هام جدا جدا عشان ضغط الكاوتش في الصني
ضغط الكاوتش في الصني
انا كنت في مدينة نصر اول امبارح و قولت اعدي علي كالتكس اللي في عباس العقاد عشان اظبط الكاوتش نيتروجين و طبعا هناك مقاس كاوتش دجيتال
تخيلوا يا جماعة لاقيت كل فردة بمقاس يعني اللي قدام لاقيتهم 39 و 37 و اللي ورا لاقيتهم 27 و 32
خليت الراجل يفضي الكاوتش خالص خالص و خليتوا يملأ نيتروجين من الاول و خليت الكاوتشات امامي 36 وورا 33
النتيجة
العربية دريكسيون مرتاح جدا و ثابت و في المنتصف بالظبط و كمان العفشة هادية جدا و مش بتدب خالص خالص و العربية ثابتة و جميلة
يا جماعة اللي انا لاحظته ان المقاس اللي بالامبير بيكون غير مظبوط بتاتا اما الدجيتال بيعطيك المقاس اللي انت عاوزه بالظبط
في حاجه تانية ان لو فردة اقل من فردة بحاجه بسيطة هتلاقي ان العربية بتحدف معاك من ناحية الفردة الاقل
حبيت انقل التجربة عشان كلنا نستفاد
بنزينه كالتكس فعلا فى عباس العقاد
اقتباس:
المشاركة الأصلية كتبت بواسطة atefadel
ممكن اسأل حضرتك
هي دية البنزينة الي واخدة ناصية عباس العقاد مع مصطفي النحاس
اصلي عاوز اضبط الكاوتش
لحسن من ساعة ماعملتة36 و33 العربية بقت بتحدف
فاكيد العداد بتاع الراجل مش مضبوط
انا ساكن خلف مطعم البرج والصيدلية في ولاية عين شمس
فا معرفش حاجة في م نصر
اهلا بيك يا باشا وبكل اهل عين شمس...انا جار ليك فى شارع العشرين وبتعامل مع بنزينه كالتكس اللى انت تقصدها وهى فعلا تقاطع عباس العقاد مع مصطفى النحاس وافضل طريق تروح منه هو انك تكون جاى من عباس العقاد من اوله من عند الاتوستراد وتكمل لحد الاخر وهتلاقى البنزينه على يمينك.