صباح الفل يا بشوات !
النهاردة الواحد صحي مع الفراخ و العصافير عشان يروح الامتحان و العربية كانت راكنة بتاع يومين عشان الواحد كان نفسيته تعبانة و مفصول من الدنيا مش عاوز يشوف وش حد ! :) المهم دورت النهاردة و بعد دقيقة مشيت و مستنيتش عبال متسخن كنت مستعجل المهم بعد ما سخنت الواحد جه يشد الاقي العربية بتعوم و بعد ال 80 الطارة بترعش ! انا اتجنيت قلت اكيد الكاوتش نام! ركنت على جنب ابص! الفرد تمام! المهم ركبت تاني و قلت ايه العباطة ديه ! المهم حبة كدة و قمت حارق جامد قلت ممكن السقعة مخلية الموتور بارد ! المهم العرربية كان سحبها وحش ولا كأنها سيراتوا ال كنت راكبها! قلت اكيد العربية ديه اتنظرت ! المهم رحت الامتحان ركنت و بعديها بساعة قمت مشغل و قلت لازم اشوف ايه المشكلة ! قمت جايب ستريب ترونيك و من الوقوف من اول الغيار 1 لحد الغيار 3 اخره جابت 160 مرة واحد من غير ماشيل رجلي من فوق دواسة البانزين و فجأ يقابلني عربية قمت كابس فرامل على الاخر السرعة نزلت ل 80 بعد ما abs اشتغل لحد ما قال يا بس في 10 متر كدة ! و قمت معدي العربية ديه ! المهم من بعديها و الاقي العربية قلبت بوجاتي ! الفرامل حساسة قوي ! و الموتور مش مستني ادوس بانزين و تلاقيه بيشد ! و لما جيت ركنت بعد ما قدتها شد و غرز ! لقيت العربية ديه من ناحية الكاوتش بطلع صهد :) في عز السقعة بقى :)
استنتجت الاتي ! انوا مع الحرق العربية لما تسخن و الموتور يسخن و الطنباير يسخن الاداء بيبقى احسن ! لما تشد فرامل اليد كذا مرة لما تسخن بتكلبش جامد و تقدر تعمل درفتات ولا مايكل شوماخر !
اوقات لما اخد اليوتيرن و احب اعمل درفت الاقي صوت 4 طقات كدة متواصلة منتظمة ! هل ده يدل كوبلن ؟ مع انوا بتذهر كل فين و فين يعني ! مش اساسي عند كل يوتيرن ( كسرة الدركسوين على الاخر )
انتوا عارفين انوا اكتر السرعات ما بين 60 - 120 الواحد بيبقى ماشي الغيار التاني و التالت !
هل كترة الحرق على الغيار التاني و تثبيت السرعة عليه فيها مشكة ؟ يعني تفضل ماشي علية و rpm عالي هل يحرق الترس مثلاً ؟ ولا اشطة ؟
الكاوتش و الزوايا بيأثروا على قوة الفرامل و السحب صح ؟ لانوا انا ماشي بالاستبن بعد ما الفردة فرقعت فبقا الاستبن نقشة و الاعاجلة التانية نقشة تانية خالص !
العربية داخلة على صيانة ال 40 و بصراحة انا هلكت الموتور حرق و كيك داون على طول ! ( انا محافظ على تغير الزيت و الفلتر بانتظام و تنظيف فلتر الهواء ! هل حلاقي الموتور ولا الفتيس تعبوا من كتر الحرق و الكيك داونات ؟! و الفرامل تكون تأثرت ؟ سيبك من التيال :) اشطة يعني :)
و زي ما قلت في موضوع تاني انا اوقات بمور و انا بدوس فرامل على سرعات و بجيب الغيار تاني و انا ماشي و اوقات بحرق على ال n و اخلي العربية تنتش بس عمري ما اسقط غيار و ال rpm عالي ! بستناه يوطي لحد 1.5 كدة بعد الحرق على المور و اديها d ! في مشاكل ؟
يعني من الاخر هل الحرق على المكنة و الشد و الجري و الغرز و تسقيط غيارات في سرعات مناسبة و امشي على ار بي ام عالي فيه مشاكل على العربية ؟
حاجة تانية انا اخر مة غيرت زيت ال 5 الف و لاقيت العربية خفيفة و فرقت في السحب و بقت اسرع! ( قال يعني زادت 1000 سي سي ) هل في مشاكل في ال 5 ؟ ولا لازم ارجع 10 ؟ انا بحس انوا ال 10 الف تقيل على المكنة !
ايه رأيكم يا احلى بشوات !