بسم الله الرحمن الرحيم
السلام عليكم ورحمة الله وبركاتة
كتير مننا له طرق غريبه وطريفه فى السواقه ايه رايك تحب تسوق حافى ؟.
بشبشب . بتحب تفك كده وتلبس ترنج وشبشب وتنزل تدن شويه
احب اسمع منكم يا شباب اغرب طرق السواقه وحكايات وقصص ومشاهد :cool (1):
عرض للطباعة
بسم الله الرحمن الرحيم
السلام عليكم ورحمة الله وبركاتة
كتير مننا له طرق غريبه وطريفه فى السواقه ايه رايك تحب تسوق حافى ؟.
بشبشب . بتحب تفك كده وتلبس ترنج وشبشب وتنزل تدن شويه
احب اسمع منكم يا شباب اغرب طرق السواقه وحكايات وقصص ومشاهد :cool (1):
انا من هواة السواقه حافي تقريبا كل سواقتي حافي وده بيسبب لي مشكل خصوصا لما اكون لابس رسمي في مناسبة وخالع الحذاء حاولت اسوق بحذاء اي نوع "شبشب صندل كوتش جزمة " الاقي نفسي مخنوق ومش حاسس بالعربية كنت عامل موضوع عن السواقة حافي القدمين والحمدلله ماطلعتش لوحدي اللى بيسوق حافي
http://www.nilemotors.net/Nile/123730-a.html
انا بحب اشيل المحفظة من جيبي الوراني وانا بسوق
بحسها بتضايقني
ومبعرفش اسوق غير بالجزمة او الكوتشي
حاولت اسوق بالشبشب او حافي مجتش معايا
اسوق و انا حافي دي مزاج و مش اي حد يقدر يعملها :d
احسن سواقه وانت مسافر تبقى حافى ولابس شورت وعيش مع الطريق
انا ما زلت الأغرب على الإطلاق حيث اني مش بعرف اسوق غير والإزاز كلو مقفول وانا في معزل عن الناس وبقلع الساعة والنضارة والموبايل والمحفظة عشان احس بكامل الراحة ومفيش حاجة تشتت تركيزي بالمرةةةةة هه
انا بسوق بكل الطرق اسوق حافي عادي بس لو فيه ضروره
اسوق وانا لابس شبشب عادي جدا وبتحصل كتير
اسوق وانا لابس كوتشي او جزمه ده العادي
ايه بقي المشكله
انا باسوق عادي ونا لابس جزمة او كوتش بس الاحسن بالنسبة لي الكوتشي
انا مبعرفش اسوق حافى او بشبشب
لازم اكون لابس جزمة
و احسن حاجة الكوتشى
انا متعود اني اكون كتشي او جزمة ومعرفش اتحرك غير وانا رابط الحزام دنا في مرة كنت لابس شبب ووكنت 60 والطريق قفل مرة واحد دوست فرامل جيت ارجع علي البنزين تاني لقيت الوقفت اتاري الشبب مسك في دواسة الفرامل من تحت طبعا اتخضيت روحت واقف ورمية علي الكرسي الي وري وسايق حافي كان ناقص يجيلي شد في صوابع رجلي المهم اضيت المشور ورجعت تاني وجالي كام مشوار روحت واخد فردة الكوتشي معايا ولبسها وانا نازل بلبس الشبب
جربت الجزمة والكوتشي والشبب معرفتش اسوق غير وانا حافي وخدت علي كده :)
انا بشتري جزم معينه بتبقا مريحه علشان متضايقش وانا بسوق
أنا بصراحة بسوق بالجزمة ووبكوتشي وبصندل وحافي ونبمطلون وجلابية بعني بسوق في كل أحوالي ولا بتفرق معايا بس اريح وضع ليا السواقة بكوتشي وبنطلون ترننج
انا بسوق ولازم اكون لابس حاجة فى رجلى، ماعرفش اسوق حافى ابدا
