السلام عليكم
حد يعرف فتحات الكبوت دي مخالفة ولا لأ؟؟
يعني ممكن تعدي الفحص لو عملتهم
http://www.nrgautos.com/images/evo7f.jpg
الفتايين يمتنعون
يعني لو حد عاملهم ..يقولي.؟؟
عرض للطباعة
السلام عليكم
حد يعرف فتحات الكبوت دي مخالفة ولا لأ؟؟
يعني ممكن تعدي الفحص لو عملتهم
http://www.nrgautos.com/images/evo7f.jpg
الفتايين يمتنعون
يعني لو حد عاملهم ..يقولي.؟؟
كنت سألت عليها قبل كده واحد ضابط مرور صديقي و الراجل أكدلي أنها ممنوعه
مش فاهم بقي اية الي منعها .. ومش فاهم لية الاستكيرات مخالفة ..
حكومة جاهلة ..
ياريت حد يقولنا هو ممنوع ليه
طيب دي ممنوعة ليه بقى ان شاء الله
:36_2_33:ممكن افتي,,,,,,,,,,هههههحححححهخههخخ خ
ممنوع وخلاص
هههههههههههههههههههههههه
انا بقي حفتي
لما تبقي واخد دش سخن وتخرج علي ساقع
حيجيلك الفلوزه والفلبطه
وتعيا وتكح
نفس الحكايه في العربيه
اما تبقي سخنه ويخشلها هوا ساقع من الفتحات دي
العربيه تستهوي
فهما خايفين عليها يااحمد
وانتا بترخص ارفق سجل التجاري بتاع الصيدليه
مع شهاده تخرجك من الكليه
والتي تفيد انك دكتور صيدلي وتمارس المهنه
وقولهم ان العلاج حيكون علي حسابك واي اعراض برد حتتكفل بمصاريف العلاج
وهما يرخصولك علي طول
اقولك علي حاجه اجدع
انتا لازم فتحات
بيبقي فيه بدي كيت فيبر بيتلزق علي الكبوت من فوق كده
مش فاكر اسمه ايه
بس يشبه للي انتا عامله ده بس منظر بس مش فتحه بجد
وابقي شيله قبل الترخيص وخلاص
لا طبعا مش مخالف
دى يقولك شيلها على اساس ايه ؟؟
امن ومتانه مثلا ؟
اعملها ودى فايدتها انها بتوفر تهويه زياده للموتور
ولو حد كلمك قولهم العربيه نازله كده سبيشيال اوردر
انا كنت ضارب الزينون وجالى الامين فى الاشاره لقيتو بيقولى رخصك .. بقولو ليه .. بيقولى اضائه مبهره .. قولتله العربيه نازله كده
قالى ممكن اشوف الرخص .. شافها وقعد يضحك .. وقالى ازاى عربيتك قديمه وكانت نازله بزينون ... قولتله انا جايبها كده
وهى جيه كده استيراد من بره انا معدلتش فيها حاجه .. تنح شويه وقالى يا بيه دى اضائه مبهره ودى مخالفه وهتروح المرور تفحص عشانها دى ... العشره جنيه طلعت ....... قاللى ايوا فعلا شكلها نازله كده
انت بقى حد هيكلمك على شكل الكبوت ؟؟ قولهم دى ايفليوشن وبتنزل كبوتها كده
ههههههههههههههههههههههههه هههه
طيب ..إلي عاوز يفتي يفتي ..وإلي عاوز يلعب يلعب
هههههههههههههههه
أنا عاوز أعملهم مع شوية حاجات تانية في العربية
وشوفت ناس عملاهم ..بس ناس قالتلي إنها ممنوعة ..قلت أسأل؟؟؟
===================================
ونفسي أعرف
كلمة ممنـــــــــــوع دي ..ليه
يعني تسمع كلمة ممنوع في أي حتة في مصر
مش في المرور بس,,في كل حتة حد يقولك ممنوع..لوسألته ممنوع ليه
هيقولك معرفش...اهوه ممنوع وخلاص
قرررررررررررف
طيب دي ضررها إيه تحديدا؟؟؟ولو هيمنعها ...يقولي سبب المنع؟؟
ممنوعة عشان العربية مانزلتش بيها...وده السبب اللى هايقوله اى امين شرطة...
