الموضوع: هام جدا جدا عشان ضغط الكاوتش في الصني

اولا انا بتأسف للجميع علي تأخيري للرد في الموضوع و ده لأني الايام ديه بحضر ليكوا مفاجاءات اخر حاجه هتعجبكوا اوي و كل النيسانوية هيتبسطوا منها


بصوا يا جماعة في حاجه مهمة جدا عايز انوه عليها و هي ان المقاس الدجيتال هو الافضل دائما ً و المقياس الصحيح لظبط الكاوتش و هتفرق كتير جدا جدا جدا مع سواقتنا بعكس المقاس اللي بالمؤشر مش بيكون مظبوط خالص او علي الاقل مش هيعطي المقاس السليم بنسبة 100%

الحاجة المهمة جدا جدا و هي معلش لازم اللي عايز فعلا يسوق عربيته النيسان و يحس بيها صح ... يروح علي بنزينة كالتكس اللي في شارع عباس العقاد تقاطعه مع شارع مصطفي النحاس و جوا البنزينة توكيل بريدجستون و مقاسهم الدجيتال صح 100%
فمعلش كل واحد هيتعب و يروح و يظبط المقايييس علي 36 قدام و 33 ورا و مش هتندموا بس في نقطة و هي العربيات اللي قبل 2009 علشان عفشتها مش رياضية فأنا هكون متخوف من الارقام ديه ليها فأنا برجح ان تملا نيتروجين لكن الارقام اللي علي القائم
و اي خدمة

المشاركة الأصلية كتبت بواسطة mema75

السلام عليكم
ايه ياشباب هو اخر كلام في المقاس 33 و36 يعني نغير من 32 و29 الي المقاس ده ولا ايه بالظبط انا معايا صني 2008 ex

لو حضرتك عفشة رياضية يبقي ادخل علي الارقام 36 امامي و 33 خلفي

المشاركة الأصلية كتبت بواسطة أحمد علاء

بيشوي نقل تجربة يشكر عليها

وبقي التنبيه ان اي قراءة لضغط الإطار والإطار غير بارد لا تكون حقيقة أبدا علشان لما تمشي بالعربية الكاوتش بيسخن فضغط الهواء بيختلف.
علشان كده نصيحة الي عايز يعرف ويضبط ضغط العجل قبل ميتحرك بالعربية يجيب مقاس ضغط عجل من ابو الجوخ او شارع الجمهورية في انواع من 15-60 جنية علشان دائما ابدا مقاس الضغط عند بتوع الكاوتش بيكون مش مضبوط (برجيستون بيعملوا معايرة للأجهزة بصفة دورية بس ميخسرش انك تمشي بالمقاس بتاعك) اكثر حاجة تبوظ المقاس انه يقع منك على الأرض وده السر ان أغلب بتوع الكاوتش المقاس عندهم بايظ.

العفو يا باشمهندس احمد
و طبعا اللي اعرفه انك مش بتكتب معلومة الا لما بيكون عندك مرجع ليها زي ما كنت كاتب في توقيعك من قبل عشان كده بقول للناس انهم يفضوا الكاوتش خالص لما يروحوا لكالتكس و يملؤه نيتروجين من الاول زي ما انا عملت و كمان يا جماعة اللي هيشتري مقاس للكاوتش في نوع محترم جدا بس معرفش سعره و هو "شريدر" و هو موجود في توكيل ميشلان و ممكن نلاقيه في ابوالجوخ بس اهم حاجه اننا نجيبه دجيتال دجيتال دجيتال علشان يعطي قراءة صحيحة 100%

المشاركة الأصلية كتبت بواسطة atefadel

ممكن اسأل حضرتك
هي دية البنزينة الي واخدة ناصية عباس العقاد مع مصطفي النحاس
اصلي عاوز اضبط الكاوتش
لحسن من ساعة ماعملتة36 و33 العربية بقت بتحدف
فاكيد العداد بتاع الراجل مش مضبوط
انا ساكن خلف مطعم البرج والصيدلية في ولاية عين شمس
فا معرفش حاجة في م نصر

اكيد فعلا يا استاذ عاطف اللي عملك الكاوتش مقاسه غلط 100% و الدليل ان العربية بتحدف و من اسباب الحدفة ديه هي ان في ناحيه اقل من الناحية التانية زي ما كان بيحصل معايا و فعلا العنوان زي ما حضرتك اشارت ليه و اي خدمة