الف شكر ليك ياكبير
عرض للطباعة
الف شكر ليك ياكبير
حاول تشوف رأي الدكتور شريف المنسي أبتداء من المشاركة #178 رأي يستحق الأضطلاع وأتفق معاه
العملية ليها أثار سلبية
أنا عاملها من 3 سنين ورغم أن نظري لغاية وقت قريب 6/6 مش متأكد دلوقتي بس عمري ما أستريحتلها
وناس كتييييير من الي أعرفهم بيأكدوا كلامي
انا يوسف طالب بكلية الطب القصر العيني - الفرقة الرابعة انا عندي راوند رمد في الشهرين الحاليين
و اتمكلمنا مع اكتر من استاذ دكتور في العملية ديه وقالو التالي
1- العملية تعتمد على مدى حداثة الجهاز مش علشان العملية نفسها علشان جميع الاجهزة متقاربة الدقة وانما مضاعفات ما بعد العملية من الم و غيره لكن ليس بالالم الشديد
2- انه في حالة ان حضرتك لو كنت درجة نظرك مش وحشة اوي يعني لغاية -6 نظرك هيرجع سليم 100 % واذا كانت نظرك اسوء من كده برده هيرجع 100% سليم ان شاء الله بس بعض التقارير اثبتت ان اقل من 1% من الحالات الي نظرها مثلا -9 بعد العملية ممكن ان لا تكون 100 % وانما قد تصل نسبة عيوب الابصار الى 5.% وديه نسبة لاتؤثر في حياة الاشخاص العاديين
3- ان العملية تعتد على سمك القرنية وفي دكاترة بيقولو حتى لو سمك القرنية اقل من المعدل الطبيعي فانهم برضه بيعملو العملية وبتبقى بنفس الكفاءة لكن يصاحب بعد العملية الم شديد و الدكتور بيكون عارف كده وبيصرف الادوية اللازمه للقضاء على الالم
4- العملية لو فهمتها من الناحية الطبية غير معقدة اطلاقا لكن تحتاج الى اجهزة فقط وهنالك تدخل بيد الجراح لكنه ليس يعتمد اعتماد ينسبة 100 % على مهارة الجراح يعني مش لازم يكون اسم لامع وكبير ومجعلظ يعملهالك ز التدخل بتاعها بسيط جدا وكل الشكر في هذه العملية يوجه للجهاز وليس الطبيب
5- حضرتك احب اقولك ان النظر بيثبت بعد سن 18 سنة واي تغير سريع في هذا الثبات لابد من التأكد منه قبل العملية
6- انا نفسي هاعمل العملية ديه بس في اخر السنة ان شاء الله ونسبة سوء النظر عندي - 1.75
7 -انا قولت ادخل اقول لحضرتك اللي انا عارفه بحكم اني بدرس الكلام ده فهبقى عارف انا بقول ايه ووالله انا فاتح كتاب قسم الرمد قدامي وكتاب الكورس كمان و بدور على اي مضاعفات مش لاقي غير اللي انا ذكرته .
اخيرا بقى انا عايز اعتذر لكل رجالة نايل موتورز على عدم مشاركاتي الكتير او المعدومة لكن بحب اقر كل الردود بتاعتكم في اي موضوع وذلك لاني من النوع اللي بيخلط الهزار في اي حاجة واغلبية المواضيع بتبقى عايزة ردور محترمة و شافية ووافية
وشكرا
yse ممكن طيب تقولي ليه نسبة كبيرة من الدكاترة ألي بيعملوا العملية لابسين نظارة!!!!!!!!!!
تسألهم يهربوا من السؤال
انا اقول لحضرتك يا otefa باشا ليه
علشان الاحتمال اللي انا ذكرته اللي هو ان النظر ممكن يقل بنسبة واحد في المية من الحالات و تبقى نسبة النظر
سالب نص في المية هي نسبة اي كلام للاشخاص العاديين ولكن لشخص بيشتغل جميع العمليات بنمظار وهما دكاترة العيون هتفرق معاه لا اكتر ولا اقل و شكرا
الحمد لله والفضل لة .. انا عاملها من 6 سنين ومفيش اى مشاكل
ومكنش فى وجع ولا حاجة
واستخدمت القطرة اسبوع ورميتها
وكنت عايش حياتى عادى من تانى يوم العملية و اخدت العربية وسافرت (بالليل) تانى يوم
المشاكل
اول 6 شهور حتحس بزغللة فى الاضاءة الضعيفة ذى عواميد النور الصفرا
والزغللة دى بتعتمد فى مدة وجودها على اساس انت كنت سالب كام قبل العملية
انا كنت سالب 6 او قريب من ال 6 مع استجماتيزم عالى
ودلوقتى بفضل الله وحمدة 6 على 6
أنا مش دكتور.............بس أسمحلي ياباشا عذر مش مقنع .
لو 1/2- طيب مش أحسن من -6 فما فوق ده حتي علي الأقل النظارة هاتبقي أخف
ده غير أنه ممكن يعملها تصحيح تاني..........أنا قلت رأيي فيها عن تجربة شخصية (كنت -1.75 وأستيجماتيزم) وسني كان فوق ال 40 وتجربة ناس كتير معارف برضه مش عاجباهم
لو الضعف جامد -7 ولا حاجة ممكن تستاهل المخاطرة وفي الأغلب النتيجة هاتكون أفضل من نظارة قعر كباية.............. ده رأي والله أعلم