اما السبب الحقيقى ...فبلاش تسأل حد بيفهم عشان مايتحرجش لما مايلاقيش جواب :)
طب الاسبويلر العالى وقالوا انه ممكن يعيق الرؤية الخلفية
اما دى بتعمل ايه ؟؟...اكيد بتعمل حاجة الشقية دى واحنا مانعرفش...رجال المرور بس هما اللى يعرفوا اصلهم وااصليييين:36_2_33:
بص يا باشا بما انك من الزقازيق فحنا ولاد حتة واحدة وطبعا اكيد بنتزل القومية شفت الكرستالة المعدلة الي هناك انا بقعد قدام كلية صيدلة واكيد انت عارف الكمين الي هناك الكرستالة عدي ولا وقفواة ولا اي حاجة وسلام كبير لكل شرقاوي
مانزلتش بيها؟؟؟
طيب يعني انا لو ركبت فوانيس شبورة ..وعربيتي أصلا مانزلتش بيها
أبقا مخالف
هههههههههههههههه
عالم متخلفة والله
عارف انا الكريستالة دي
كلها متنفخة
والهيونداي الاكسنت الصفرا ..إلي بتقف في شارع ماشاء الله ..عند مؤمن
الهيونداي دي مقطع الكبوت..وعامل فيه حتة شفافة ...وعامل لونين ..وسبيويلر
والكريستالة دي مفيهاش حتة أصلية
كلها معمولة
وخد بالك الايام دي
القومية كلهاااااااااااا ...عاملة فيمية...ومشغلة السرينة راااايح جااااي
مش عارف البلد دي عاوزة تخنق ع الناس لحد إمتى؟؟؟
لحد ما الشعب كلة يولع في نفسة وميلقوش حد يخنقوة ولا رئيك اية
ولو احنا عملنا فامية هيدوسوا علينا في الكمين لابد من الوسطة في البلد دي
يعني عاوز أعرف
ليه الفيميه مخالف؟؟
يعني أنا كنت عامل فيميه..علشان مش بحب حد يشوفني وانا في العربية
ولما أركن في الشمس..مارجعش الاقيها مولعة من جوه
وشكله حلووووو
أفهم ممنوع ليه؟؟؟؟؟؟
ولما تلزقلك كلمة ع كبوت عربيتك..إنت شايف إن شكلها حلو
ممنوع ليه؟؟؟؟؟؟؟
ولما تحط سبويلر؟؟؟
ممنوع ليه؟؟؟
ولما تركب زينون؟؟هيقولك إضاءة مبهرة؟؟
ماهي فيه عربيات بتنزل وفيها الزينون أصلي بتاعها
يعني هوا ممنوع علشان مش أصلي؟؟زلا علشان إضاءة مبهرة؟؟؟
وبعدين ماهم بتوع النقل..بيحطوا 50 فانوس في وش العربية
اتنين فوق الكابينة..واتنين تحت..واتنين في الاكصدام..واتنين جمب المرايات
لو عربية نقل جاية في وشك....لو إنت مركب 20 زينون..مش هتشوف منه برضووووو
ايه القرررررف ده
بتقلب علىَ المواجع يا فارما,,,,,حموت و افيم العربية....
