واحد زميل ليا فى العمل عمل حادثة جامده دخل فى الجزيرة الوسطى للطريق و الدنيا اتبهدلت عنده و حصل مشكله فى احد الكبالن التوكيل قال له الكبلن الواحد ب 3000 جنيه هل ده منطقى
و للمعلومه الكبلن صناعة فرنساوى
طب كبلن الميجان 1 أو الكليو ينفع؟
عرض للطباعة
واحد زميل ليا فى العمل عمل حادثة جامده دخل فى الجزيرة الوسطى للطريق و الدنيا اتبهدلت عنده و حصل مشكله فى احد الكبالن التوكيل قال له الكبلن الواحد ب 3000 جنيه هل ده منطقى
و للمعلومه الكبلن صناعة فرنساوى
طب كبلن الميجان 1 أو الكليو ينفع؟
اشتريه من برة .. وسعره هيكون اقل من تلت سعره فى التوكيل
فى اماكن كتير بتبيع قطع غيار الوجان زى صقر قريش فى المعادى و كمان فى هناك ورش كتير للصيانه ممكن تركبو هناك و بتمن افضل شويه و ربنا معاك
الكبالن فعلا سعرها مبالغ فيه بشكل مستفز و كان العقيد خالد اتكلم معاهم في موضوع السعر خصوصا انهم واحد في البيزك و الفول اوبشن بس لا حياة لمن تنادي
حضرتك ممكن تقرأ الموضوع ده
http://www.nilemotors.net/Nile/197633-a.html
لا حول ولا قوة الا بالله
العربيه دي الي مضيعها قطع غيارها
نار×نار
العربية لواحد زميل ليا فى العمل و أنا كنت بسأله عنها لانى ان شاء الله هشترى عربية جديدة و اللوجان من ضمن الخيارات المتاحه فلما سألته قالى انه لسه عامل حادثة جامده بيها فلما سألته عن قطع الغيار قالى ان جوز الكبالن ب 6000 جنيه فى التوكيل ولما سألته شوفت بره التوكيل قالى مافيش
انا بسأل أصحاب اللوجان لما يكون جوز الكبالن فى التوكيل ب 6000 جنيه هيكون بره التوكيل ان وجد بكام...... 3000 جنيه !!!! و صناعة أى بلد؟!!
دى مسألة نسبه و تناسب
الموضوع ده خلانى اتردد مؤقتا فى تفكيرى فى اللوجان كخيار رئيسى
معليش يا جماعة أصل انا متعقد من الات الجر أصل انا عندى عربية فيات 131 موديل 83 1600 CC و دى طبعا مش على كبالن لانها دفع خلفى يعنى الات الدفع على كورونه أو الاصح دفرينشال (دفرانسيه) و بعد 27 سنه خدمه الكورنه طلعت صوت أو ونه و علشان تغيرها مافيش مستعمل لان عربيات الشاهين خلصت عليها و بتاعت الشاهين أى كلام و سعرها 7 ألاف جنيه و الحمد لله ربنا هدانى و صلحتها عند راجل محترم و كانت التكلفه 1500 جنيه و رجعت الحمد لله أحسن من الجديدة
فانا قلت انشاء الله العربيه الجديد هتكون كبالن و قطع الغيار للكبالن متوفره و سعرها معقول فلما أشوف جوز الكبالن فى اللوجان ب 6000 جنيه لازم أكش منها
اللى يتلسع من الشربه لازم ينفج فى الزبادى:36_2_33:
و دى تفاصيل عمليه الاصلاح للكرونه علشان تعرفو الواحد تعب اد ايه علشان تتصلح :
http://www.nilemotors.net/Nile/60594-a-9.html
يا جماعة كلنا معاكم في ان الكبالن سعرها مبالغ فيه جدا بس لو دي اللي هتخليكم تصرفوا نظر عن العربية يبقى اسمحوا لي اققلكم ان مش ده سبب مقنع لأن الكبالن ممكن العربية تقعد عمرها كلوا متغيروش الا لو لا قدر الله حادث ولا حاجة
معلومة ليكم جوز كبالن الالنترا ب7000 جنيه و اهه هيونداي و مالية البلد
الالنترا سعرها فى فئه أعلى 103000 - 97000 جنيه و خصوصا ان الالنترا مش سياره اقتصادية زى اللوجان
اللوجان 65000 - 69000 ده بعد الزيادة الاخيرة
للمره ال20 اللوجان من المفروض انها سياره موجهه للفئات المتوسطه الدخل او بسيطه الدخل في الدول الناميه الفقيره يعني
الكلام ده حسب الفيلم التسجيلي اللي اتفرجت عليه عنها في احدي القنوات
يبقي من الطبيعي ان قطع غيارها لازم تكون رخيصه وفي المتناول لكن التوكيل كده اكيد بيستهب -------------------
