سلام عليكم ..
يا جماعة حد عنده معلومات عن سيتروين Zx ??
ايه رأيكوا فيها ؟؟
عرض للطباعة
سلام عليكم ..
يا جماعة حد عنده معلومات عن سيتروين Zx ??
ايه رأيكوا فيها ؟؟
اخى احمد
انا لسه شارى زد اكس من حوالى 5 ايام هى موديل 96 ولونها زيتى وفيها تكييف وسنتر
بس انا قبليها كان عندى ستروين ايه اكس لمدة حوالى خمس سنين
ف لو عندك اى استفسارات انا تحت امرك فى اللى اعرفه طبعا لان برضو انا خبرتى على قدى يعنى
لكن اللى اقدر اقولهولك انا عاجبانى العربية جدا وجمييييلة فى الركوب مريحة جدا وناعمة اوى انا شايفها عربية جميلة وياريتنى اشتريتها من زمان. بس اهم حاجة فى الستروين بصفة عامة يعنى انها تكون حالتها ممتازة لو حالتها نص نص مش هاتبقى كويسة وهاتبقى متعبة جدا ومكلفة اوى ف لو هاتشترى يا اما تجيب حالة حلوة اوىىى حتى لو اغلى شوية يا اما ما تجبش خالص.
انا ى اشتريتها ب 32 والميكانيكى اخد 500 عمولة لان هو اللى جابهالى.
هشام
صباح الخير
انا معايا سيتروينax موديل 95
الحقيقة أنا خبرتي قليلة جدا في العربيات بصفة عامة والعربية دي أول واحده معايا ومن 4 شهور بس
لكن اللي ققدر أقوله
العربيه ثابته بشكل هايل
موفره في البنزين
مريحه جدا في القيادة
عاوز أقولك أنهامحترمة جدا
المشكلة في ارتفاع سعر قطع الغيار وقليل اللي بيتعامل فيها وجهل الميكانيكية بالنوع ده
ودي بصراحه مشاكل كبيرة
أنا من سكان المقطم
وربنا وفقني في ميكانيكي هايل وده ريحني كتير
وبتعامل مع استيراد الخارج في الحاجات المتاحة
انا شخصيا تمني اني لما أغير أركب سيتروين تاني
وربنا يوفقك للقرار الصحيح
هشام
أنا طارق وسعيد بردك علي زميلنا أحمد أنا كنت بدأت أشك بوجود أحياء ناجين في هذا القسم
شكرا ليك
طارق
الـAX وZX الاتنين عربيات ستروين تجميع مصري بس المصنع قفل بعد فترة قليلة من
تجميعهم ودة يمكن يكون سبب قلة انتشارهما. هما عموماً ناعمين في القيادة ويتميزوا
بمواتير قوية "خاصاً الـZX" وسهولة في المناورة.
عيوبهما ندرة قطع الغيار الخاصة بهما وغلوها إن وجدت بالاضافة الى عدم سهولة
صيانتها الا لمن يفهم فيهما جيداً.
طارق انا اللى متشكر جداا على ردك الجميل ده وربنا يكرمك وواضح من ردك انك انسان ذوق جدا وربنا يوفقك ويكرمك ان شاء الله وواضح اننا ذوقنا متقارب فى العربيات لانى عملت زى مانت عاوز تعمل بعد كده ان شاء الله غيرت ستروين ب ستروين برضو:)
وعلى فكرة انا رديت عليك فى الموضوع التانى بتاع ملاك ستروين.
هشام
شكرا يا جماعة على الردود ..
وأنا فعلا عايز أشترى ZX .. أنا كنت بفكر فى الـ AX لكن الـ ZX أكبر ..
أنا كنت خايف من عدم وجود قطع غيارها .. لكن ناس قالتلى انها موجودة على الأقل استيراد ..
كنت بس عايز أعرف الـ ZX فيها ايه كماليات ؟؟
وهل هى Injection ولا كاربراتير ؟؟
وهل استهلاك البنزين فيها عالى ولا كويس ؟؟
احمد انا كان معايا ال ايه اكس لمدة خمس سنين ومفيش ولا مرة احتجت قطعة غيار ومالقتهاش موجودة جديد ومستعمل وهاتلاقى كذا صناعة كمان بكذا سعر. والميكانيكى بيقولى الزد اكس حاجتها ارخص كمان من الايه اكس. الحاجة بس الوحيدة اللى غالية فيها جدا هيا الكبالن لكن غير كده حاجاتها معقولة جدا.
هيا موتورها 1400 وفيه 1600 نادر بيقول انه شاف اتنين منها لكن انا ما شوفتهاش ف ماعرفش اخبارهم ايه لكن ال 1400 كربراتير مش انجكشن واستهلاكها لو مظبوطة بيبقى كويس جدا والاتنين بيوفروا اوى يعنى انا سمعت من اتنين كان عندهم ايه اكس انها بتعمل 380 كيلو فى الصفيحة فى الطوالى بس انا اللى كانت عندى كانت بتعمل حوالى 200 بس. بالنسبة للزد اكس اعتقد انها مش هاتقل عن 200 خالص ويمكن توصل 300 ولا حاجة.
