السلام عليكم
معايا صني 2009 و جاللي شهر 3 / 2009 طقم فوجات صيني هدية من صديق ( حلاوة عربيتي الجديدة ) و كان طقم علي التركيب ( الفوجات + الضفيرة + زرار التشغيل + الوش بتاع الفوج ) و افتكر انه قال تمنهم حوالي 350 جنيه ساعتها
و كنت ايامها بتعامل مع يونايتد جروب الدراسة و علاقتي بهم كانت كويسة ( المهندسين اتغيرو و مبقاش فيه حد منهم دلوقت )
المهم ان الفوجات عندهم كانت غالية و انا عربيتي كانت مخبوطة من الأمام و بتتصلح و خليتهم ركبوهالي ( استثناء عشان مش بيركبو غير حاجتهم و الفوج عندهم كان صناعة الماني غالي اكتر من اللازم ) و اخدو 200 جنيه مصنعية تركيب + دهان الوش بتاع الفوج + ركبولي ذراع النور الأصلي بتاع السوبر صالون ( جبته بحوالي 180 جنيه من عندهم ) و مرضوش يركبو الزرار اللي في التابلوه ( المهندس ساعتها فهمني ان فيه مكان جاهز في الضفيرة لتركيب كلبس الفوجات و موجود في الوحدة اللي تحت الدركسيون ) و هنا الملاحظة و الله اعلم ان مهندس الكهرباء في التوكيل ايامها قاللي ان ممكن الكهربائي لو مش فاهم ياخد كهربا من مكان غلط يعمل قلق في كهربة العربية أو تحميل علي فيوز مش مجهز لكدة
و كمان النصيحة لله نور الفوجات بيكون عادة 50 وات كل لمبة و بالنسبة لي كافي عشان يظهر الطريق بدون فتح النور المتوسط بتاع العربية لأنه جامد و بيضايق العربيات المواجهة و كمان لو ركبت لمبة 100 علي الدواية المخصصة لل50 وات ممكن الدواية تسيح أو تقفش مع البلاستيك ( خللي بالك برضه انه صيني !! )
و كمان لو ركبت زينون ده شيء ممتاز بس ياريت تخللي الكهربائي يركبلك العدسة بتاعته ( هو حيقولك انها بتقلل النور و ده مش مضبوط ) لأن العدسة دي بتخلي الأضائة مضبوطة و بتمنع الأنبهار للسيارات المقابلة , الشباب بيشيلها عشان يعمي اللي قدامه مش عشان هوه يشوف , محدش متصور ان السيارة المواجهة ممكن تلبس فيه وش في وش بسبب العمي اللحظي اللي بيسببه النور المبهر تفقد السائق في السيارة المواجهة القدرة علي التركيز و حساب المسافات
المفضلات