:(
الموضوع بمنتهى البساطة
ان فى قاعدة فى قانون المرو بتقول ان اى تعديل فى الاجزاء الخارجية وهى مش موجودة فى العربية من الاساس ممنوعة على اساس الامن يعنى مثلا بتوع الماتركس لما بيركبوا ديفندر حديد على الاكصدام وهى مش نازلة بيه ( مش نازلة بيه يعنى لم يختبر قوتة و تحملة ) طيب حضرتك عايز تركبة و روحت عندى صنايعى فنان يركبة وبعد الشر عليك العربية خدت نقرة جامدة ولا مطب بسرة ولا اى حاجة تانية كانت النتيجة ان الديفندر دة وقع مش ممكن يتسبب فى حادث نفس الكلام على العتب والكساحات الى بتتعمل مخصوص الفكرة مش فى انك عملتها عند واحد كويس وضامن انها مش هتقع و غيرك لا هتقولى ماهو فية عربيات بتنزل بعتب وكساحات وديفندرات هقولك العربية الفابريكة لما بيحوطوا فيها مسمار بيعملو 100 تجربة وبحث ومناقشة على انوا هيكون كويس ومش هيسبب اى ضرر وبتاخد اعتماد على الكلام فبتالى المرور معندوش مشكلة فى كدة
نيجى للتفيم
يا جدعان الفبريكة حاجة ولزق الشارع دة حاجة تانية الفابريكة متصمم تنك تشوفوا بية زى الشفاف وميبقاش عندك اى مشكلة لكن العادى دة فعلا بليل مع اضاءة الشوارع الزبالة حضرتك ممكن متشوفش حاجة وتتسبب فى حوادث احنا فى غنى عنها لمجرد انك عايز تخلى شكل العربية حلو والكلام دة عن تجربة انا صاحبى مفيم الجناب بس لقسم بالله مش عارف يقفل الازار لانه مش شايف المرايات الى فى الجنب
الزنون
الزنون بتاع بى ام ولا مرسيدس او اودى والناس المحترمة اوى دى ربنا يجعلنا منهم متصمم ومتركب بعداساتة و العواكس والرجلشة بتاعتة انوا لو حضرتك قعدت تبص لفوانيس العربية ساعة عنيك متتعبش لكن احنا هنا كل واحد ربنا رزقة ب 250 جنية يروح يجيب زنون صينى جميل امور يعمى الى جابونا بيه هتقلى طيب انا هركب عدسة حضرتك مع كل احترامى تركيب العدسة فى عربية مش متصصه لكدة بيبقى فى الغالب حلاوة روح منكرش ان فى ناس بتركب عداسات و تظبط الدنيا وتجمع الضوء بس المرور مش هميشى ورا كل واحد يقعد يعملة اختبار اذا كان الزنون هيضر الناس ولا لا
الاستيكر ممنوع حفاظا على الاداب العامة كمان علشان اعاقة الروئية
باختصار الحكومة لاتعترف بعبقريتنا فى تطوير عربيتنا وهى عندها حق فى بعض الحاجات الصتايعى بيركب وخلاص وملوش دعوى لكن الشركة بتختبر كل حاجة بما يرضى الله
'طيب
فتحات الكبوت يمنعوها ليه........؟؟؟؟؟؟؟؟؟؟؟
ولو أنا جبت قزاز فيميه من بره؟؟عادي مش هيوقفوني عليه
والملصقات والاداب العامة
لو واحد رخص عربيته لونين مثلا
وراح كاتب بلون فيهم كلمة قبيحة ع الكبوت...مش ملصقات يعني
كده هتكونمخالفة برضوووووو
ماهو التمييز نعمة والله ...لو الناس دي بتفهم!!!!!!!!11
اي حااجة غير الفاابريقة مخاااااالفة
بس سيبها لله
