حصريا على ارض نايل موتورز نكشف الستار عن نيسان قاشقاى

**ahmedalabbasy** · 21-01-2011 07:24 AM

ما شاء الله تقرير رائع جدا جدا جدا و بحييك على جهدك المتميز و الرائع.
بالمناسبة انا سألت الراجل بتاع توكيل الاتحاد الوطنى فى النزهة على العربية دى و قاللى هتنزل فى شهر خمسة ( مايو ) و هتكون ب 120 الفلانه كان بيقولنا استنوا شوية و ادفعوا فرق 5 الاف جنيه على ال ليفينا ( الليفينا مستلمينها منه يوم السبت اللى فات 15/1/2011 ب 115.500 + غطاء ووتر برووف+دواسات) علشان فى عربية نيسان هتنزل واسمها قاشقاى و تحفة و تعتبر احسن من السيلفى ولما سألناه طب ليه هتكون ارخص من السيلفى ب 20 الف قاللى سياسة سعرية و مفهمتش الباقى .. بس تخمينى دلوقتى انه مكنشى عارف السعر الحقيقى

**fadod** · 21-01-2011 08:00 AM

ريبورت ممتاز يا أحمد ....متهيألي هي اللي اسمها ROUGE عندنا هنا بس مع فرق الموتور 2500 .والثمن من 20,000 دفع رباعي ..شكلها قريب قوي على الاقل

2011 Nissan Rogue S FWD - Yahoo! Autos

**osama_ruan** · 21-01-2011 03:35 PM

بصراحة احسن حاجة في الموضوع دة تقريرك انتة وطريقة عرضك للموضوع انتة مكانك شركات دعاية لاكن من ناحية السيارة المعروضة ممتازة بس الي هتنزل مصر مش هيبقي ليها علاقة بدي في الماتور والاوبشن ويمكن جودة التصنيع ولااسف دة بيحصل في كل المعروض يعرضو سيارة جميلة تعجبنا ونحجز نلاقي سيارة فاضية زي ماتكون اتنشلت هية الي تيجي

**Ahmed.TV** · 22-01-2011 12:13 PM

شاكر لكل الاعضاء على مروركم الكريم وتقديركم الغالى , اللى بتعبره وسام على صدرى

والحمد لله ان التقرير والمجهود نال وحاز على اعجباكم

بخصوص العربية فعلا بدا الحجز فيها وسعرها مش ارخص من السلفى بالعكس

سعرها ب155 الف

وبخصوص الخامات والتقفيل والجودة , حتكون تقفيل وجودة وعالية كعادة نيسان

لو شوفتم الليفينا والسلفى اللى تقفيلها صينى بخامات صينى , مش حتشكوا لحظة انها تقفيل صينى , ما بالكم القاشقاى اللى بتتقفل فى انجلترا بخامات وتقفيل انجليزى تحت اشرف يابانى طبعا بخامات يابانى

هو حيتشال منها شوية حاجات عشان طبعا الجمارك

وبخصوص الاتوماتيك , الناس كان نفسها تنزل منها اتوماتيك ,ودى حقيقى كان نفسنا تنزل بيه , وباذن الله نلاقى فى المستقبل ابتدوا يصنعوا عليها فتيس اتوماتيك , لان اللى بيتصنع حاليا بره من ال1600 سى سى مانيول فقط
قليل ما حتلاقوا عربية كروس اوفر كمان 1600 سى سى بفتيس اتوماتيك , واغلبهم مانيول

العربية سعرها معقول جدا بالنسبة للامكانيات اللى نازلة فيها

فى عربيات كتير بتنزل فاضية فى السعر زى

فعلا عربية محترمة جدا ومميزة