صدأ فى الدواخل ورا الفانوس

**M.Nasr** · 21-01-2011 01:04 PM

وانا بفك الكشاف الامامى لاقيت وراه فى صدا من اثر حادثة قبل كده وعايز اعرف ده ممكن يجيب بارومة بعد كده ولا عادى ؟ ويتعالج ازاى ؟ اكيد مش هرش دواخل

فيه فكرة انى اغطي الاماكن دى بشحم ومش مهم يلم تراب او ممكن بلزق قوى اغطيها

ايه رأيكم؟

**bassem_sams** · 21-01-2011 01:26 PM

انا هقولك على حسب معلوماتى
-جرب حته صنفرة و بلها مايه و امسح المكان اللى فيه صدأ على خفيف لو طلع يبقى تمام
-رش w40مذلل صعاب
-لو صدأ راح هات شويه بويه زرقاء و ادهن مكان و سيبه ينشف على اقل يوم او اتنين مكان دة يبقى بعيد عن ماء

و فى انتظار اخوة

**Col. Eng. Khaled** · 21-01-2011 02:00 PM

مع إحترامي لحضرتك ، مش عايز ترش ......... طيب حتسيب الصدأ يبقى بارومة تاكل في الدواخل ؟

عموما مع بتاع دوكو فاهم بيعمل إيه المسألة مش بتبقى رش بالمعنى المتداول ، هو بينضف مكان الصدا و "يعفّر" المكان بالبوية

من غير ورنيش (دهان المكان دا الفابريقة بتاعه من غير ورنيش) .

بالتوفيق إن شاء الله و أتمنى أكون قدرت أفيد حضرتك .

**M.Nasr** · 21-01-2011 02:08 PM

المشاركة الأصلية كتبت بواسطة col. Eng. Khaled

مع إحترامي لحضرتك ، مش عايز ترش ......... طيب حتسيب الصدأ يبقى بارومة تاكل في الدواخل ؟

عموما مع بتاع دوكو فاهم بيعمل إيه المسألة مش بتبقى رش بالمعنى المتداول ، هو بينضف مكان الصدا و "يعفّر" المكان بالبوية

من غير ورنيش (دهان المكان دا الفابريقة بتاعه من غير ورنيش) .

بالتوفيق إن شاء الله و أتمنى أكون قدرت أفيد حضرتك .

بالعكس يا سيادة العقيد مين قال انى مش عايز ارش ؟ المشكلة هى ثقافة الدواخل الفابريكة اللى بسببها قيمة العربية بتقل فى السوق المصرى لكن انا من ناحيتى ماعنديش مشكلها ارشها طالما ده اللى هيحميها من البارومة

الورنيش ده اللى هو المعجون ؟ ولا ده حاجة تانية؟

وتقبل تحياتى

**bassem_sams** · 21-01-2011 09:39 PM

بعد تنظيبفها من صدأ لازم تدهنا ببويه علشان تحميها من صدأ و بارمه

ده قانون اى حته دهان يقع منها على صاج او حديد لازم يتدهن للحمايه من صدأ الفايبر مش فارقه و ده اضمن و اسلم لحد ما تفكر ترشها رشه نظافه

و بلاش غسل حوض بالمايه كتير او اسبراى يفضل هواء و كل 6 شهور او سنه تبقى وديها كار كير تتدلع :(

**MR . Gold** · 21-01-2011 10:43 PM

[gdwl]افضل شيء يابشمهندس / ناصر ... انك تغطي الاماكن دي بشحم .. وتلم تراب افضل من انك ترشها بوية[/gdwl]

[frame="1 80"]
استاذن الاستاذ / باسم عايز مكان كاركير يكون كويس في القاهرة لان عندي قرش السقف للانسر الداخلي عايز ينضف كويس فاعايز مكان يكون كويس في نضافتة واكون شاكر لحضرتك
[/frame]

**bassem_sams** · 21-01-2011 11:06 PM

فى بنزينه الوطنيه على اتوستراد طريق المطار وتشمل
غسيل موتور
غسيل من الداخل والخارج
تنظيف فرش
تنظيف التابلوة والابواب
تلميع السيارة
تلميع الكاوتش
يعنى مش بيسيبوا حاجة
و فى كمان
Master Care
3ش ابوالخير من شارع السادات -بجوار الثلاثي للزجاج -الحرفيين
tel: 0226998672

و ممكن تنظف سقف بنفسك مش هيأخذ خمس دقائق عملتها و سقف نظف جدا
اشترت علبه فوم اسمها
armorl all multi purpose foaming cleaner
رجت علبه كويسه قبل استخدام و رشت فوم على سقف عربيه كله و بيعمل رغاوى سبتها لحد ما قربت رغاوى تمتص بحيث رغاوى بتضف وساخه ويبقى سهل شيلها عن طريق فوطه مبلوله بالماء و معصورة وادعك وساخه هتلأقى سقف نظف ورجع جديد و علبه دى تمنها 35 او 33 جنيه تقريبا و ممكن تنظف بها موكيت الباب او لو فرش قماش مش جلد

**Col. Eng. Khaled** · 21-01-2011 11:42 PM

المشاركة الأصلية كتبت بواسطة M.Nasr

بالعكس يا سيادة العقيد مين قال انى مش عايز ارش ؟ المشكلة هى ثقافة الدواخل الفابريكة اللى بسببها قيمة العربية بتقل فى السوق المصرى لكن انا من ناحيتى ماعنديش مشكلها ارشها طالما ده اللى هيحميها من البارومة

الورنيش ده اللى هو المعجون ؟ ولا ده حاجة تانية؟

وتقبل تحياتى

الورنيش آخر حاجة بتترش بعد البوية (للألوان الميتاليك) بالنسبة للخوارج .

حضرتك لو قلقان من موضوع الدواخل شوف الموضوع دا :-

تقرير مفصل عن حادثة كيا ريو 2009