لو رجع بيك الزمان تانى هتكتب اول رغبة طب ؟
ولا هتغير رايك مثلا وتكتب اسنان او صيدلة او هندسة
قول رايك بصراحة
قول اللي في قلبك كله وماتكتمش حاجه :36_3_10[1]:
عرض للطباعة
لو رجع بيك الزمان تانى هتكتب اول رغبة طب ؟
ولا هتغير رايك مثلا وتكتب اسنان او صيدلة او هندسة
قول رايك بصراحة
قول اللي في قلبك كله وماتكتمش حاجه :36_3_10[1]:
كنت هاكتب هندسة واتحصص ميكانيكا سيارات
بس برضه مجموعي مكانش هيدخلني
للاسف مجموعى مكانش يجيب الكليه اللى كنت عايزها
صدقني دخلت الكلية الفنية العسكرية غصب و إقتدار :patch2: (على رأي اللمبي)
فرقت معايا 0.1 % = 0.5 درجة على كلية الهندسة سنة 80 ، سبحان الله دفعة 79 و 81 دخلوا هندسة بأقل من مجموعي سنة 80
انا فضلت فيها 3 سنين
والحمد لله كنت بنجح برضووو ..بتقدير مبلووول
هههههههههههه
وحولت منها ...إتأخرت شوية أه
بس لحقت نفسي
تعرف
هما الأهل بيفرحوا بكلمة ""كلية الطب"" بعد ثانوية عامة..من غير مايعرفوا إنها مصيبة
ولله الأمر
اكيد كنت هختار طب و اسيب صيدلة رغم ان كان بإمكانى دخول طب وانا الى رفضت, الاسباب كتيرة عندك مثلا
نظرة المجتمع للصيدلى اصبحت لا تساوى تعب الثانوية العامة و بهدلة الكلية 5 سنوات ( عالاقل) ، عكس طب لان خريجى طب لهم نظرة خاصة من المجتمع حتى لو كانوا عاطلين عن العمل
طبيعة مهنة الصيدلة صعب جدا التميز فيها الا بالخصومات و الهدايا للعملاء , عكس طب التميز يحتاج مهارة و حرفية من الطبيب لا ان يتنازل عن جزء من دخلة
مهنة الصيدلة مليئة بالدخلاء من كل مكان و يتحكم فيها صاحب رأس المال اى كان مجال عملة الاصلى فممكن ان تجد صيدلية صاحبها جزار او ميكانيكى مثلا مما تسبب فى سؤ سمعة الصيادلة عموما
حتى مجال عمل الصيادلة فى شركات الادوية اصبحت المنافسة فية بين الصيادلة و جميع خريجى كليات و معاهد مصر مع تفضيل شركات الادوية لاى خريج من اى كلية ماعدا الصيادلة !
نقابة الصيادلة فى نوم عميق و اتحدى ان يعرف اى شخص ( خارج مجال الطب) من هو نقيب الصيادلة , اما نقيب الاطباء د حمدى السيد فهو اشهر من نار على العلم
أنا دخلت حاسب الى نظم معلومات
كان نفسى أدخل أقتصاد و علوم سياسية و أنا صغير بس للأسف لما كبرت عرفت إنها مالهاش لزمة بالنسبالى (طبعا معظمكم عارف السبب ليه) لأنى كدة كدة هبقى عوطلجى و لما كبرت شوية قولت ياض ممكن تدخل هندسه ميكانيكا بس لقيت إنها فكرة عجيبه عندنا فى البيت و حسسونى أننا هدخل صنايع و أحبطونى جدا منها بعد كدة دخلت فى الثانوى أدبى و قولت طلاما أنا أدبى يبقى هدخل حربيه طبعا سقطت فيها و فى النهايه كان مجموعى فى الثانوى يضحك أساسا لدرجة أنى مش فاكرة ولا عايز أفتكره المهم يعنى سبحان الله أنا الوحيد إلى عندى أحساسين غير بعض خالص
مش ندمان على دخولى حاسب الى نظم معلومات ولا فرحان بيها
محدش يعرف يحلل شخصيتى أنا ليه كدة ؟؟؟
مش انت لوحدك الي نفسك تكون في مكان غير الي انت فيه
دي طبيعة الانسان دايما باصص للش مش في ايدة
انا مثلا لو رجع بيا الزمن هختار كلية تانية كليتي " تجارة " هختار كلية اصعب
لان الي انا فيها مسببالي وقت فراااااااااااااااااااااغ رهيب
