امبارح حصل معايا موقفين لحد دلوقتى مش لاقى ليهم مبرر لانى عمرى معملت كده مع حد هنا فى المنتدى


ايه رأيكم فى حد لما تروح لحد عنده مسافه اكتر من 250 كيلو وهو عارف انك جاى ومتصل بيه قبلها بساعات
وتروح لحد عنده تتصل بيه تلاقى تلفونه مقفول وتبعتل رساله ميعبركش لحد دلوقتى
والتانى تتصل بيه تلفونه يرن يرن وفى الاخر يتقفل برضه ولحد دلوقتى معبرنيش

انا عمرى متأخرت على حد سألنى او طلب منى حاجه حتى لو فى رساله خاصه او على صفحات المنتدى مش راجل جاى لحد عندى من سفر وواخد منى ميعاد عيب اوى بصراحه
وانا مكنتش رايح اشحت من حد انا رايح اشترى حاجه وان كانت الحاجه دى صغيره بس فيه كلمه رجاله واتفاق وميعاد وتلفونات

وعلى العكس تماما امبارح برضه اتعمل معايا الواجب
وقابلت اخونا smsm_cato وراجل بصراحه قمه فى الاحترام والواجب
ولقيته فتح شنطه عربيته وجايبلى معاه حاجات كانت عنده من ايام مكان معاه ال 128 وادهالى من غير مياخد اى مقابل او مليم
وفضل واقف معايا لحد مطمن انى ركبت للمكان الى عاوز اروحه لانى مكانش معايا العربيه ومرضاش يسبنى رغم انه اتأخر على ميعاده
بصراحه كتر الف خيره وشكرا جدااا ليه وربنا يقدرنى واعمل معاه الواجب فى يوم

واخونا صبحىfunnymickey برضه كلمته اكتر من مره عشان يوصفلى ازاىاوصل للمكان الى كنت عاوز اروحه وعمل معايا الواجب الف شكر ليه



مش عارف اقول ايه بصراحه غير شكراااااااااااااا