السلام عليكم ورحمة الله وبركاته ,
أنا عايز أعرف من الأعضاء لو فى حد عمل الليزك معانا هنا فى المنتدى , ويقولى عملها فين وبكام وارتاح والا لأ , يعنى يحكى اللي حصل معاه , عشان أنا نفسى اعملها وقلقان جدا .
ياريت اللى عنده معلومات يفيدنا
عرض للطباعة
السلام عليكم ورحمة الله وبركاته ,
أنا عايز أعرف من الأعضاء لو فى حد عمل الليزك معانا هنا فى المنتدى , ويقولى عملها فين وبكام وارتاح والا لأ , يعنى يحكى اللي حصل معاه , عشان أنا نفسى اعملها وقلقان جدا .
ياريت اللى عنده معلومات يفيدنا
حضرتك شوف كدا الموضوعين دول :-
عملية تصحيح النظر بالليزر
استشاره عاجله فى عمليه تصحيح النظر بالليزر
أتمنى أكون قدرت أفيد حضرتك .
انا عملتها من حوالى 4 شهور والحمد لله كويسه وعملتها بحوالى 4700 جنيه فى مشتشفى الرواد ال فى الدقى والحمد لله النظر كويس بس بتقعد حوالى شهر ونص فى زغلله بتيجى وبتروح بس كدا
أنا عملتها من أسبوعين في مركز رؤية شبرا عند كوبري المظلات. السعر أعتقد في حدود ال5 ألاف, بس مش متأكدة كام بالضبط عشان أحنا الشركة بتاعتنا ليها سعر خاص.
بص هو موضوع الليزك ده مهم قوي فيه حاجتين: أولا الدكتور اللي حيعمل لك العملية, ثانيا الجهاز نفسه. أنا الدكتور اللي عمل لي العملية اسمه د. هشام عيسى و بجد فوق الممتاز و المركز ده عنده احدث جهاز في العالم في القصة دي و بيقلل جدا اي اثار جانبية و ده كلام أنا متأكدة منه لأن احنا الشركة بتاعتنا من أكبر الشركات في مجال أجهزة ليزر العيون و فاهمين كويس الفروق بين الأجهزة.
هو أول يوم بيبقى فيه وجع في العين لمدة تلات أربع ساعات و بعد كدة بيروح بس بتحس انك مزغلل و كأن فيه حاجة جوة عينك بس من غير ألم. تاني يوم مبقاش فيه اي احساس يدايق و الرؤية بقت Sharp جدا بس كنت حاسة زي ما يكون فيه شبورة بيضا. على تالت رابع يوم بتكون الرؤية جيدة جدا مع حدوث زغللة ساعات لما تركز فترة في حاجة زي الكمبيوتر او التليفزيون مثلا. الشعور بالزغللة من التركيز دي بتقل في خلال أسبوع عشر أيام بالكتير, يعني أنا دلوقتى حاسة اني الحمد لله كويسة جدا و الرؤية ممتازة الحمد لله. المفروض كمان انه بيبقى فيه نوع من الجفاف في العين شوية لمدة من شهر و نص لغاية ست شهور و الدكتور بيديك قطرة عشان الموضوع ده, بس أنا الحمد لله مش حاسة بالموضوع ده خالص. عموما ربنا يوفقك ان شاء الله.
لو نظرك ضعيف حاجة بسيطة أنصحك بلاش تعمل عمليات حتي لو أكزايمر ليزيك أسمها عملية في الأول والأخر
متاااااااااابع باهتمام طيب بالنسبه للراحه هى فعلا محتاجه راحه شهر ياريت تفصيل اكتر بعد العمليه لو سمحتم
المكان نور العيون
السعر اربع الاف
الدكتور طارق قطامش
عملتها انا و 4 تانين :)
و كلنا تمام زى الف
هى فعلا بتعوز راحة شهر كدة بس عادى بتمارس حياتك عادى بس متجهدهاش اللشهر ده بس و يعد كدة عادى و بقالى سنة و شوية و اختى بقالها تلت سنين و كلنا تمام الحمد لله و الموضوع احسن بكتييييييييير فعلا