هيونداى فيرنا 2008 عاملة 450 كيلو بس فى شهرين

**atamim** · 22-05-2008 10:19 AM

السلام عليكم ورحمه الله و بركاته

انا اشتريت فرنا 1600 قبل زيادة البنزين بشهر و عملت بيها بس 450 كيلو يعنى موصلتش اصلا للالف كيلو بتاعة اول كشف

المهم انا مشاويرى كلها جوة البلد فمش عارف ال 1600 سىسى كتيرة ولا اى علما انها جوة البلد بمشى على الاول و التانى و التالت كتير

انا شاريها ب 65 الف فلو بعتها حخسر قد اى ؟

كمان لو بدلتها بعربية صغيرة زيرو بردة مثلا 1100 سىسى حيفرق ولا لقى ؟

علما انى ناوى اخلى العربية معايا على طول و ما بعهاش غير كمان 15 سنه مثلا

انا اصلا اشترتها لانها ارخص عربية عائلية موجودة حاليا و قطع غيارها متوفرة و كتير يصلحوها بس مع بداية الاستعمال كل تفويلة تانك ب 1/10 من مرتبى

كنت بفكر اغيرها بهيونداى اتوس برايم زيرو او موديل 2008 يا ترى رايكم اى

**Adham_Sabry** · 22-05-2008 10:46 AM

اخي العزيز انا اري حرام تبيعها ... هاتخسر فيها 3-5 الاف جنيه
وبعدين فرق التوفير مش هيبقي كبير .. وخصوصا ان معدل استهلاكك قليل جدا (225 كم في الشهر) يعني بمعدل استهلاكك ده محتاج للفيرنا 20 لتر وللأتوس قول مثلا 18 لتر يعني هتوفر 2 لتر في الشهر = 4 جنيه توفير في الشهر
وخد بالك ان معدل استهلاك البنزين بيكون عالي شويه في اول الف .. يعني 1 لتر بيعمل 10 كم .. وبعد صيانه الألف 1 لتر هايعمل 13 كم تقريبا ان شاء الله

**Adham_Sabry** · 22-05-2008 11:03 AM

خد بالك كمان ان انت هاتحتاج مصاريف ترخيص للعربيه الجديده .. يعني قول ان اجمالي خسارتك هاتكون 6000 جنيه .. حرام
هاتخسر وهاتجيب عربيه اصغر في الصالون والشنطه والموتور ..وكل ده علشان توفير فرق بنزين اللي هو قليل اصلا
انت بمعدل استهلاكك ده تنك البنزين يكفيك شهرين ...
اللي يفكر بالكريقه دي لازم يكون معدل استهلاكه عالي جدا .. يعني 3000 كم في الشهر او اكتر من كده