ولازم اقلع الساعة واشيل المحفظة علشان اكون براجتى
وماعرفش اتحكم فى العربية كويس الا لما اربط الحزام، ماعرفش اتحرك من غبره، عامل زى الدركسيون كده
انا معرفش اسوق غير و انا لابس كوتشى
و يكون فلات كمان ( كونفرس )
مره كده كنا فى الشغل
و كنا محتاجين حاجات ضرورى و بسرعه
ف طلعت انا بالعربيه عشان اجيب الحاجات
ف من مطلبات الشغل فى السفتى انك تبقى لابس الجزم السيفتى
عايز اقولك انه كان اصعب مشورار ف حياتى
و طبعا كنت بفعص دواسه البنزين و الفرامل تحت رجلى
طبعا طالع بفركه و تدوس فرامل تلزق فى الطاره
و الدنيا كانت متبرجسه خالص
بس الحمد لله عدت على خير
و من ساعتها لو هالبس اى نوع جزم مختلف عن اللى متعود عليها
بخد الكوتشى بتاعى معايا البسه و نا سايق
غير كده انسى انى اعرف اسوق بطبيعتى
ولا حافى ولا بشبشب ولا جزمه ولا صندل ولا حتى كوتشى و يكون مش فلات
معرفش اسوق إلا بالكوتشى
كعب الجزمه بيخنقنى
اسوق بأى حاجة
بس سواقة الجزمة عذااااااااااااااااااااااا ب
اسوق بأي حاجة بس احسن سواقة لما بتكون بشبشب بلاستك ومحدش يستغرب بس يكون طري شوية ببقى حاسس بالدواسات جامد ومتحكم بالمللى
والسواقة وانا حافى كنت بعملها وانا لسه بتعلم
وسواقة الكوتشى دى بقى القيادة الرياضية
الكوتشى ما بيحسسنيش بالدوسة اوى وبلاقى نفسى بسوق بعنف وبدوس جامد بس بتبقى ليها متعة خاصة واوقات معينة
بس هو ليه الموضوع انحصر في حتة نوع الحذاء ؟
الراجل كان بيتكلم عن اي نمط سواقة ومن ضمنها نوع الاحذية
انا مثلا بحب امسك الدركسيون بايد واحدة ، بس في العربية البيجو ولأن الدركسيون مش باور وكبير بضطر امسكه بايديا الاتنين في السرعات البطيئة اوى اوالسريعة اوى
بحب اقفل الازاز واعزل نفسى عن الجو الخارجى على قد ما اقدر
فيه ناس بتلاقيهم مريحين على الكرسي ومنزلينه لتحت شوية وهم سايقين ، انا مبعرفش اعمل الحركة دى مع انها بتريح جامد في القعدة بس هى صعبة وبالذات جوة البلد عشان بتبقى مش شايف ابعاد العربية من قدام كويس في معظم العربيات بس ببقى مرجع الكرسى على الاخر عادى لأن طولى 184
انا بعمل حاجات متخلفة كتير بس عمري ما أذيت حد والله:
1- لو الطريق مفيهوش ملفات جامدة بسند الطارة لامؤاخذة بفخادي عشان ايديا الاتنين يبقوا احرار.. البيبسي ف ايد والسيجارة ف ايد والتليفون على ودني (بصراحة كان مشوار كمان 11 ساعة بالليل من ديترويت لنيو يورك ومكنتش طايق نفسي وكان لازم افضل صاحي عشان كنت رايح على الشغل علاطول)
2- ساعات بسوق الاوتوماتيك برجلي الشمال (أنا أشول أصلاً)
3- عمري ما أسوق حافي ولا بشبشب... جزمة أو كوتشي ماشي
4- النوم عندي سلطااااان... بنام وانا سايق جداً بقى وخصوصاً في الزحمة... ببص بعين واحدة كده على العربية اللي قدامي واشوف ممكن انام قد ايه قبل ما اعوز عنيا تاني... واغفل... مرة في الجامعة خيشت ف نفق الهرم بس كان عندي امتحان ومطبق. لذلك مؤخراً اتعلمت اركن في اي حتة واسيب شعرة في ازاز العربية وانام