يا باشا مختلفناش في اي حاجة، احنا عارفين ان التوكيل بيستهبل في سعر الكبالن بس بص على المستهلكات بتاعة العربية اسعارها ايه و منافسها في الكوري اسعاره عاملة ازاي
و انا معترض على سعر الكبالن فعليا لأنو غير منطقي و على فكرة الكبالن غالية في كل العربيات انا جايب كوبلن للادا بتاعة الوالد الكوبلن كان ب 700 جنيه و اهي لادا يعني جوز الكبالن ب 1400 جنيه برة التوكيل يعني قول مثلا جوة تعملها 3000 او 3500 جنيه و اهي لادا
اللوجان لما كانت بتيجى من رومانيا عليها جمارك كاملة كانت بكام ؟
اعتقد كانت فى أوائل السبعينيات
يبقى ازاى بعد الاعفاء الجمركى ب 69000
شوف الرابط ده:
http://www.nilemotors.net/Nile/92081-a.html
كان سعر الكبالن موجود هنا فى المنتدى من فتره واعتقد كان اقل من كده بكتير انا شوفت رقم مايعديش ال 2000 جنيه فياريت التاكد من السعر مره تانيه لان العربيه دية بالذات فى ناس بتحاول تشوه صورتها بصوره غير طبيعيه
مين بس اللى عايز يشوه صورة العربيه اللوجان عربيه جميلة كل الناس اللى سألتهم عنها قالوا كده
احنا هنا فى المنتدى كل واحد بيقول رايه من واقع خبرته و المعلومات اللى قدر يحصل عليها
أما مسألة الكبالن دى قطعه غيار و سعرها مبالغ فيه و لازم التوكيل يوضح السبب
هى مثلا مصنوعه من معدن نفيس ولا تيتانيوم مثلا
و سعر العربيه مبالغ فيه رغم تخفيضات الجمارك و الايدى العامله المغربيه و بعض المواصفات اللى كنت اتمنى تكون موجوده فى العربيه زى ABS + EBD
و الموتور الاقوى 16v twin cam صباب اتنين كامه
كل ده لا يشوه صورة العربيه و ماليكيها المحترمين
الحكايه كلها انه ده فصل من فصول مسرحيه استغلال الشعب المصرى
يا جماعة انا عملت حادثة بالعربية وصلحتها فى التوكيل ومن الحاجات اللى اتغيرت فى العربية الكوبلن اليمين وكان سعره فى الفاتورة 1895 جنية غير شامل الضريبة والمصنعية
السعر 3000 جنيه للكبلن الواحد قالهولى زميلى فى الشغل لما سألته عن العربيه و هو عمل حدثه من شهر و نص و كان تقدير التوكيل لاصلاح العربيه ككل مبلغ فوق العشر الاف جنيه من ضمن التكلفه موضوع الكبلن ده
اما السعر 1895 يمكن السعر اتغير
بس بردو ليسه غالى يعنى جوز الكبالن 3800
بردو سعر مش منطقى لعربيه اقتصاديه
السعر اللى ممكن الواحد يبلعه ان يكون الجوز ب 1895
الله ينور عليك انت جبت المفيد هو ده الكلام اللى انا قولته فى مشاركتى اللى فوق واعدت ادور على الموضوع اللى كان فيه الكوبلن بالسعر ده وللاسف ملقيتهوش
فعلا الكوبلن لايتعدى هذا الملبغ وده سعر التوكيل وضريبة المبيعات كمان يعنى ان شاء الله لما ينزل بره التوكيل مع قدم العربيه وانتشارها حيبقى ارخص يجيى النص تقريبا
اكيد حيبقى فيه منه تركي ب 500 جنيه و الرينو عموما قطع غيارها بتعيش حتى لو تقليد
معلوماتي ان ال 3000 هو سعر تغيير الكوبلن الداخلي والخارجي مع بعض والموضوع تناقش هنا اكتر من مرة ممكن حضرتك تبحث عنه
أنا ليسه سائل فى خدمة ما بعد البيع 16202 فى مركز صيانة العبور عن الكبالن و كان الرد ان السعر
3465 جنيه شامل ضربية المبيعات للوجان المغربى و المتوفر الان كبلن شمال فقط و اليمين مش متوفر
و كده انا قطعت الشك باليقين
و على فكرة ده لا يعيب العربيه كعربيه
3465 جنيه شامل ضربية المبيعات للكبلن الواحد للوجان المغربى
يعنى جوز الكبالن ب 6930 جنيه شامل ضريبة المبيعات
هوه احنا ما خلصناش من خضة سعر المرايات ام 1200 يطلعلنا الكوبلن ده .
و ايه حكاية الكوبلن و بيبوظ من ايه وهل فيه امل ان سعره يتواجد بارخص من كده
طمننونا و حياة ابوكم ( معلش حتة صعيدى )
الكبالن هى اللى لونها أحمر فى الصورة و بتكون متصله بالفتيس
http://img443.imageshack.us/img443/2...iondiagram.jpg