و وقت الفراغ دة مفيش اصعب و اوحش منه
كله أكل عيش
يعني
الطبيب أو الصيدلي
الإتنين بيتقال لهم يادكتور
بس الطبيب لازم يفضل يذاكر طوووول عمره
الصيدلي لأ
الطبيب لو أخد أجازة..دخله بيقف
الصيدلي لأ
الطبيب عنده عامل الريسك كبيررر
الصيدلي لأ
الطبيب بيتعب لحد مايعمل سمعة كويسة علشان يقدر يكون له دخل كويس
الصيدلي لأ
بيفتح الصيدلية...ويكبرها ..وبتشتغل
لو رجع بيا الزمن لاعدادى هندسة هختار اتخصص عمارة او مدنى
انما ميكانيكا لالالالالالالالالا
ولو رجع بيا الزمن لبعد الثانوية العامة كنت دخلت تجااااااااااااااااااااااا اااااااااااااااارة كان زمانى متخرج وعايش حياتى بدل الفقر دة
جيت على الجرح يا دكترة
انا نازل كمان شوية عندى امتحان تحليل اجهادات :((((
مش احسن من هندسة اللى مبتلاقيش فيها وقت اساسا
مع فرق المكان اللي إنت ممكن تمارس فيه الطب..أنا فخور كوني دكتور ...دة الواحد نظرته بتتغير في إختياره لأكله وشربه ونظرته للتدخين ولأي حاجه ضاره ليه أو لصحته أو لصحه الناس اللي حوله وبيعالجهم .كفاية انك تقرب من جمال وإبداع الخالق لفهم خلقته ..واللي احنا لسة موصلناش لحاجه فيه ..أقولك حاجه روح اتفرج على عملية قلب مفتوح ..بلاش تساعد فيها أو تمسك مشرط . اتفرج على قلب انسان مفتوح و- بتغير له صمام والدم بتاع الجسم كله بيعدي في المكنه بتاعه ال- lung heart machine بص أنا عارف إن ممارسه الطب في مصر صعبه ومحبطه..كفاية قله وإنعدام إستخدام التكنولوجية من حيث الاشاعات والتطورات ديه بيخلي أعظم الدكاتره مايعرفش يشخص خالص ..بس لو بتكلم على الطب نفسه يا أمير ..أنا مش معاك
لو رجع بيا الزمن كنت عملت المستحيل و حولت هندسة إتصالات بدل مدني
والله يا احمد بجد دراسة خرق الدم والضغط النفسي فيها كبير وطول الوقت مفيش راحة تخيل انا بمتحن من يوم 27/11 لغاية دلوقتى :((
صعب جدا انا مبتسحملش المناظر دى ابدا
هتلاقينى نايم جنب المريض فى الحالة دى :)
مدنى من اجمل واسهل الاقسام
خليك مع مدنى تكسب :)
انا لو رجع بيا الزمن مكنتش كملت تعليم فى مدارسنا وكنت كملتو فى البلكونة بتاعتنا وسط معداتى الخاصة (اللى هيا عند ماما زبالة وانا مزبلها الشقة) والله انا زعلان على الوقت اللى عدى.
انا دخلت علوم وبعد مدخلت الكليه بشهر اكتشفت ان مجموعى يدخلنى المعهد العالي للتكنولوجيا ببنها وطبعا كان نفسي ادخله
بس الاهل بقا انت لازم تبقي كيميائي
(هندسه فرقت معايا علي نصف درجه)
بس نرجع ونقول الخيره فيما اختاره الله ادينى دخلت علوم وفي الاخر اشتغلت مهندس
هههه يا دكتور قريت العنوان افتكرتك بتتكلم على المدام
ودخلت اجرى بسرعة علشان اكتب "ايوه يا فندم حختارها طبعا هو انا ليا غيرها" محدش يعرف يمكن الرقابة توصل للمنتدى كمان
هو انا صحيح مش مرتاح في الكلية ولا القسم "الدكاترة مطلعين عينينا"
بس لو رجع بيا الزمن كنت هدخل هندسة و اتصالات برضو
هي يمكن الكان ممكن اغيره اروح هندسة تانية غير الجحيم ال انا فيه دا
السلام عليكم
فى البداية انا مش طبيب ولا عمرها كانت من طموحاتى قبل الثانوية العامة ولكن انا بعتبرها من اجمل الاعمال لان بفضل الله بتساعد فى تخفيف الام الناس واعتقد ان اى دكتور يكون فى قمة السعادة لما يشوف اثر ايجابى للعلاج على مريض وبنسى اي تعب شافه وكذلك اى عمل يرى اسره المباشر في اسعاد الناس وتخفيف اعبائهم
