم , بس قولى ايه اللى انت شوفته او لمسته فيها قريب من حاجة فى الرينو

المشاركة الأصلية كتبت بواسطة atefadel

انا شوفت الرينو الداستر
بس النيسان تكسب بمراحل

داستر ايههههههههههههههههههه انسىىىىىىىىىىىىىى

حخلى حسين يرد عليك بنفسه فى موضوع الداستر

انت فين يا حسيننننننننننننننن

المشاركة الأصلية كتبت بواسطة egypt0777

العربية ده عبها الوحيد ان ما فيهاش اوتو

فعلالالالا ده العيب الوحيد
وشاكر مرورك الكريم

المشاركة الأصلية كتبت بواسطة mhmdalsaadany

تقرير ممتاز يا احمد باشا ابقاك الله زخرا لنايل موتورز

الله يخليك يافندم وشاكر تقديرك الغالى وابقى الله اعضاء نايل موتورز متكاتفين ومتحابين فى الله

-

-

الموضوع: حصريا على ارض نايل موتورز بالصور والمعلومات نكشف الستار عن نيسان قـاشـــقـاى

LinkBack

أدوات الموضوع

عرض

-

-

-

-

المواضيع المتشابهه

حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

حصريا بالصور والمعلومات .. الان .. نيسان قاشقاى الاتوماتيك فى مصر رسميا وبـ175 الف بس

فيات جياجيو سيدان الجديدة بالصور-حصريا نايل موتورز

حصريا على ارض نايل موتورز نكشف الستار عن نيسان قاشقاى

حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

الكلمات الدلالية لهذا الموضوع

المفضلات

المفضلات

ضوابط المشاركة