لك الله يا مصر ( اللي اتبقى منك )
انا مندهشتش يعني مش عارف ليه مع ان الموضوع المفروع شاذ بس شكلنا اتعودنا على الحاجات الشاذة وبقيت عادي ...بس كويس انك عملت كدة عشان العيال دي تروح تحكى لأصحابهم الفاسدين عن اللي اتعمل فيهو ودا يخلي اي واحد يقكر الف مرة قبل ما يعمل كدة أحييـــك بشدة
انا مبقتش عارف اربى ابنى ازاى.اربيه شهم وجدع وعنده نخوة وعيل تيت مشافش تربية يعوره ولا يشتمه ولا اربيه يطنش وانا مالى ويعيش جبان (فى حاله)
لو جيه سالنى فى يوم يعنى ايه
من رائ منكم منكرا فليصلحه.
متسكتش عن الحق ولا تكون شيطان اخرس.
لا حول ولا قوة الا بالله.ربنا يسترها على الاجيال اللى مسئولة من الاهالى اللى متربتش.
لا حول ولا قوه الا بالله
ماتبقاش تركن هناك بقا تانى ياياقوت
بجد مش عارف اقول ايه فى الموضوع ده بجد حاجه باقت صعبه اوى لما شويه اطفال لسه فى السن ده وبيعملوا كده فعلا عدم الرقابه بيودى لطرق صعبه اوى والحبل السايب يعلم الفساد لازم الناس كلها تخلى بالها من اولادها وتراقب تصرفاتهم من بعيد وتعلمهم ياعنى ايه اخلاق وياعنى ايه دين ومتبقاش الدنيا سداح مداح كده سينما وانتر نت ونوادى وتاخير بالليل ودروس خصوصيه
يارب رحمتك
والله ياأبو إياد ...أنا مشفق عليك وعلى كل الشباب إلي عندهم أولاد
===================================
الواحد شخصيته بتتكون نتيجة تجارب متتالية ..
يعني إياد مثلا
بكره يدخل المدرسة ..ويتكون جزء من شخصيته من موقف مع زميل له أو مع مدرس أو مع واحد في الشارع
أو
أو
أو
والمفروض أن الأب مش موجود مع إبنه طول الــ 24 ساعة في اليوم..علشان يقدر يمنع الأشياء إلي ممكن تأثر بالسلب على شخصية إبنه المستقبلية
ومهما كانت التوجيهات في البيت
البيئة والاحتكاك مع الناس ....له دور مخالف
يعني إلي عنده إينه ...مطلوب منه إنه يفضل مرعوب على إينه ..لحد لما ملامح شخصيته وأخلاقه تتكون وتكون محل مسؤلية
ربنا معاكم والله
بص يا دكتور احمد كل يوم اياد بيكبر فيه بجد بحس بمسئوليه اكبر عن اليوم اللى قبله وخايف عليه جدا وخايف منه جدا
خايف عليه من الزمن والدنيا ويتاثر فعلا بالحاجات السلبيه اللى الواحد عايش فيها
خايف منه يبقى انسان مش مسوى ويضر نفسه ويضر اللى حوليه
ربنا يعلم الواحد بيعامله ازاى رغم ان لسه عمره سنه ونص الا انه بفضل الله اياد بيسمع صوت الادان بيجيب سجاده الصلاه ويسجد طبعا هو مش بيصلى بس بيقلد اى حاجه ادامه ومن فرحتى لما شوفته اول مر عمل كده صممت انه مايشوفش غير كل حاجه كويسه حوليه
اتضايقت جدا لما لقيته باردو مطلع سيجاره وتقريبا كان بياكلها الفقرى هههههههههههههه فطبعا قررت ان مفيش تدخين تانى فى البيت
فالطفل فعلا من اول يوم فى عمره وهو بيدرك كل شىء حوليه
أنا أقصد ياأبو إياد
إن الشخصية والسلوك بيتكون من الاول خاااالص..بيتكون نتيجة التجارب الي الواحد بيشوفها كل يوم
والتجارب دي منها إلي بيعلم الحلو ..ومنها إلي بيعلم الوحش
وللأسف..الأب مش هيكون موجود طول الوقت علشان يحمي إبنه من الحاجات السيئة
يعني لو عندي إبن
هكون قاعد في شغلي مثلا ...وأقول ياترى بيعمل إيه دلوقتي ..وياترى الي هوا شايفه دلوقتي وأنا مش معاه
ساب جواه حاجة كويسة ..ولا حاجة وحشة
أقصد القلق
طالما إننا عايشين في بيئة ..السئ فيها أكتر من الصالح
يبقا الي عنده إبن ..ربنا بصبره
بس إياد مووووووووز
ابو إياد وريه كل حاجة حلوه بس لما يكبر شويه لازم يشوف الوحش ويعرف إنه غلط بلاش يشوف كل حاجة وردي عشان ميتصدمش
فعلا ربنا يصبرنا يا دكتور وبعدين ايه موووووووووووز دى ؟ هههههههههههههههه
ـــــــــــــــــــــــــ ــــــــ
عارف بقا يا يوكو انت جيت على اصعب حاجه فى التربيه
ياعنى عندك والدى الله يرحمه ماعلمنيش الوحش ولا المواقف الصعبه وخلانى اشوف الدنيا وردى زى ما هو كان شايفها بالظبط لان الزمن اتغير فعلا وسابنى اخدت فوق دماغى واتصدمت والدنيا فعلا ادتنى بالشلاليييييييييط لغايه لما شعرى وقع هههههههههه