5- لازم امسك في الفتيس وانا سايق حتى لو اوتوماتيك لدرجة في حتة في فتيس الكروز لونها غير وعايز اجيبله غطاء بس كل الغطيان اللي في السوق بيئة قوي
6- الصوت في الكاسيت لازم يكون على رقم زوجي
7- لو حد وقفني في الطريق (لجنة أو قابلت واحد صاحبي ولا حاجة) لازم اقلع الحزام والبسه تاني وانا ماشي
8- زمان كان لازم الكرسي يبقى على اخره ورا بس الكروز مينفعش فيها كده عشان رجلي مش بتطول.. بس لازم اسوق ورجليا مفرودة
9- الكنبة اللي ورا هي دولابي.. أي حاجة ف ايدي ارمي على الكنبة لدرجة ساعات ممكن ارمي الموبايل ورا
10- كل العربيات اللي بسوقها بتحدف شمال (حاجة غريبة كده ملهاش تفسير)
لو افتكرت حاجة تانية هقولكوا
اما كنت ف السعوديه هناك معظم العربيات اوتوماتيك و غير كدا السعوديين بيحبو العربيات الكبيره
ف كتير اوي تلاقي الي سايق رامي رجله الشمال ع الازاز :d
هههههههههههههه
بس طبعا عمري ما افكر اعملها
انا بحط رجلي الشمال تحتي و اسوق بال يمين عشان العربيه اوتوماتيك
واحسن سواقه بقي لما اكون لابس كوتشي كبير مش بحس بالدواسه وبجري بالعربيه عشان كده وانا سايق بكوتشي بنزل رجلي الشمال عشان احس بمتعه السواقه
ايه دا مش ممكن اعمل الموضوع امبارح يجى لى كل الردود دى ايه الهنا دا.
بس ما شاء الله فى ناس روقااااااان فى السواقة
مع انى مش فاهم ايه العلاقه بس حجربها كده واقولكاقتباس:
ولازم اقلع الساعة واشيل المحفظة علشان اكون براجتى
روقان روقان روقان معلش ممكن تقولنا بتعمل ايه فى غرفة نومك ادام بتعمل كده فى العربية دا انتا كارثة يا نجماقتباس:
ان بعمل حاجات متخلفة كتير بس عمري ما أذيت حد والله:
1- لو الطريق مفيهوش ملفات جامدة بسند الطارة لامؤاخذة بفخادي عشان ايديا الاتنين يبقوا احرار.. البيبسي ف ايد والسيجارة ف ايد والتليفون على ودني (بصراحة كان مشوار كمان 11 ساعة بالليل من ديترويت لنيو يورك ومكنتش طايق نفسي وكان لازم افضل صاحي عشان كنت رايح على الشغل علاطول)
2- ساعات بسوق الاوتوماتيك برجلي الشمال (أنا أشول أصلاً)
3- عمري ما أسوق حافي ولا بشبشب... جزمة أو كوتشي ماشي
ا
4- النوم عندي سلطااااان... بنام وانا سايق جداً بقى وخصوصاً في الزحمة... ببص بعين واحدة كده على العربية اللي قدامي واشوف ممكن انام قد ايه قبل ما اعوز عنيا تاني... واغفل... مرة في الجامعة خيشت ف نفق الهرم بس كان عندي امتحان ومطبق. لذلك مؤخراً اتعلمت اركن في اي حتة واسيب شعرة في ازاز العربية وانام
5- لازم امسك في الفتيس وانا سايق حتى لو اوتوماتيك لدرجة في حتة في فتيس الكروز لونها غير وعايز اجيبله غطاء بس كل الغطيان اللي في السوق بيئة قوي