بالنسبة لكمالياتها اللى عندى فيها تكييف وسنتر بس
بس فيه منها مرايات كهربا بس بتبقى المراية اليمين بس والشمال عادية وفيه منها زجاج كهربا كمان. والميكانيكى قاللى انه كان عنده واحدة باور كمان.
هشام
اولا الف مبروك على عربيتك zx .. وهية فعلا من السيارات المحترمة جدا ... وبالاخص بالنسبة لسعرها .
كنت بستفسر عن الميكانيكى الى جاب لحضرتك عربيتك .... ياترى شغال فى الاكسارا .... يعنى بيتاجر فى الاكسارا ...
ومكانة فين ؟
وفعلا متفق معاك فى نقطة ... ان لو عاوز ترجب ستروين يبقى لازم تكون حالتها نضيفة جدا جدا جدا حتى لو حتشتريها غالية ... فعلا الكلام دة مظبوط مليون المية ...
على فكرة يا جماعة قطع الغيار مش غاليه زى ما انتو متصورين
فيه محل قطع غيار فى شارع دمش ارخص من اميل وجوزيف اسمة نافع
على سبيل المثال انا كنت جايب من عندة طقم دبرياج (ديسك واطوانة وبلية) ماركة فاليو بـ 425 جنية
وفيه ماركة تانية فرنساوى بـ300
والفنوس الخلفى التيوانى بـ 100 جنية والفاليو بـ 175 جنية
وطقم الكبالن كامل ( كوبلن برة وجوة بالأكس) فرنساوى بـ 900 جنية ثمنهم عند اميل وجوزيف 1400 جنية
وطاسة الكوتش الواحدة بـ 35 جنية
جوان وش الماتور الأصلى بـ 40 جنية والتايوانى بـ 20 جنية
وإن شاء الله هرفعلك الكتالوجات بتاعة Zx و Ax
على فكرة نست اقولكم كمان
سقاطة الباب الداخلية بـ 25 جنية
مراية الباب الجانبية المانويل بـ 90 جنية
أما المراية اليمين الكهرباء اعرف سعرها فقط استيراد بـ 150 جنية
اعتقد ان الاسعار دية معقولة جدا جدا جدا جدا ومش مغالى فيها ذى الناس مابتقول
سعر المقص فرنساوى 350 جنية واستيراد 100 جنية بالتركيب
الشنطة طبعا فبر ودى بتتباع استيراد بالزجاج بـ 400 جنية
اخى العزيز fiatmomo الله يبارك فيك ويكرمك متشكر جدا على ردك الذوق ده:)
بص يا باشا بالنسبة للميكانيكى اسمه محمد الابيض وهو مكانه وانت نازل من كوبرى ابو الريش رايح ناحية زينهم اخر شارع شمال قبل مطلع زينهم وعلى ناصيته مستشفى بيطرى اسمها مستشفى بروك بعد كده هاتدخل تانى يمين وتمشى لحد الاخر هاتلاقى نفسك عنده . ونمرة اهى برضو 0106125825 وقوله من طرف هشام عبد البر. اما بالنسبة للاكسارا فهيا عربية اكي روعة طبعا وده بيثبت فعلا ان اللى بيركب ستروين مش بيسيبها بيبفضل يطلع من موديل للى اعلىلا منه زيك انت اهو من زد اكس لاكسارا وانا من ايه اكس ل زد اكس:) انا سالته عليها برضو هو كان قدامه واحدة 2002 لونها اسود مانيوال اكسارا 2 قاللى ممكن تخلص 45 بس قاللى حاجاتها غالية ناااار وقالى فيها الكونترول يونت بتاع الموتور ب 7000فى التوكيل وعنده هو ب 4000 وساعات بيبوظ فعلا يعنى لو صادفت وباظ فعلا الواحد ممكن يجيلو ساكتة قلبية ولا حاجة:) وممكن لو حبيت وقت ما تيجى رايح كلمنى وممكن اجى معاك اهو اتفرج برضو:)
نمرتى 0105675976
هشام
على فكرة محرك Zx و Ax الـ 1400 هو بالظبط نفس محرك البيجو 306
انا السيارة بتاعتى Zx ججايبها تقريبا من 10 شهور وكنت راكب قبل كدة هيونداى اكسل 1500 و بعدها فيات اونو بس دلوقتى انا بعد ما جربت الستروين بحبها جدا بس نفسى فى كهربائى وميكانيى يكونو قريبين من حدائق القبة
فلتر الزيت بـ 10 جنية
فلتر البنزين بـ 10 جنية
اشاره الرفرف (الغمازة) بـ 20 جنية
فلتر الهواء بـ 15 جنية
صباع السلانسيه الكهرباء الى فى الكربراتير بـ 350 جنية
أوكرة الباب الداخلية بـ 50 جنية
انا معايا سيارة ستروين Zx واجهتنى مشكلة من شهر ان وانا ببقى ماشى بالسيارة وارفع رجلى من على بدال البزين سعات ينطفىء الحرك وساعات لا رحت لميكانيكى يرفعلى المحرك كام يوم وبيوطى تانى وrpm على السلانسية بحس انة مش سابت ساعات يبقى كويس وساعات بيوطى ورحت لميكانيكى تانى من يوم فك الكربراتير نظفة وظبطة بس المشكلة لسة موجودة حد يقدر يفدنى ايه هى المشكلة او يقلى على ميكانيكى ستروين كويس يكون من حدائق القبة او مدينة نصر او مصر الجديدة؟
بالنسشبه لموضوع ان المحرك انطفا لازم تغسل الكربراتير كويس والسبب ان اكيد البنزين لم يكن نظيف لقد حصل ذلك بالفعل معى وانا راجع من الاسكندريه عيد تنظيف الكربراتير و ادعيلى
فعلا نظفت الكربراتير وغيرت فلتر البنزين بس لسة المشكلة هجرب بقى افكة واروح لواحد بتاع كربراتيرات سمعت انة خلف سنما شبرا
على فكره لازم تغير البنزينه وتخليك متعود تخلى على الاقل 5لتر قبل ما تفول مره اخرى وعلى راى سواقين التاكسى بنزين فى التنك زى فلوس فى البنك .
