هـل سيترويـن AX حقن إليكتـرونى - ما معـدل إستهلاك البنزيـن - أسعــار قطـع الغيــار

**Ahmed Hamdy** · 19-08-2007 05:28 PM

سلام عليكم ..
عندى بعض الأسئلة عن الستروين AX
هو موتورها حقن الكترونى ولا لأ ؟؟
ومعدل استهلاك البنزين فيها ايه ؟؟
وقطع غيارها غالية ولا لأ ؟؟
وياريت أمثلة لأسعار قطع الغيار ..
معلش اصل انا بفكر اشترى العربية دى وعايز أعرف عنها معلومات كتير ..

ِشكرا
أحمد حمدى

**Ahmed Hamdy** · 26-08-2007 11:46 AM

يا جماعة محدش بيرد ليه على الاسئلة دى ؟؟
محدش عنده AX ولا ايه ؟

**Nader** · 26-08-2007 11:56 AM

هو موتورها حقن الكترونى ولا لأ ؟؟

لا موتورها كربياتير

ومعدل استهلاك البنزين فيها ايه ؟؟

بالنسبة للـ1400cc يعتبر عالي شوية، بس مش اوي

وقطع غيارها غالية ولا لأ ؟؟

هي دة مشكلتها الكبرى، دة لو لقيت ليها قطع الغيار اصلاً "انا بتكلم عن الجديد مش الاستيراد".

**Ahmed Hamdy** · 27-08-2007 12:46 PM

طيب فين بتتباع قطع الغيار بتاعتها ؟؟
انا أعرف التوفيقية وشارع دمشق ..
موجودين هناك ولا فى محلات معينة فى مناطق تانية ؟؟

ولو تفتكر أسعار بعض قطع الغيار اللى انتى اشتريتها يبقى شئ جميل ..

شكرا ..

**wlng76** · 02-09-2007 03:32 PM

أنا كنت ناوى اشترى العربية دى بس كتير أكدولى ان قع غيارها غالية, ودا طبعا مقارنة بعربيات أغلى منها فى سعر السوق, وكمان مفيش منها نضيف الا قليل, لكن لو عربية نضيفة قوى و 1400 واساساتها سليمة وكل حاجة فى مكانها والتابلوه شغال وضفيرة الكهرباء مش ملعوب فيها بالإنذار والكلام دا وفى حدود 25 تكون عربية ممتازة ومش خسارة فيا الفلوس.
بالنسبة لقطع الغيار انا سمعت انها بتتباع فى التوفيقية عند امير وجوزيف.

**fouzei** · 01-11-2007 07:45 PM

يا جماعة العربية AX و ZX زي بعض تقريباً وهم عربيات محترمة جداً وقطع غيارها موجودة واسعارها معقولة
انا كان عندي ZX ولية بايعها من اسبوع علشان محتاج حاجة حديثة علشان ظروف الشغل عندي لازم يكون معايا عربية حديثة علشان مقابلات العملاء
المهم العربية دي قطع غيارها موجودة في التوفقيقية عند امير وجوزيف و مجدي اسحق وموجودة في شارع البحر الاعظم بالجيزة عند الفراعنة (اما القرية الفرعونية) ودة اقل واحد في الاسعار وبعدية اسحق واغلى واحد امير وجوزيف
مثال لقطع الغيار,
الفانوس الامامي 160
بلية العجل الامامي 110
كوبلن جدبد 1100 واستيراد 500 و راس كوبلن بس اشتيراد 220
كونتاك كوري 95 - فرنساوي 200
مارش استيراد 250
مشط اليكتروني 185
ذراع النور والكلاكس 180
اسطوانة دبرياج 300 تقريباً (مش فاكر بالتحديد)
قاعدة فتيس 60
دة اللي انا فاكرة والاسعار دي كلها كانت خلال السنة دي 2007

**habdelbar** · 07-02-2008 02:40 AM

انا باييد كلام speed demon اوى. وانا برضو فى نفس الظروف لولا انى مضطر انى اجيب عربية اكبر ما كونتش بعتها وبرضو جبت ستروين بس زد اكس :)
انا بس فى راى هيا عايزة ح يكون بيحب السواقة عشان يعرف قيمة العربية دى بجد لو سوقت العربية دى وكانت نضيفة وظبوطة مش هاتعرف تسوق كورى تانى فى حدودو المعقول طبعا لكن مثلا الالانترا والماتريكس والحاجات دى اكيد احسن منها طبعا لكن فى حدود مستواها زى الاكسنت والاكسيل.

هشام