6- الصوت في الكاسيت لازم يكون على رقم زوجي
7- لو حد وقفني في الطريق (لجنة أو قابلت واحد صاحبي ولا حاجة) لازم اقلع الحزام والبسه تاني وانا ماشي
8- زمان كان لازم الكرسي يبقى على اخره ورا بس الكروز مينفعش فيها كده عشان رجلي مش بتطول.. بس لازم اسوق ورجليا مفرودة
9- الكنبة اللي ورا هي دولابي.. أي حاجة ف ايدي ارمي على الكنبة لدرجة ساعات ممكن ارمي الموبايل ورا
10- كل العربيات اللي بسوقها بتحدف شمال (حاجة غريبة كده ملهاش تفسير)
لو افتكرت حاجة تانية هقولكوا
فين وبكام وازى قر بسرعه عايز اشترىاقتباس:
نا بشتري جزم معينه بتبقا مريحه علشان متضايقش وانا بسوق
ناقص لك بحيرة صناعية فى العربية وتبقى تماماقتباس:
احسن سواقه وانت مسافر تبقى حافى ولابس شورت وعيش مع الطريق
فكرتنى بفليلم بتاع عادل امام لما كان محامى واتحبس وفى الزنزانة قلع ملط وجاب العكسرى بقولة ايس كريم كلوكلو ومشغل الكاست على صوت البحر ولابس عوامة.:guitarplay1:
وتخيل بقى لو قابلك واحد صاحبك فجأه وهتضطر تسلم عليه بسرعه وياسلام لو هوا كمان حافى تبقى كملت ههههه طيب لو اتفاجأت بضابط رخم تعمل ايه وهتقول ايه
ايه ياسيدي الفاضل ده ههههههه مش ممكن انا اعرف واحد جاري بيحلق دقنه وهو راكب العربية بيحط منديل ورق على صدره ويستعمل ماكينة الحلاقة بالكهرباء ويحلق :B4_039: عشان شغال في مكان لازم يكون حالق ومتأنتك ومشكلته انه مشعر ....و اعرف سواق مقطورة بيسافر بين البلاد عنده عدة شاي" بوتاجاز وبراد وكوبيات" وبيعمل شاي وبيشربه وهو سايق :coffee2: ... انت غالبتهم ياباشا بتاكل وتشرب وتتكلم في المومبيل وتنام فاضل تستحمى في العربية :36_1_58[1]: لاء وبتسوق الاتوماتيك بالشمال فأكيد العربية لازم تحدف شمال :3gears: هاتلك عربية على النظام الانجليزي عشان تريحك ... بصراحة انا بتخيلك سايق وبضحك :POINTIy2[2]:
هههههههههههه موضوع جديد ... وعاوز أشترك فيه معاكم .
- بسوق بأى حاجة ... كوتشى .. جزمة .. حافى .. صندل .. شبشب ... بس أحسن سواقة بتكون بكوتشى فلات زى كونفرس كدة .
- مبعرفشى اسوق ابدأ الا بأيدى الشمال (مع انى مش اشول ) مبعرفشى اسوق باليمين ومبستخدمهاش الا نادراً فى الركنة أو فى حالة السرعة العالية جداً كتامين أو احياناً كنت بستخدمها ايام الشقاوة زمان فى الغرز .
- ايدى اليمين لازم تبقى على الفتيس حتى لو اتوماتيك .... أو ماسكة ريموت الكاسيت علشان يجيب الخمسات بتاعت الفوليم (هذكر حكايت فروق الخمسات دى تحت ).
- فوليم الكاسيت لازم يكون رقم يبدأ بـ صفر أو خمسة يعنى 10 15 20 25 30 35 وده اخرى فى الصوت .
الصبح لازم أسمع قرءان وانا رايح الشغل .... وانا راجع بسمع أى حاجة سواء راديو او سى دي( ميوزيك معين كدة بسمعه ).