بجد الموضوع مهم جداااااااااا بالنسبه لفكرة انك متعدلش فعربيتك عشان امن ومتانه كان اوللا بقا من انه يمنع الي الفتحات والاستيكرز والفاميه و العتب والاسبويلر الي هيا كلام اهبل انه يمنع تسقيط المكن عشان لما واحد معاه 128 مثلا يروح يركب مكنه 1600 ريجاتا ولا 2000 لانشيا وتشرخ منه الحوض وتقع وهيا ماشيه عالطريق بسرعه جنونيه وتتسبب فحادثة وخد على اشباه كده كتير وازا كان عاوز يمنع الفاميه مينزل العربيات فاميه زي معظم الدول العربيه ولا هيا تقفيل دماغ وخلاص واذا كان اصلا في حد بيعدل فعربيته عشان يخلي شكلها احسن فده لسبب اكبر من انه عاوز يعدل وخلاص لان الناس فالبلد دي مبتعرفش تركب عربيات نضيفة عشان سعرها الغالي بسبب الجمارك خلاص الغي الجمارك وخفض الضرايب واحنا هنركب عربيات نضيفة متفيمه من الشركة ومتركبلها زينون وعتب ومتزبطه بدل مكل واحد ومع احترامي فاكر انه راكب عربية ياما هنا يما هناك كرولا ولا لانسر ولا سيفيك وبره بيركبوا كامري وايفوليوشن واكورد الي مفيش حد من عامة الناس يقدر يركبها هنا بسبب السعر والضريبه ودول بقا مش محتاجين تعديل دول جاهزين وياريت الي راكب كرولا ولا لانسر ولا سيفيك جايبها رخيصه ده دافع دم قلبه فتمنها والصيانه فالتوكيل الحل ياما تسيب الناس تعمل الي هيا عاوزاه زي فالسعوديه لا فاميه ممنوع ولا زينون ممنوع ولا الكلام الفارغ ده والي عاوز يعدل هناك بيعدل صح ومحدش بيقولوا انت بتعمل ايه ولا هيا مش نازلة فالفبريكه عشان ياخد كام جنيه ولا بيوقفوا على سبيل المثال الي حصل معايا الزابط وقفني : خير : الرخص : اتفضل ليه :: الشماسه فاميه :::::نعم !!!!!!!!!!!!:fdsa: وايه المشكله شماسه::::::: لا دي فايمه مش نازله فالفبريكه :::: الله يحرق الفبريكه عالي عملها يجدع يعم شماااااااااااااااااااااسه عشان الشمس ::::لالالالالالا مش نازية فالفبريكه ولما اتكسف من نفسه شويه قالي خلاص ملصقات :::: ملصقااااااااااااااااااااا اااااات :::::::::::يعمم فكك مني بقا يا 50 جنيه يالرخص وخد خمسين جنيه عشان كام استيكر
حاجة تقرف:01964E~163:
ينهار اسود دا ناقص يقلي لو اشتريت شقة مش مدهونة تبقي خلاص علي المحارة نعم يامصر
هي مش مللك يبقي اتصرف زي منا عايز ولا اية
نقطة الفبريقة يعني الصيني هو الي بينزل 100/100 دا نعوش متحركة <<<<مبهجمش الصيني
يعني مثلا لو نفترض ان العربية عايزة تغير تيل فرامل هيقلي مش فبريقة الرخص طبعا تيييييييييييييت
لو عملت حادثة وغيرت الصدام لا مش فبريقة الرخص
لو غيرت اللمبة بتاعة الفانوس لا مش فابريقة ربنا يخلي المحروقة اقصد المحروسة ويزدها من وسع
ودي نقطة حلوة ..كويبس انك أخدت بالك
طالما الكلام على الاختبارات على القطع الاصلية...وإنها متجربة
طيب بخلاف كماليات الشكل..إلي مفيش منها ضرر
طيب ماهي قطع الغيار الصيني...ماااااااالية مصر
وأهي دي برضو جزء من العربية...ولم يختبر متانتها وكل الكلام الحلو ده
ودي بقا ...بتمووووووت وش
طيب إيه بقا؟؟
يعني فتحة الكبوت دي تبقا مش فابريكة يعني مخالفة؟؟يعني حرااام؟؟
وقطع الغيار الي بتسبب نزيف الاسفلت على الطرق المصرية...تبقا حلال حلال حلال؟؟
انت شفت قلم ليلة سقوط بغداد خلي الامركان يجوا طب والله هينضفوناااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااا
