الموضوع: نداء الى نيسان موتور ايجيبت لمصلحتها

السلام عليكم
حبايبي في الله ........ كيف حالكم

مع انى عضو جديد و بتواجدى فى القسم ليل نهار وقرات اغلب المواضيع فى القسم وتابعت اغلب المشاكل لانى بقيت من ملاك الصنى وحتي من قبل ما اشتري الصني وكنت مقيم في المنتدي هنا .... ماشوفتش غير 3 مثلا او اربعة غيروا الضفاير

ولو ظهر اكتر من 5 او 10 بردوا حيكونوا من كام واحد من ملاك الصنى فى مصر عموما !!

وانا لو كنت سمعن كلام ال3 ولا ال10 حتي دول مكنتش فكرت فيها من أساسه
مع انها مش كماليات في العربية ولا حاجة ... بس اللي طمني انها مش اساسي في الصني ان ضفيرتها بتركب بايظة ..!!!
لإني متأكد من ان الاعضاء وملاك الصنى اللى سياراتهم مفهاش مشكلة مش حتفتح موضوع وتقول ان العربية مفهاش مشكلة وتعدد المزايا !!!!

واللى بيحكى اللى عنده استفسار او مشكلة
فالقسم صغير لما يدخل اتنين او تلاتة بيقولوا ان فى مشكلة , بتسمع فيه
واللى بيقرا كعضو جديد او وافد من اى قسم اخر بيفتكر ان فى مشكلة كبيرة وعلى كل عربيات الصنى !!

سبب شرائى عموما سيارة نيسان , التوكيل وسمعته

وماشاء الله شكر الناس فيها سواء الميكانيكية ولا الناس اللي راكبة الصني وماشية في الشارع
والله كنت بوقف العربيات وأسألها عليها ..... وماشاء الله كانوا بيشكروا فيها

الصنى محققة انتشار كبير جدا ومبيعات كبيرة ومن غير دعاية زي ماركات تانية

وفي نقطة كمان
يعني الصني مش بتلاقيها فى أي معرض كده وخلاص من المعارض اللى بتلاقيها تحت البيت !! ... موجودة فى المعارض الكبيرة ومش اى معرض كمان , وبتلاقيها طبعا عند الموزعين المعتمدين اساسى

يعني ليها مكانها والناس بتروحلها وبتسأل عليها وبتشتريها ماشاء الله

والناس لو عاطفيين فى الكلام ,, معتقدش فى الشراء ودفع الفلوس بمبلغ 100 الف حيشتروا بعاطفة كمان !!!

واللي لاحظته فعلا ان اللي بيفكر يشتري صني ... عايز حاجة تريحة واعطالها قليلة ماشاء الله ومش عايز يوجع دماغه وكمااااااااااان توكيل محترم ماشاء الله

شركة نيسان لو شايفة ان فى مشكلة حقيقة ومشكلة كبيرة تعوق الانتشار
كانوا اكيد هايتحركوا ويعدلوا ومش ها يسكتوا
وبردوا لما بيظهر مشكلة مع اى عميل , بيحلوها وبيفضلوا وراه لغاية ما يحلو مشكلته
لان دى شركة ليها سمعة ومحترمة

وهما من غير اى حاجة بيطوروا دايما من روحهم باستمرار .. وبدليل حساس الاكسجين حتي لو مش فارق بس اسمهم علي الاقل بيحاولوا يوفروا فيي استهلاك البنزين عن اي عربية 1600 ........

وانا متأكد من الكلمة ديه
ان مفيش عربيه ل1600 بتعمل اكتر من الصني في الكليوات في الصفيحة .. واغلب عربيات ال1600 سى سى بتعمل تقريبا نفس النسب وقريبة لبعض خصوصا فى الاستهلاك داخل البلد والزحمة

واخيرا ... الحمد لله رب العالمين علي الصني ... يعني في الفئة بتاعتها مفيش عربية اعتمد عليها وماشاء الله تريحني وتوكيلها محترم بالسعر ده
ولا قدر الله لو لقيت حاجة ... التوكيل موجود ...

وعمري ما قريت في مشاركة هنا او سمعت بره انه رفض يعمل حاجة أو يتلكك انها مش في الضمان والكلام اللي بنسمهع في ماركات تانية معروفة وتوكيلات اخرى بتتعب العملاء معاها .

تقبلوا مروري