انا مجال دراستى وبحثى هو علوم الحاسب وقد اخترت مجال تحليل الصور الطبية لاواصل ابحاثى فيه وما اتمناه ان ارى التطبق الفعلى لهذه الابحاث
فى النهاية اسألكم الدعاء لان المناقشة النهائية لرسالة الدكتوراة الخاصة بي يوم الاثنين القادم
لو رجع الزمن
كنت هدخل جامعه خاصه من الى هى نص نص ..زى السلاب و الدلتا و النيل ...اسهل من الى انا فيه بكتيييييييير وكلو بينجح ...بلا اداب بلا زفت
كنت دخلت حقوق علشان بجد تعرف تتعامل مع الى بالى بالكم:36_2_33:
أما أنا بقى لو رجع بيا الزمن
فكنت اخترت إن ما جبش مازدا:d:d:d:d
السلام عليكم و رحمة الله و بركاته
أنا بأه كنت جايب مجموع يدخلنى كووووووووووووول الكليات اللى فى مصر و يمكن فى شمال أفريقيا و طبعا, غلطت الغلطة المعهودة اللى كتير من الناس بتقع فيها و دخلت طب و أنا دى مش ميولى خالص لأنى لعبى و مش بتاع مذاكرة و بالتالى كانت فعلا أسوأ أيام حياتى و أنا فى الكلية , كانت كابوس و كانت فعلا الحياة مالهاش طعم عندى خالص و كنت حاسس بالحسرة و الغم عالطول طوال ال6 سنين لأنى كان نفسى أخش هندسة مدنى لأنى بحبها أوى , بس والدى -الله يرحمه- اللى هو كان أستاذ فى هندسة, ماوافقش على أساس أن المتخرجين الجداد مابيلاقوش شغل و كده .
الحاجة التانية اللى بقولها لأى حد فى جامعة مصرية و اوعى تعتقد أن نهاية المطاف أنك تتخرج من الجامعة دى و لا حتى أنك تاخد ماجستير و لا دكتوراة منها , لأن بكووووووووووووول بساطة, الجامعات اللى عندنا دى , الشهادات بتاعتها ماتسواش حتى بوستر لأغنية جديدة لنانسى عجرم.
و أى حد معاه امكانيات مادية و مرتاح و الأمور مبشبشة معاه, ياريت يشوف جامعة أجنبية -مش جامعة خاصة و السلام زى السلاب و الدلتا و 6 أكتوبر و الكلام ده- من الجامعات اللى فى مصر يتعلم فيها, عندك الفرنسية و البريطانية و الكندية و الألمانية و الروسية, يعنى أنا فيه واحد صاحبى أخوه الصغير لسه مخلص ثانوية عامة السنة اللى فاتت و قدم فى كلية الصيدلة بتاع جامعة الأهرام الكندية , يا سلااااااااااااااااام , لما تبقى متخرج من كلية الصيدلة بتاع الجامعة الكندية و لا الألمانية و شهادتك معترف بيها فى جميع أنحاء العالم, أنتوا عارفين الصيدلى بيعمل كام فى كندا فى السنة , من 60-80 ألف دولار فى السنة و ده مابيعبرش أمله هناك و لا حاجة, باشا و الله العظيم .
انا معاك ان مذاكرة الطب صعبه وان احنا اتحملنا كتير اوي اثناء الكليه واثناء الماجستير وادينا مطحونين في تحضير الدكتوراه ولكن الناتج النهائي بانك تبقى دكتور شاطريساوي كتييير ..
وانا في رأيي ان اللي يدخل كلية الطب ميفكرش في الربح السريع ولكن هو زي اللي معاه حبوب قمح ممكن يطحنه وياكله في يوم ولكن لو صبر ممكن يزرعه ويطلعله محصول يكفيه سنين....
والارزاق بتاعة ربنا يعني مثلا لو مكتوبلي اخد 1000 جنيه في الشهر هاخدهم في الصيدله او في الطب وبالتالي لو انت بتحب مهنة الطب وتخفيف الام الناس يبقى توكل على الله وربنا هايكرمك ويديك اللي نفسك فيه.
