نصيحه لوجه الله بخصوص الساجا

السلام عليكم,
يا جماعه انا بنصح اى حد يفكر يشترى بروتون ساجا , انه يفكر الف مره و لو يقدر يستنى و يزود و يجيب عربيه محترمه يكون احسن.
انا اشتريت بروتون ساجا يوم 26-9-2010 و رخصتها يوم 29-9-2010 و اتقلبت بيها على طريق يوم 15-10-2010 , العربيه اول ما جبتها كنت موهوم بيها من كلام ناس عليها هنا , و عملت صيانة الألف بعد اسبوع و بعدين وانا مسافر على طريق الكريمات يوم 15-10 وكنت ماشى على 90 مثلا ,لقيت مره واحده لمبة الزيت نورت فى التابلوه و بعدين مره واحده الدريكسيون قفش جامد شمال و بعدين العربيه اتقلبت بيا 3 مرات على الطريق و كان معايا مراتى بس الحمد لله ربنا سترها و طلعنا منها سالمين و طبعا لما رحت التوكيل و قلتلهم قالولى اهم حاجه انك طلعت سليم , و عشان اخلص بسرعه من موضوع التأمين قلت ان الكاوتش ضرب عشان العربيه طلعت هلاك كلى وعملوا فى التوكيل مقايسه ب 60000 عشان لو هتتصلح ده بخلاف ما سيظهر بعد الفك.
انا مكنتش هكتب او اتكلم عن موضوع ده بس بعد لما رحت اجيب العربيه واوديها شركة التأمين لقيت عربيتين تانيين فى المخزن اللى فيه العربيات المكهنه.
انا معايا صور العربيه و كل حاجه لو حد عايز يتأكد ويشوف منظرها بعد الحادثه , انا حاسس ان العربيه دى مش امان وان عيوبها اكتر بكتير من المميزات اللى ملهاش لازمه اللى فيها.

بتمنى ان كل واحد معاه العربيه يخلى باله و ربنا يحميه ان شاء الله و يكفيه شرها , واللى بيفكر يجيبها انا بنصحه لوجه الله انه يفكر كتيير.
وبشكر أستاذ / أيمن اللى تعب معايا كتير و مبخلش عليا بأى رد لأى سؤال.
نصيحه أخيره : محدش يتعامل مع البنك التجارى الدولى(cib) و شركة آروب للتأمين لإن الاتنين تعبونى قوى و اجرائاتهم مش واضحه و متناقضه مع بعض.

وشكرا لكم جميعا.

صورك يا باشا الله يكرمك

اولا الف سلامة على حضرتك و على اسرتك

ثانيا انا اتقلبت بتويوتا كنت انا اللى سايقها على 80 والله والله والله الدركسيون قفش يمين لوحده و من غير اى حاجة تظهر ولا حاجة
و مرة بهيونداى اكسنت على 60 والعربية يتلف ملف على السرعة دى بس ده كان غلطة السواق بس اهه بقى

ما علينا
ده نصيب و الحمد لله انك طلعت منها سليم
و ربنا يعينك و يبدلك احسن منها
بس فى حاجة مهما لازم تعرف انك اما اخترتها اخترت صح مش غلط والا فكر ايه اللى ممكن تجيبه احسن منها بـ 65 الف ؟؟

و بالنسبة للاجراءات فانا بقولك من خلال مليون تجربة كله واحدددددددددددددددددد سى اى بى اهلى مصر بلوم كله واحد
اما التامين فميش اسوء منهم الا من رحم ربى و ربنا مرحمش حد الى الان

ربنا يعينك يا جميل و يصبرك ان شاء الله

بانتظار الصور ياباشا وخدت فلوس التامين ولا لا؟

الحمد لله على كل حاجه , بس اللى قلقنى منها موضوع لمبة زيت الموتور اللى نورت وانا سايق مع انى كنت لسه عامل صيانة الالف قبلها ب 6 ايام بس , انا قلت انصح الناس لان لقيت عربيتين ساجا فى المخزن بتاع الكهنه فى عز العرب.



الصور يا باشا على اللينك ده
100_0912.jpg
100_0915.jpg
100_0919.jpg
15102010618.jpg
15102010620.jpg

لا حول ولا وقوة الا بالله ..

قدر الله وما شاء فعل وربنا يعوض عليك ..

بس ده عيب في عربية مش عيب ماركة كاملة او موديل معين كامل..