وبالمناسبه ايه اخبار العفشه بتاعه zx لما باشد فرامل اليد وفيه حد جالس فى الخلف وهو نازل سامع صوت احتحاك حديد فى بعضه ياترى ايه السبب .
ولكن اناا اشتريت عربيتى منذ ثلاث سنوات وهى عربيه كويسه جدا وبحبها فعلا وقطع غيارها اصيله يعنى بتعيش لفتره طويله والحمد لله وكمان قطع الغيار متوفره واسعارها معقوله .
سعر الكاربراتير جديد صينى بـ 600 جنية
سعر أوكرة الباب الداخلية بـ 50 جنية
سعر الغمازة فى الرفرف بـ 20 جنية
سعر طاسة الكوتش بـ 35 جنية
هذه بعض الصور
المجموعة الثانية
ميكانيكي فشاااااار :pاقتباس:
اكسارا 2 قاللى ممكن تخلص 45 بس قاللى حاجاتها غالية ناااار وقالى فيها الكونترول يونت بتاع الموتور ب 7000فى التوكيل وعنده هو ب 4000 وساعات بيبوظ فعلا
انا ليه قريبي معاه اول اكسارا خرجت من المصنع في مصر... و الكنترول يونت محصلش فيه حاجه... ده غير انه موجود بكثره استيراد في بورسعيد.. و اكيد موجود في القاهره كمان. ده غير ان قطع غيار الاكسارا الجديده عموما رخصت كتير عن الأول و هيه فعلا عمرها طويل. انا شايف انها من العربيات اللي تعتبر صفقه ناجحه للي عايز يشتري عربيه مستعمله بامكانيات عاليه و سعر معقول.
طب فين المانيوال بتاع ال أيه أكس
أنا محتاج المانيوال ده أوى
1- تيل الفرامل
2- الردياتير
3- المقص
مجموعة صور
مجموعة صور
مجموعة صور 3
على فكرة يا جماعة انا اتعرفت على مكانيكى كويس جدا فى جسر السويس وممتاز أسمة أحمد أنى أو معاه واحد تانى اسمة بطيخة
رقم تليفون أحمد أنى 010820675
وهو أمين جدا وعندة قطع غيار أستيراد وجديد
الباور عندة بـ 1000 جنية
والكربراتير استيراد بـ 500
والدونجل الخلفى بـ 400
وجوز الكبالن بـ 500
والأكرة الداخلية للباب بـ 40
وطقم جلب قاعدة الفتيس جديد بـ 50 جنية
وطقم جلب المقصات جديد بـ 180 جنية
وتيل الفرامل بـ 55 جنية فاليو
مادام zx يبقى عين شمس و شارع احمد عصمت هناك اكتر ناس متخصصين في الستروين
محمد ( اسم الشهرة بطيخة) 0101035854
أحمد (اسم الشهرة أحمد أنى) 0108206750
مبارك 0103024572
انا معايا zx 1996 1.4cc بجد جامدة جدا و جنوط جديده و كاوتش بس ببيدعها علشان جبنا لانسر--لو حد عايز يشوفها
boora_93@hotmail.com// 0101323567
call me we bgd 7azzo 7elw elly 7aya5odha
شكرا جزيلااااااااااااااااااااا اااااااا
سعر المقص بالجلب والبيضه جديد لسه جايبة من نافع بـ 315 جنية
وسألت على المساعد الكداب (شداد مساعد) لقيتة جديد بـ 70 جنية
ده قطع غيار جديد والا إستيراد
ومكانة فين؟
عزيزي elghrory
خالص الشكر على جهدك
لكن لو تجمع الاسعار كلها في موضوع واحد يكون اكثر افاده
موضوع ممتاز