- بحب اوى اشد حاجب الشمس بتاع فتحة السقف واسيب الزجاج ... بيحسسنى بروح الأنطلاق ... واحيانا بفتح الفتحة فى الشتاء بردوا .
- عينى للاسف اتعودت على انها تبقى على طول على العدادات سواء السرعة أو الحرارة ( عادات قديمة من ايام الجرى والشقاوة )
بس كدة .... ولو افتكرت حاجة تانى هبقى اقول ههههههههههههههه .
ههههههههههههه هى وصلت لحلاقة الذقن .... فاكرين فيلم نمس بوند انا كنت بشوف اللقطه بتاعت انه بيغير فى العربية وكنت بقول دا اكيد خيال
بس بعد ما سمعت كلامكم لا دا غلبان اوى ومش بيعرف يسوق جنبكم . وانا لسه مستنى رد كمال سليم بيعمل ايه فى غرفة نومه ادام بيعمل كده فى العربية .... انا كان اخر ما وصلت له ان واحد طلع فى الصيف وعايز يروح مصيف شقتهم الى فى اسكندرية لبس شرت وفنله وشبشب ونزل وراح
متزعلش نفسك كمان مره واحنا مسافرين اسكندريه انا واصحابى واحد سايق لانسر ورافع رجله الشمال جنب الطاره
يا باشا سالم مش سليم هههههههه
والله يا حماعة مش هتصدقوا اني برتاح في العربية بشكل غريب... حتى البولونيز
ايه كمان يا ربي.....
عندي حالة نفسية كده أو عضوية مش عارف... بس تركيزي مش سهل وبتشتت بسرعة جداً لأني دماغي بيبقى فيها مليون حاجة مع بعض ف مش بعرف أركز في موضوع واحد لفترة طويلة (يقال انه ده اسمه adhd للناس اللي ليهم في العلاج النفسي)... ف لما بحب اركز في حاجة.. بانزل الف بالعربية... السواقة بتفصل نص دماغي تقريباً ف بتخليني اركز في اللي انا بعمله
زمان أيام الخطوبة وخناقات التليفون... كنت بنزل اسوق عشان اعرف اتخانق.. وليا كام مخبأ كده ع النيل بلف الف وبعدين لما اتعب اروحلهم اقعد شوية اشرب كباية الشاي وامشي
كمان بخاف جداً العربية تتسرق وانا نايم فيها.. ف من سنتين كده كان شغلي ف وسط البلد.. ف كنت متفق مع الغفير بتاع المتحف الزراعي اني بطلع كوبري اكتوبر وعلى ما الزحمة تخلص وانزل ببقى هموت وانام.. ف بروح قدام باب المتحف اديله اللي فيه النصيب واركن قدامه واشغل ام كلثوم وانام... هو يتكيف وانا انام مطمن على حاجتي عشان لابتوب الشغل وحاجتي بتبقى في العربية... نفس الكلام مع واحد بيركن عربيات في الزمالك اسمه عشماوي للناس اللي حافظة الزمالك ومخابئها.. والواد بتاع الشاي اللي ف شارع المنتزه في الزمالك برضه... كل دول كانوا حراسي وانا نايم
وانا في الجامعة كنت بنظم حفلات روك وميتال مع صحابي... ف كان ساعات بيبقى عندنا حفلات وناس بتنزل من بيوتها لابسة حاجات وتروح الشغل لابسة حاجات.. ف في فترة كانت فعلاً عربيتي اوضة تغيير ملابس.. وكان عادي جداً انك تركب عربيتي تلاقي فيها غيارات وهدوم مش بتاعتي (انا شخصياً في جاكتتين شتوي رايحين مني الله اعلم هما فين)
موضوع حلاقة الدقن عملته قبل كده... بس بمكنة عادي موس... وع الناشف واديله.. كان يوم فالنتين ونسيت احلق الصبح ف حلقت وانا سايق على كوبري اكتوبر
عربيتي كمان صيدلية... لازم تلاقي فيها مسكنات كتييير عشان انا عندي صداع نصفي مزمن من وانا عندي 8 سنين وعجز الطب عن علاجة... ومراهم حروق عشان كان اكشن طبيعي انه الردياتير يضرب ف وشي
اممممم ايه كمان؟ عربيتي ف يوم اتعملت زنزانة حجز واترمى في الشنطة واحد حرامي متكتف.
