استفسار بخصوص سيارات المعاقين

**Mo.Kareem** · 23-01-2011 12:18 AM

هو حضرتك سيب العربية الخمس سنين من غير ترخيص ؟؟؟؟!!!!!
المعاق لازم يطلع رخصة وبتكتب فيها رقم العربية ،
العربية علشان تخلصها من الجمارك لازم تكون الرخصة موجودة وسيرة مش خلاصانة
حضرتك لازم بسرعه تطلع رخصة للمعاق لأنك مش هتعرف تعمل اى حاجة من غير ترخيص العربية والعربية مش هتترخص من غير رخصة المعاق
انا اسف والله بس لو حضرتك لحد دلؤت مرخصتش العربية مش هتعرف تعمل اى حاجة ،
لو حضرتك واثق من الناس اللى هتاخد الفلوس وتجبلك الرخصة ادفعهم واخلص احسن

**فتح الباب** · 23-01-2011 02:02 AM

المشاركة الأصلية كتبت بواسطة mgelgel

يا استاذ ايه هو اللي حرام بس واحدة واحدة
اولا مش حرام اصحاب التوكيلات يجييبوا زبالة العربيات (الفرنا و اللوجان ....الخ) و تتباع ب 70 الف جنيه
انا كنت بشتغل في السعودية تصور العربية الكامري اللي هي قمة التويوتا بتتباع ب 70 الف ريال موديل السنة تيجي هنا تلاقيها ب 560 الف جنيه ايه الجشع ده و الاستغلال ده ...
خد عندك مثلا اللوجان عربية المفروض هي للطبقة المتوسطة و نازلة من غير جمارك سعرها كان المفروض ميعديش 35 الف جنيه
بقدرة قادر توصل ل 70 الف جنيه طب ازاي ..طبعا عشان خاطر اصحاب التوكيلات و يتحرق الباقي
الحرام فعلا هو اللي بيتعمل فينا
انا مش بقول ان الواحد ياخد حاجة مش بتاعته زي مثلا كتير بيعملوا قومسيون طبي و يدفعوا رشوة 12 الف جنيه و يطلعوا بيه علي بورسعيد و يستلموا عربية معاق ...ده هو اللي حرام
بس الاخ مشتريها باسم المعاق اللي كان عمره ما هيشتري عربية باسمه فهو كده استفاد و غيره استفاد
و لعلمك العربيات في بورسعيد مرمية في الجمرك مش لاقية اللي يرخصها

انا اضم صوتى لحضرتك وبعدين احنا تعودنا على اسلوب راقى فى المحادثه مع بعضنا البعض لكن مش اللى انا شايفه ده . مهاجمه بطريقه غريبه وكأن السياره اخذت منه هو شخصيا طيب ليه الاسلوب ده اساسا ااااااااااااااااااااااااا اااااااااااااااااااااه ميكونش هو المعاق اللى جاى على اسمه العربيه ليه لا ممكن عموما الشعور الطيب المتبادل افضل

**mgelgel** · 23-01-2011 06:22 AM

استاذي الكريم اسهل الحلول تدخل الاخ المعاق ده مدرسة لتعليم القيادة و تدفع رسوم بسيطة 400-500 جنيه فقط و هم هيعملوله الرخصة و يعدوه في الامتحان كمان
و شكرا للاستاذ tjp .... احنا محتاجين فعلا اسلوب راقي للحوار

**dr_taher1985** · 23-01-2011 07:34 PM

شكرا يا جماعة
بس انا عايز اعرف حاجة هو فك الحظر بعد 3 سنين بندفعله 9600 جنيه لكن لو بعد 5 مش بندفع حاجة
صح ولا ايه ؟

**Mo.Kareem** · 23-01-2011 07:59 PM

المشاركة الأصلية كتبت بواسطة dr_taher1985

شكرا يا جماعة
بس انا عايز اعرف حاجة هو فك الحظر بعد 3 سنين بندفعله 9600 جنيه لكن لو بعد 5 مش بندفع حاجة
صح ولا ايه ؟

صح يا دكتور

**dr_taher1985** · 24-01-2011 10:02 AM

الف شكر يا جماعة على المشاركة فى موضوعى وربنا يسهل واعرف اعمل الرخصة دى

**mahmoud_e2007** · 26-09-2011 02:07 PM

المشاركة الأصلية كتبت بواسطة mando800

يا استاذ ممكن ترد على سؤالي
لما تاخد حاجه مش بتاعتك
يبقى حرام ولا حلال ؟
لما تاخد حق غيرك
يبقى حرام ولا حلال ؟
لما تدفع رشوه علشان تطلع رخصه مش ليك
يبقى حرام ولا حلال ؟
لما تدور على طرق ملتويه و غير شرعيه
يبقى حرام ولا حلال ؟

---------
حسب علمي ان السيارات دية بالهبل مرمية في بورسيعد مستنية اي معاق معدي يشتري يعني متوفرة بكثرة واي معاق يأخذ ال عايزة فأنت مش بتاخد حق احد وكمان بتدي للمعاق فلوس يستفاد بيهم اولي لانة مش عايز يشتري عربية اصلا لانة عندة اخري او مش بيح العربيات او محتاج اكثر للنقود من العربية والله اعلم

**yalahwy2010** · 08-10-2011 02:35 AM

ادفع غرامة 2600 جنيه فى الجمارك عشان يطلعوا رخصة بأسم المعاق وبعد كدة يبقى يبيعهالك علطول
بس اضمن حقك من المعاق الأول.......زمضيه على وصل أمانة بتمن العربية عشان لما الرخصة بتطلع بأسمه...كدة العربية بتاعته رسمى
انا عملت الحوار ده.............بس فكيت حظر بقى ولبست 9600 + 2600 غرامة رخصة المعاق
وبالتوفيق

**ahmed_122** · 25-10-2011 09:49 PM

حرام و حلال اللى عاوز يتأكد يتصل بدار الافتاء وبعدين موضوع التجار والفيرنا واللوجان ملهوش علاقة دة عرض وطلب وبرضوا الناس بتشترى لكن خلط الامور ومحاولة اقناع الناس باى كلام وعمل تشبيهات دة اللى مش مضبوط وبكرة نسمع ان الغش فى الامتحا نات كمان حلال يعنى تسرق مجهود غيرك ويبقى حلال اللى بيفتى ويقول حلال يعرف ان ممكن ناس تعمل بفتواة ويتحمل هو الوزر او العكس مثلا مصداقاً للحديث الشريف من سن سنة حسنة فلة اجرها واجر من عمل بها ومن سن سنة سيئة فلة وزرها ووزر من عمل بها وصل الموضوع يا دكتور وفقك الله لما فية الخير