الموضوع: ملحوظة وبس

المشاركة الأصلية كتبت بواسطة ahmed.tv

وارد لو المصنع بينتج 100 الف فى السنة على سبيل المثال , انك تلاقى منهم 5000 مثلا فيهم اخطاء

حتى العربيات اللى جاية من الخارج والمستوردة فيها مشاكل احيانا

واحنا مش بنقول ان مفيش اخطاء وحتى النسبة الصغيرة دى لازم يتداركوها
وبيحاولوا فعلا يغيروا ويسمعوا للعملاء , وفى خدمة عملاء وشكاوى لنيسان , فعلا بتوصل الملاحظات دى

ويمكن التوكيل الوحيد المحترم فى مصر اللى بيهتم بعملائه جداااا وبيطور دايما فى نفسه

وان كان فى نسبة من العملاء مش راضية , لكن فى نسبة وشريحة كبيرة من الناس سعداء بالتوكيل جداا
ووارد الخطا فى التعامل او فى اى عمل , ولكن المهم متكنش كبيرة

انا عارف اى شخص وغصب عنه لو عنده مشكلة بيعبر عنها وهو منفعل
لكن صدقونى لو الواحد مسك نفسه فى لحظة انفعاله كل الامور حتتحل بيسر وساعتها وانت هادئ حتستطيع انك تحل مشكلتك وتاسر اللى قدامك , وتخليه متعاطف معاك لحل مشكلتك , وتقدر تشوف الحلول بيسر

لكن اى حد يعبر بعلو صوته وبغلط ويخرج عن النص والاحترام , استحالة حياخد حقه
ممكن لو يعلى صوته , لكن بدون غلط , لان لو غلط الموضوع حيزيد سخونة , وحتلاقى اللى حعيشمك ويخلع منك

اى نقد او حل لمشكلة لابد من حل وطرحه ونقده باسلوب هادى وفى السياق ومنحاولش ناذى مشاعر حد , بحجة عندنا مشكلة
ولما نلاقى حد بيتكلم عكس نقدك سواء بالايجاب او بالسلب وارد , ولازم تتقبله من غير ما تفتكر ان اللى داخل ده يهاجمك لان ببساطة مالوش سابق معرفة بيك
وكل ده لازم يتم ونطرحه تحت زى ما قولنا احترام مشاعر القارئ

القارئ بقا عاقل جدا , وبيحلل كمان احيانا فكر اللى كاتب الموضوع واسلوبه , ولو وجد اسلوبه خارج على النص وردوده على الناس او على نفسه بتاذى المشاعر , مش حيصدقه ابدا ولا حيقتنع بكلامه وبنقضه

احنا بنقبل اى نقد باسلوب هادى , وكمان بنحب نتناقش فى المشاكل فى حالة لو فى مشكلة حقيقية وعند نسبة كبيرة من ملاك العربية وثبت ده مثلا عشان نشوف الحل , ده اذا كان فى مشكلة عامة عند الكل زى ما قولت , واللى فى الموقع وبره الموقع بيشدوا من شعرهم منها , ومشكلة عامة وكبيرة عند كل الناس
ولو كانت مشكلة فردية بنحلها وبنقف جنب صاحبها كعادة قسم نيسان و اعضاء نيسان المحترمين فى موقعنا

الحمد لله عندنا قارئين كتير بيتوافدوا على موقعنا وقسمنا وبيحبوا يقرؤا للاعضاء ويستفيدوا من خبراتنا ومن نقدنا ومن كل موضوعاتنا

وكمان توكيلات ومراكز خدمة ومعارض كبيرة تبع نيسان بيتابعونا وبيتابعوا المواقع الكبيرة اللى زينا والحمد لله وياخدوا فكرة عن اللى بيدور فى السوق من خلالنا ,

ولو كان الحوار والتعبير فى الموضوعات متدنى , للاسف محدش حيسمعلنا لاى مشكلة موجودة فى حالة لو حبينا نوصلهم عشان نطرحها عليهم مشاكلنا

فى النهاية والمهم واللى حفضل اقول فى كل رد وفى كل موضوع وانادى بيه , وهو

حقيقى انى ماشوفتش ولاحشوف اعضاء زى موقعنا ابدا , من ترابط وود بينهم وحب لبعضهم ولموقعنا اللى ليه فضل كبير انه مجمع كوكبة محترمة زيكم

وليه الشرف انى اعرف 70% منكم , واتمنى اعرف كل الاعضاء بنسبة 100% لان ده شى يشرفنى ويسعدنى وده اللى يهمنى انى اكسب معرفتكم وصداقتكم فى الحياة , ويكون ليه اخوة مثلكم واقدر اخدمهم بقدر استطاعتى

والحمد لله على الصحبة دى ويارب يزيدها ونتجمع فى الخير دايما , ونقف جنب بعض على طول
وما يفرقنا اى حد دخيل كاره لترابطنا , ومش مقدر اللى احنا وصلنا ليه من ود وترابط بينا

وتقبلوا تحياتى

اخوكم فى الله
احمد مصطفى