فنون جميلة قسم عمارة هى أحسن الطرق وأسهلها للوصول للقب مهندس الشغل فى كلية زى فنون جميلة حاجة ممتعة كانت اجمل أيام وطبعا العمارة انا اعتقد إنها العمود الفقرى لأى حضارة عظيمة وانا فخور ودايما بحمد ربنا على النعمة ديه
حاااااااااااابيبي زميلي ف مجالي تشرفت بمعرفت حضرتك:satelite:
وأنا والله جه ف دماغي نفس إللي جه ف دماغ حضرتك
أيوووون هوا ده المطلووووووب
والله ياجماعة الإختيار ده مش بإيدينا
ده بإيد الحكومة وبإيد ربنا فالأول طبعآ
أنا جبت فثانوي 94.6% وكنت علمي علوم وكان نفسي أدخل صيدلة
بس حسيت فيه ظلم في درجاتي وعملت إعادة تصحيح فالعربي والعك ده
وطلع ليا 6 درجات وعيشوني فالوهم ومأخدتش حاجة ولا المجموع زاد
مجموعي يدخلني كان طب بيطري بس قرفت منها الصراحة
الكلية ريحتها وحشة:36_2_33:
فدخلت علوم كيميا والحمد لله نزلت ف أول سنة لأني كنت أبيض
وآديني الحمد لله دلوقتي ف 4 علوم كيمياء
وإدعوللي ربنا يعدي الترم إللي فاضل ده علي خير
الحاجة الوحيدة إللي محيراني
أنا مش عارف الناس لما بتيجي تندهلي
يا دكتوور يا بشمهندس ماتثبتلكم علي حاجة
وأنا ولا محصل دي ولا دي :))
لو دلوقتي ولو بعد مليون سنة كنت هندم..ولا تزيدني الايام سوي كرها في الطب ونفورا منه
وللاسف ورق الرغبات دي اساسا مشفتهوش تقريبا
الحمدلله عند رأيي ولو مر مليون سنة برده كنت هكتب إعلام
اعتقد بعد معاناة والدتي معايا هي اللي تتسأل السؤال دا..ومتهيألي انا كرهتها في الكلية بما فيه الكفاية انها كانت هتشجعني ادخل اعلام وقتها
اييييييييييييي دونيااااااااااااا...قلبتوا علواحد المواجع
معاك حق...مشوار الطب عايز نفس طوييييل و عايز واحد مستريح شوية ماديا مش مستعجل علي الفلوس و لازم يكون عنده استعداد يفضل يذاكر طول عمره و يدخل امتحانات حتي بعد ولاده ما يكبروا و يدخلوا المدرسة و يشوفوه و هو قاعد يذاكر زيه زيهم http://www.nilemotors.net/Nile/image...102%5B1%5D.gif
انا متخرج من كلية الطب من 9 سنين و أثناء الدراسة في الكلية و بعدها كنت ساعات كتير العن اليوم اللي دخلتها فيه خصوصا في سنة ستة لما كنت لسه طالب باخد مصروف و زمايلي في تجارة و هندسة بيشتغلوا و يقبضوا مرتب
بس مع مرور الوقت و السنين و خصوصا الفترة الصعبة في الأول بتبدأ واحدة واحدة تجني ثمار التعب و ده في صورتين...اولا صورة مادية ثانيا صورة معنوية لما بتقدر تعالج عيان و تخفف ألمه و يدعيلك
و رغم كده لما أنظر لبنتي و ابني و افكر في مستقبلهم باشفق عليهم من المشوار الصعب ده و أقول يا ريت ياخدوا اي سكة تانية اسهل و اقصر شوية
بص على توقيعي يادكتره
انا كنت بدرس صيدله في الاردن معزز مكرم وكنت بحبها جدا
ولو لا ان ربنا اختارلي الطب هنا مكنتش دخلته!!!
اهم حاجه ترضى بصلاة الاستخاره ونتايجها
واديني خلصت النهارده اخر امتحانات
ياااااااااااااااااااااااه
الله يرحم ايام الشقا....
الحمد لله على كل حال
تحياتي
ايه دا يدكتور...قصر عيني؟؟؟
كان نفسي احضر حفلتكم النهاردة...بس زوغت ملشغل ومستخبية ف بيتنا
والله انا شايف من طب لصيدلة يا قلبى لاتحزن كله مالوش لازمة فى مصر والدليل المرتبات اللى الحكومة بتديهالنا ومحدش يقول دى مرتبات حكومية لان فيه جهات كتير مرتباتها اعلى مننا بكتير ......لكن زى ما قال الزملاء للاسف ضغط الاهالى بقى هو كان المحرك الرئيسى ايام ثانوى.....انا عن نفسى كان نفسى فى الطيران المدنى بس للاسف نظرى ماكنش 6/6 و بعد الطيران كله كان عندى برتقال وبصراحة لانى ماليش خلق افضل اذاكر طول عمرى اخترت صيدلة بس اللى انا متاكد منه طب صيدلة اسنان كله برتقال فى مصر..
ايه كمية التفاؤل دي
حد هنا ساكن ف دور عالي؟؟؟
استلف بلكونته...لحسن احنا دور تاني ومعتقدش هيحصل لي حاجة لو نطيت O_o