ممــكن أســعار قطع غيــار الإيبيــزا موديل 1994 ؟

**pcegypt** · 26-10-2007 07:11 PM

سعر الفانوس valeo حوالي 265 , وسعر طقم الدبرياج valeo كامل حوالي 550 جنيه في الغالب الحاجات دي مابتعرفش صناعة ايه حتى لو كان مكتوب عليها اتحاد اوروبي او اسباني بس عموما جودتها مش بطالة.

تحياتي

**thegoodhacker** · 26-10-2007 07:22 PM

مشكوووووووووورين يا شباب علي المشاركة باسعار قطع الغيار....... و نرجو المزيد

**doglas** · 26-10-2007 08:02 PM

الفانوس الخلفي الحقيقة مرة جبته بس غستيراد ( و كان أحسن من الجديد ) كان أسبانى بيتاع العربية و الراجل قاللى 150 جنيه خدته ب 70 جنيه في الآخر

المساعدين مثلا لسع مغيرها الأمامي عاملة 380 جنيه ، و علبة الدركسيون الأسبانى 340 جنيه

بص انا مشفتش حاجة في العربية دى غالية غير حاجة واحدة بس هى تقريبا أغلى حاجة في العربية ( الموبينة ) دى الهيللا الألمانى عاملة 850 جنيه ، غير كده مفيش حاجة في العربية دى عدت معايا ال 500 جنيه
والله هاتها و انت مطمئن الحاجت دى بتعيش جدا
و على فكرة أنا بجيب كل الحاجات اللى مكتوب عليها ألمانى و أو أسبانى من عند فتح الباب و ليس الإتحاد الأوروبي

**Karim_Monir** · 26-10-2007 09:27 PM

اللي مطلع اشاعة الغلو هو توكيلها لان التوكيل بتاعها الشركة الهندسية من اسواء التوكيلات في تمن قطع الغيار
بيعملها زي ما تكون هامر وهارلي ديفدسون اللي هو وكيلهم برضه
لكن بصفة عامة العربية دي اتبهدلت جامد لو تحت ايد شاب بيخربها لان موتورها 1300 حلو على جسمها وهيا ايرو ديناميك قوي فبتجري جامد لكن صالونها من ورا صغير شوية وواطية حبة
بس غير كدة روعة بس اكشف عليها كويسبس انا افضل اجيب جولف 2 حالتها كويسة عنها

**Adham** · 31-10-2007 12:19 PM

المشاركة الأصلية كتبت بواسطة eng_mkhalaf

طب محدش يعرف التوليدو 96 نظامها أية

والله على حد علمي ان التوليدة و الكوردوبا هما هما الإبيزا بس سيدان مش هاتش باك
و الاختلافات بينهم بسيطة

**Omar M** · 31-10-2007 08:19 PM

طقم دبرياج ( أسطوانة + ديسك + رلمان بلى ) valeo أسبانى ب530

**Atef Saleh** · 10-03-2008 03:40 AM

الاخ دوجلاس بالنسبه للاسعار الى انت كتبتها اغلبها مش صح
مفيش مساعدين ب 380 لان صاحبى اشتراها بحوالى 500 و العلبه ارخص منتا قولت
لو عايز تعرف منين
اولاد احمد صالح فى التوفيقيه و أسأل لو مش مصدق
25755382

**doglas** · 10-03-2008 12:37 PM

يا عاطف ، كل ما هتنزل مكان هتلاقي فيه أنواع مختلفة و ماركات مختلفة ، انا بتكلم على الحاجات اللى انا جبتها فعلا ، و كان فيه ساعتها حاجات أرخص و حاجات أغلى ، ده حسب خبرتك بالماركات و شطارتك في الفصال يعنى ممكن تكون ماركة بتستريحلها عن التانية ، لإنى كل ماركة و ليها سعر و لو إنه بيكون متقارب برضه

**pcegypt** · 10-03-2008 06:51 PM

المشاركة الأصلية كتبت بواسطة Atef Saleh

الاخ دوجلاس بالنسبه للاسعار الى انت كتبتها اغلبها مش صح
مفيش مساعدين ب 380 لان صاحبى اشتراها بحوالى 500 و العلبه ارخص منتا قولت
لو عايز تعرف منين
اولاد احمد صالح فى التوفيقيه و أسأل لو مش مصدق
25755382

الاسعار بتختلف حسب الماركة والمكان اللي بتشتري منه ، يعني مثلا المساعدين البرازيلي امامي حوالي 450 وممكن تفاصل فيها ، واللي زيها بالضبط الماني ب 500 ، والمونرو 650 ، علبة الدركسيون الاصلية عليها العلامات بالبارات والدراعات وجميع مستلزماتها 1000 جنيه مقفوله ، والعلبة اللي بيتقال عليها اسباني 350 ، وفي واحدة عند فتح الباب 600 جنيه ، الموبينة عند فتح الباب 850 وفيه واحده اتحاد اوروبي عند سامح او في التوفيقية بسعر من 450 الى 500 .

عموما لما تعوز تشتري قطع غيار لازم تلف شوية و تعرف الاسعار وتشوف الجوده قبل ماتشتري خصوصا ان الابيزا في ناس كتير بتجيب لها قطع غيار والعبرة في النهاية بالتجربة .