سعر لادا 2107 مو 2008 عاملة 12000 كيلو ؟؟؟؟؟

**mona_881** · 23-01-2011 01:58 AM

( أنا مش عاوزة أبيعا أنا عاوزة أعرف سعرها بس)

من فضلكم يا جماعة أنا عندي 2107 مو 2008 عاملة 12000 ألف كيلو (منهم ييجي 5000 سفر) وحالتها فوق الممتازة بسم الله ماشاء الله وكل حاجة فيها فبريكة بتاعة المصنع ماعدا المرايات بس غيرتهم قبل كده
بس للأسف الدهان الخارجي فيه خرابيش وتطبيقات خفيفة في الصاج وده بسبب الركن في الشارع (ولاد الحلال كتير) والصالون بتاعها من جوه آخر نضافة
أنا مركبالها 2 زجاج كهربا أمامي
استعمالها حريمي راقي جدا جدا مشاوير عائلية والله في حدود مصر الجديدة ومدينة نصر وسفر المصيف

الرجاء من الأخوة في الموقع تقييم سعر العربية ومتشكرة ليكم وآسفة علي الإطالة

**engaass** · 23-01-2011 09:54 AM

حوالين 35000

**smsm061274** · 23-01-2011 04:47 PM

السياره مصرى ولا روسى

**zigzag2001** · 24-01-2011 12:09 AM

هل مكيفة وفيها باور ولا لا
انا عموما لسه من ساعتين كنت في توكيل الامل اللي قصاد الرقابة الادارية ش النزهه وسالت عن الاسعار وهي كالتالي
فاضية 44500
باور 46500
مكيفة وباور 49500

علي فكرة كل سعر من دا اصله كان + 500 ج بس لما قولت للراجل اني عاوز اشتري فعلا وكدا نزلنا ال 500 دول

لو عربيتك كويسة فعلا وشوفتي التقيم والسعر العادل ليها انا ممكن اشتريها ان شاء الله وانا من سكان مدينة نصر ارجو التواصل بعد تحديدك للمطلوب كسعر بيع

**mona_881** · 24-01-2011 02:03 AM

أنا متشكرة يا جماعة بس والله أنا مش عاوزة أبيعها أنا عاوزة أعرف سعرها تقريبا كام وبس ومش عندي نية للبيع خالص والله

وهي مصري ومش فيها باور ولا تكييف فيها سنتر بس وكان فيها كاسيت شرايط غيرته بكاسيت سي دي

ومرة تانية أشكر كل الأخوة اللي قاموا بالرد وأرجو معرفة السعر التقريبي

**golfawyzz** · 24-01-2011 02:30 AM

المشاركة الأصلية كتبت بواسطة micho_881

أنا متشكرة يا جماعة بس والله أنا مش عاوزة أبيعها أنا عاوزة أعرف سعرها تقريبا كام وبس ومش عندي نية للبيع خالص والله

وهي مصري ومش فيها باور ولا تكييف فيها سنتر بس وكان فيها كاسيت شرايط غيرته بكاسيت سي دي

ومرة تانية أشكر كل الأخوة اللي قاموا بالرد وأرجو معرفة السعر التقريبي

تقييمى 36 : 38 الف جندى مصرى

**zigzag2001** · 24-01-2011 08:59 PM

تقيمي 35000 ل 36000

**a7madramadan** · 25-01-2011 04:54 AM

اتباع قدامي من اسبوع بالظبط لادا 2008 مش متذكر العداد كان كام .... بس كانت نظيفة جدا وراكبلها زجاج كهرباء أربع أبواب ... وسيدي بلاير ..... ومتغير الكرسيين الأمامي بكرسيين شكلهم كلاسيكي مش سبورت بس مريحين جدا جدا غالبا بتوع عربية اوروبي ..... بشوية رفائع كده كماليات صغيرة معطرات وكده ..والدواخل فابريكة .. وواخدة رشه نظافة من شهر بعد معالجة الخدوش والانبعاجات الخفيفة بتاعة الركن و المتهورين ...وإلخ..والوضع الي اتباعت بيه ماكانش فيها خدشة... اتباعت بـــ 38500 الأسبوع الي فات ... حضرتك تقدري تقدري السعر مقارنة بالي باقولك عليها دي... والبيعة الي باقولك عليها دي أعتبرها عادلة جدا جدا ...