مثلا الكوتش الصيني بينزل من غير سلك بقي دا يركب والفامية ميركبش مثلا تييييييييييييييييت + لا تعليق عايزك تشوف اختبار تصادم الشري وشوف لو دي تدخل مصر ولا لا علي اساس فبريقة والفبريقة امان طب ياسيدي في كمين سعات بيتعمل قدام الماحفظة عند كشك المرور كدا في ظابط شاب وقف واحد علشان الفامية وخد الرخص منة اية رئيك انا شفت نفس الظابط مفيم عربيتة يعني حميها حرميها تيييييييييييييييييييييييي ييييييييييييييييييييييييي ييييييييييييييييييييييييي ييييت الي ما لا نهاية
لا برضو
انا شايف ان الموضوع ده ..خاضع لمزاج الباب العالي
مش للقانون
ياراجل ده حتى العتب ...والجنوط
ممكن يعملك عليها مخالفة لو حب
+ز111111111111111111
وشكلي انا وانت هنتاخد سبوبة في امن الدولة قدام كوبري عرابي انا مش هاخد غلوة علشان يجبوني يدوبك 5 دقايق كدة وهروح معاهم مشي علشان انا في برج علي زكي ومش هاخد غلوة في ادايهم هو من اول قفا وهقر عليك:36_3_10[1]: محنا ولااد حتة وحدة ونستحمل بعض :36_2_33:
يا راجل مصر مصلحتك اولا :what:
احنا بلد الامن والامان زي ما حصل في اسكندرية :beated:
وسلام علشان الظابط علي باب الشقة:tank:
ومش تنسي العيش والحلاوووووة
برج على زكي؟؟؟؟؟؟؟؟؟؟؟؟؟؟
ياراجل
تعرف كريم عارف السويدي؟؟؟؟
ادفع رشوة وعدي عربيتك م الفحص
اسمه كريم عارف أمبن السويدي
ده اسمه الرباعي..المفروض إنه خريج هندسة
وساكن في الدور قبل الأخير تقريبا
انت و حظك
يا رجاله الموضوع ده موضوع ظابط مش موضوع قانون و ممنوع ما فيه ناس بتكون مفيمه و مش مثبوت فى الرخصه و تعدى هى الحكايه ان هو يكون مراته معكننه عليه عيشته و نازل متخانق معاها هيطلع غيظه كله فيها
يعنى الامثله إلى حصلت معايا ان من سنتين كان معايا جيب ليبرتى و طبعا كلنا عارفين انها بتنزل بفاميه فابريكه .....الظابط بقى مش مقتنع انه فابريكه و قالى اركن و مش اركن اتأكد بس انت اقفش عليه و هيتعدل
و مره تانيه ظابط تانى يقولى انت مكتوب فى الرخصه نظاره و انت مش لابسها هيا فين فقولتله لابس عدسات تحب اطلعهلك .... يعنى من الاخر الظابط شافك داخل اللجنه خايف هيستلمك لو داخل بقلب جامد و مش فارقه معاك هتعدى
و على فكره انا برضو زيكوا من الزقازيق و موضوع العربيات إلى عامله كده بقى اقولكم عليها واحده واحده
الكريستاله الزرقا دى كانت بتاعه ابو خليل و اى حد فى الزقازيق عارف مين ابو خليل و هى اتباعت دلوقتى و صاحبها انا اعرفه و طلع عينه علشان يعرف يرخصها علشان فيها 3 ألوان و علشان التنفيخ إلى فيها
تاني واحده الكريستاله الفيرانى إلى رقمها 690 دى بتاعه ظابط مرور و هو إلى كان بيقف فى لجنه طريق الجامعه و الفلل
تالت واحده الهيونداى الصفرا دى بتاعه واحد اسمه محمود فوزى و هو فى كليه حقوق
رابع واحده عربيه حسن عاطف الانسر الكريستاله الحمرا إلى عليها كيت إيفو
وعندك اكتر عربيه انا معرفش اترخصت ازاى بتاعه احمد يكن الهوندا البيضا فى اسود و عليها استيكرات كتير اوى إلى عامل لونها زى عربيه Ken Block