مش فاكر حاجة تاني دلوقتي بس أكيد هفتكر واقولكوا.. ولو قالش قولولي اسكت
هى حاجات مش غريبة ولا حاجة:
- لابس الحزام
- الزجاج مقفول
- ببص فى العدادات عمال على بطال
- الحاجة الوحيد اللى بتشيك عليها علطول ... مية المساحات :)
- معرفش ابدا اسوق غير باليد الشمال مع انى اساسا بستخدم اليمين فى اى حاجة تانية
- يوم ما جربت اسوق بالايد اليمين دخلت فى باب حديد بتاع المحكمة اللى عندنا
- لازم وانا سايق اليد اليمين فيها كوباية نسكافيه او كافيه لاتيه:star1: ولو خلصت اللى بشربه اساسى ايدى اليمين تكلبش فى الفتيس اوتوماتيك او مانيوال
- الكاسيت الصوت لازم يبقى من مضاعفات 5
- اكتشفت ان اللى بسمعه بيأثر على اسلوب سواقتى ومن ساعتها لما بتطلب شد بشغل ترانس او هاوس ولو سفر او طريق روقان غالبا بشغل kenny-G وساعتها بمشى زى البطة البلدى :36_2_33:
- لما بكون مسافر رجلى الشمال بتطلع فوق الكرسى جنبى واليمين بس اللى بسوق بيها :beated:
- فى عادة وحشة ان كل ما اركب العربية برمى كل اللى فى ايدى وجيبى ف اى حتة فى العربية ( كلمة "ارمى " مقصودة حرفيا ) ومن سنتين وانا داخل رميت الموبايل وملقتهوش بعد كدا وافتكرته اتسرق واشتريت موبايل جديد ولما جيت اعمل فرش ارضية للعربية و اتفك الكونسول الامامى اتضح ان الموبايل مستخبى وراه :what:
انا بحب اشيل المحفظة من الجيب الوراني
ومعرفش اسوق وانا لابس جاكيت كاجوال او كلاسيك وساعات بكون بردان بس بحس اني متكتف اوي .
اول لما بركب العربية لازم اشغل المساحات وارش مياه على الزجاج طبعا من مياه المساحات ( الحرمان وحش , ايام الفولكس مكانش فيها مساحات اصلا وكنت بتعذب في المطرة وكل خمس دقايق انزل امسح بالفوطة ).
بعشق منظر العربية وهي عليها طين في ايم المطرا وساعات بنبه على السايس او البواب ان محدش يمسح العربية .
لما بلاقي عربية زي عربيتي لازم اجري واجي جنبها وابص عليها .
بحب الصوت سواء في الكاسيت او الام بي ثري يكون على رقم زوجي.
وبحب السواقة بالكوتشي
مش عارف انا كده طبيعي ولا ايه النظام ؟؟؟؟
اممممممء
يا نهار ابيض نلخص الحاجات العجيبه بقى
غحلاقة دقن فى العربية ... العربية ملجىء نوممممممممممم وبروفه لبس وتعير هدوم
الكاست على رقم زوجى ( مش عارف ايه الحكمه فى زوجى ونفسى اعرف )
منظر الطينه حلو
وعم كمال سالم مستغرب ان بيجلو صداع نصفى يبنى انتا مختلف خالص:36_2_33: دا نص الحاجات الى بتعمله تجيب العصبى مش الصداع بس هههههههههه