عــايز أجيــب إيبيــزا موديــل 1994 اسقط فيــها موتور جى تى اى 16 1800 سى سى

هاى يا شباب
والله انا بقالى كتير بفكر فى الابيزا ونفسى اشتريها اوى
انا حاليا بدور على ابيزا 94
يا رتى إيه رايكم فيها
انا بدور على 94 مخصوص عشان ناوى اعمل فيها شويه شغل
يعنى :
1_عايز اسقط موتور جى تى اى 16 1800 سى سى
2_عايز اركب تكيف بس يا ترى هيأثر على الموتور اوى ,ويا ترى لو ركبته قبل التسقيط هيأثر على الموتور القديم اوى .
طبعا شويه تعديلات خارجيه من لون وجنوط واكصدمات وعتب وديفل .
حاجه اخيره يا ترى بجد وبدون مجامل بإفتراض إنى مش وضبتها دلوقتى خالص هل هى حلوه وكويسه ولا افكر فى موديل تانى احسن .......
مستنى ردودكم ويا ريت إللى عنده اى نصيحه يقولى
واشكركم مره تانيه بجد
اخوكم كيوبيـــــــــــــــــد

الابيزا عربيه تحفه بجد لكن مشكلتها ان كل اللي في السوق مع شباب و من الصعب تلاقي حاله نضيفه منها.
لكن لو لقيت حتحبها و حتريحك اوي تقريبا مالهاش مشاكل صعبه او حاجه تضايقك.\
بالنسبه لتركيب التكييف دا ما اقدرش افيدك فيه و يا ريت حد من الاخوه الماالكين يفيدونا

الغربية دي باشا .
دا في واحد زميلي معاه واحدة صرف عليها
دم قلبة و كل ما اقوللو كفاية يقوللي
(((العربية دي باشا )))

يا ترى بيصرف عليها تصليحات ولا لمزاجه
اصل لو بيصرف كترويش يبقى هى وهو باشا
لكن لو بيصرف دم قلبه تصليحات يبقى حرام ويبقى مش اجيبها من اصله
ارجو التوضيح بجد
كيوبيد

يا أخ qupid

الإبيزا دى عربية تحفة فعلا " باشا " زى ما الراجل قال فعلا
انت لما تركب العربية دى بجد هتستغرب إنها بالجمال ده و بالسعر ده ، تحس إنها المفروض تكون أغلى من كده
عربية محترمة مووت ، و تحس إنها بتحترمك ، إتزان عالى جدا ، لو اهتميت بيها كويس مش هتعملك مشاكل خالص ، عمرك ما هتزعل على أى فلوس تصرفها عليها
على فكرة بالنسبة لقطع الغيار ، فهى في حدود المعقول جدا جدا ، بس مش قليلة برضو ، بس في التناول أقصد
بالنسبة للتكييف لو ركبته على الموتور بتاعها اللى هو 1300 سي سي هيأثر طبعا على قوة الموتور لما تشغلوا ، بس مش هيموت العربية ، بالنسبة للموتور اللى انت عايز تركبوا انا بصراحة بحب استخدم العربية زى ما اللى عملوها قالوا ، بس ليا واحد صاحبى كان مركب نفس الموتور ده مع فيتيس اوتوماتيك كانت العربية دى حكاية فعلا لما كان بيظبتها كنت بنبهر من سواقتها وقوة الموتور الجبارة على الجسم الضغير نسبيا بتاعها
بس للأسف العربية تعبت جدا في الآخر معاه و مكانش عارف يلمها فاضطر يبيعها
على فكرة في من موديل 94 ده 1400 سي سي و تكيفها مش راكب (يعنى بيتاعها) لو لقيت حاجة كده و نظيفة يبقى حظك حلو

