ظاهرة غريبه جدااا

**temo85** · 22-01-2011 02:46 PM

ياجماعه انا بقالى فترة بدور على عربيه كسر زيرو , المهم انى بشوف على مواقع اعلانات السيارات زى كونتاكتك كارز و كل ما اجى اتصل باى حد يأما ميردش اصلا يأما يرد و اقوله مكانها فين و عاوز اشوفها و بعد ما نحدد معاد أكلمه ميردش أنا مش فاهم بصراحه أيه الحكمه من ده هى الناس دى مش عاوزوة تبيع ولا أيه الموقف ده اتكرر أكتر من عشر مرات معايا فى أقل من أسبوعين!!!!!! ياريت لو حد فاهم يفهمنى

**ahmad--ezzat** · 22-01-2011 02:50 PM

هو يمكن بيصرفوا نظر....فمش بيردوا من الاساس...او يمكن لقوا بيعه للعربيه بسعر افضل...او يمكن ماتوا بقا هههههه

**temo85** · 22-01-2011 02:56 PM

ياباشا لو اتباعت ممكن يدوس على الزرار فى الموبيل و يرد عليا و يقولى اتباعت هقوله الفين مبروك و انا اللى متصل , الجديد بقى كلمت ناس يقولى النمرة غلط!!!!!!!!!!!!!!!!!!!!!!!!! حاجه تجنن

**ahmad--ezzat** · 22-01-2011 03:00 PM

ههههههههههههههههه

**drmsadek1979** · 22-01-2011 03:27 PM

اشتغالات
ناس فاضية وبتشتغلنا

**Haitham10** · 22-01-2011 03:36 PM

ياباشا الحاجات دى عجيبة بس العيب في الناس علي فكرة

واحد صاحبي اخد كام رقم وراح يتفرج وخدني معاه انا كنت فاكره رايح لعربيه واحدة يعرفها اتاريه جايب ارقام وهاتك يا اشتغالات

والي ردوا ولقيناهم كانت المفترض كلها عربيات سيراتو كسر زيرو او زيرو

ولا واحدة فيهم طلعت رشه اكصدام حتي

مع ان فيهم بلزق ابيض وكلهم راشين او مغيرين وحركات كدة واسعار فلكية ههههههههه

هي ارزاق

بعدها باسبوع لقي واحد في اسماعيلية دكتور وحاطط رقمه ومحترم جدا وراحله قاله خلي العربيه معاك وريها لاهلك وناسك الاول وجددله كمان ترخيص العربيه وبعهاله بتمن معقول جدا وصاحبي مكنش مصدق كمية الذوق والاحترام والشفافيه فالتعامل

ارزاااااااااااق

**أشرف العدوي** · 22-01-2011 03:42 PM

حصلت معايا مرة في عربية لانوس
كان طالب 38000 لدواعي السفر
كلمته
لقيته بيقوله واحد صاحبه عامل فيه مقلب و عمله اعلان من غير ما يعرف علشان يقرفه بالتليفونات

**a_saladen** · 22-01-2011 05:34 PM

الموقف بيتكرر معايا بقاله يومين
اتصل بالمعلن ما يردش
مع إن الإعلان بيكون نازل في نفس اليوم
فهل كلهم لحقو يبيعو عربياتهم بالسرعة دي ومين اللي بيشتري من أول مرة ده؟؟؟
بس فيه واحد اتصلت بيه وحددت معاه ميعاد النهاردة ولما جيت اأكد معاه الموعد لقيته فتح عليا الموبايل وقفل تاني من غير ما يتكلم وبعد ساعتين اتصل وقالي ان الموبايلات ما كانتش معاه - طب ازاي قفلت عليا والموبايلين مش معاك؟؟ الله أعلم
فعلا ظاهرة غريبة