المشاركة الأصلية كتبت بواسطة wassim_nasser
ياجماعة انا بعد إذنكم هاعتبر اللي حصل ده تجربة على طريقة كتب العلوم بتاعة اعدادى : معطيات - مشاهدة - تفسير - استنتاج ..
معطيات : ولدين وبنتين فى سن 15 16 سنة وحدهم الساعة 11 بالليل فى شارع هادى
مشاهدة : منظر زي اللي شافه اخونا أحمد ياقوت
تفسير : 1- غياب الأب وانهماكه فى الشغل و يمكن برة مصر و بالتالي تحول دوره من التربية لجلب المال .. وكله عشان مستقبل الولاد .. عندك طفل بدل التربية اديله فلوس أمن مستقبله
تانى حاجه مواليد مابعد 95 عاصروا ظهور الدش والقنوات الفضائية .. يمكن انا مواليد 87 واللي اكبر منى كان كبيرنا القناه الاولى والتانية ولما اتحضرنا بقوا السابعة والتامنة .. أما الجيل اللي بعدنا عشان لحق الوصلة والدش و روبى و هيفاء ف ده أثر جامد علي تفكيرهم و نبههم لغرايزهم بدرى والكلام للولاد والبنات
تالت حاجه كل واحد مستغرب ان الحاجات دي بتحصل يخطف رجله لحد المريلاند فى مصر الجديدة أو المقطم و يتفرج .. والصعايدة زيهم زي اي بشر من لحم ودم وبيحسوا يعنى برضه ممكن يحصل حاجات زي دي
الاستنتاج : اللي شفناه ده هايفضل يتكرر طول ما الاهل مشغولين فى أستكة البواكي ف البنوك و سايبين الدش يبنى عقول ولادهم
ه . ط . ث