عموما أحسنت الاختيار فعلاااااااااااااااااااااا اااااا

من فهمى لكلامك فهمت إنها كانت معاك
اولا طبعا انا متشكر ليك ولكلامك بجد
لكن يا ترى مش تعرف ليه فى الاخر وكانت مش حلوه مع صاحبك
حاجه تانيه
يعنى بجد حتى لو مش سقط الموتور الكبير حاليا وفضلت بالموتور ال 1300 بتاعها ومش ركبت التكيف هتكون كويسه بالموتور الاصلى يعنى إنت عارف انا شاب واكيد عايز عربيه تسحب معايا وتجرى وكده يعنى ولا هتكون مجرد عربيه وخلاص.
يا ريت بجد تطمنى عشان معروض عليا واحده ومش عايز اخلص الا لما اتأكد منكوا يا احلى شباب
ملحوظه:
انا عمرى ما سمعت ولا شوفت إبيزا 94 1400سى سى كله 1300
يا ترى فى فعلا ويا ترى تكون فى حدود كام عشان برده مش اتخم فى إللى معروضه عليا
بجد متشكر اوى على مشاركتكم كلكم ليا ونصايحكم
اخوكم كيوبيد

qupid

أولا انا معرفس هيا ليه فتحت معاه في الىخر كده بساستنتاجى بيقوللى عشان اللى فيها مش بتاعتها ، ثانيا العربية طبعا لو مش مشغل التكييف فهى سحبها جميل جدا هعجبك مش مجرد عربية و خلاص

يالنسبة لل 1400 سي سي فهي موجودة بس مش كتير أوى ، بس خليك في ال 1300 سي سي عشان هى المنتشرة اكتر فمجال البحث بتاعك هيكون اوسع و تقدر تجيب حاجة كويسة

اقتباس:

---

يا ترى بيصرف عليها تصليحات ولا لمزاجه
اصل لو بيصرف كترويش يبقى هى وهو باشا
لكن لو بيصرف دم قلبه تصليحات يبقى حرام ويبقى مش اجيبها من اصله
ارجو التوضيح بجد
كيوبيد

---

و الله من دا على دا

يعني
راح جاب موتور جديد و فتيس جديد و فرش داخلي كامل و تابلوة فابريكة و تكييف و عفشة سبورت و فوانيس LED بس بصراحة
:shock: جامدة

بس باحس ان البولو أحسن أصلي كان عندي واحدة 99 عيبها الوحيد كان الموتور

اقتباس:

---

و الله من دا على دا

يعني
راح جاب موتور جديد و فتيس جديد و فرش داخلي كامل و تابلوة فابريكة و تكييف و عفشة سبورت و فوانيس LED بس بصراحة
جامدة

بس باحس ان البولو أحسن أصلي كان عندي واحدة 99 عيبها الوحيد كان الموتور

---

ايام ما فولكس فاجن اشترت سيات كان هدفها ان يصممو عربيات واحده لجميع المجموعه علي سبيل المثال البولو و الابيزا لكن يبقي فرع سيات مثلا مختص بالسيارات الرياضيه الاداء نوعا ما و الفولكس تبقي سيارات مدنيه و اقتصاديه.لكن ما عرفوش يطبقوا المعادله صح و بدات الموديلات تنافس بعضها في السوق للتقارب الشديد بينهم.

كلامك صح 100% يا حازم
فالتقارب الشديد بين البولو و الإبيزا جعل الاثنين حاجة واحدة تقريبا ، مع اختلاف السعر ( البولو أعلى سعرا شوية )

دوجلاس
احب اخد رايك فى حاجه تانيه وطبعا باقى راى باقى الاعضاء
لقيت بالصدفه ابيزا موديل 94
1400سى سى
وحاله نظيفه يا ترى بجد هى احسن من 1300 ولا مش تفرق كتير
المشكله بس إنه طالب مبلغ كبير
بس بيقول إنه موضبها
اصلى لسه مش شوفتها بصراحه بس قالى فى التليفون إنى لما اشوفها مش هتكلم فى السعر بس ارجع واقولك 40000 كتير
يا ترى إيه رايك إنت وباقى الاعضاء
ارجوا تردوا عليا نسرعه وبصراحه مطبقه يا جماعه
اخوكم كيوبيد