وربنا يعوضك وتجيب احسن منها .. وحمدلله علي سلامتك وسلامة كل من كان معك ..

اولا السلام عليكم ورحمة الله وبركاته يا اخي ...
ثانيا حمدا لله على السلامة والحمد لله فعلا على خروجك سالما من هذه الحادثة ...
ثالثا ..
دعني تحدث مع حضرتك في بعض النقاط التي ستوضخ المغزا من كلامي ..
ما قد حدث مع حضرتك هو ما يسمى بإختلال عجلة القيادة في يد قائد المركبة ..
حيث ان ما قد حدث ما حضرتك له اسباب كثيرة بعضها ملموس ومعروف والبعض الآخر ما يزال مستترا ..
فكثير من انوع الإختلال تحدث لأسباب عديدة منها ..
1- السرعة الزائدة على طريق غير مستوي
2- ثقب في احدى الإطارات اثناء السير بسرعة
3- وجود مطبات هوائية .
4- انتقال السيارة من احد الأسطح الخشنة الى احد الأسطح الناعمة بسرعة كبيرة ( ولي تعقيب على هذه النقطة )
5- الخ
6 الخ

ان ما قد حدث ليس بدلالة على ان نظام التوجيه في المركبة الخاصة بحضرتك سئ لا قدر الله ولكن كلنا كنا نعلم بأن هناك عيبا موودت في العلبة الخاصة بالدركسيون الخاص بهذه المركبة ولكن ليس لهذه العلة اي نوع من انوع التأثير على طريقة سير المركبة ولا يمكن ان تؤدي الى ما قد حدث مع حضرتك ..
ان السيناريو المتوقع لما قد حدث مع حضرتك هو ما يمكن ان يحصل مع ي قائد مركبة تحدث اثناء السفر على الطرق لاسريعة الخاصة بوطننا الحبيب الغير مؤهلة .....
كما يبدو لي ان الطريق الخاص بالسفر هو طريق اسفلتي ممهد ويوجد على جانبي الطريق رمال ناعمة حجمها الحبيبي اصغر من 5 مم وهو رمل ناعم وبسبب الطقس الغير مستقر في وطننا في هذه الأيام لربما كانت اثناء سفر حضرتك بالسيارة انتشار للطبقى الرملية وافتسراشها على الطريق مما ادى الى اختلال عجلة القيادة في يد حضرتك .. وها هو السيناريو الأوقع لدي حيث انه هو الغالب من وجهة نظري .. حيث انه لو كان عيبا في التصميم لما حازت السيارة على نقاط الأمان وان كان عيبا في سيارة حضرتك من حقك ان تطالب بالتعويض عما حدث لحضرتك ولؤسرتك مما كاد لا قدر الله ان يودي بحياتك ..
ولكن دعنا ننظر الى الأمر من مفهوم آخر ..
لقد صنفت السيارة على انها هلاك كلي حيث انها لم تعد تنفع للإصلاح وتم تعويض حضرتك بالقيمة المالية للسيارة .. انظر الى عوامل الأمان في السيارة الاصة بحضرتك حيث ما قد يبدو ان السيارة قد تعرضت لحادث شديد للغاية ولكن مع هذا تبدو قوائم السيارة ان نسبة الهبوط الخاص بها لا تتعدى الـ 10 % يعني بالعربي لو كان ارتفاع القائم 30 سم لن يتعدى الهبوط فيها من 3 الى 4 سنتي ميترات ككل .. حيث ان السيارة قد تعرض للضغط المفاجئ على قوئهما ولله الحمد لم يؤثر عليها ذلك .. كما ان الكابينة الداخلية للسيارة كما اراها من خلال صور حضرتك لم يحدث بها تهتك كبير وللللللله الحمد على ذلك بسبب القضبان الفولاذية المدعمة للسيارة ... لذلك انظر الى الأمر من شتى الجوانب يا اخي والحمد لله على ذلك
كما ان وجود السيارات المكهنة في مخزن عز العرب لهو امر طبيعي لأنه هو التوكيل الخاص بها ولكن تقصد ان العدد فدعني اشرحه لك فإن كان عدد السيارات المبيعة من السيارة بروتون ساجا في خلال العام المنصرم مثلا يقارب الـ 300 سيارة .. وتقول حضرتك انه كان يوجد سياراتان وسيارة حضرتك الثالثة فيمكن ان نخرك بنسبة هالك من الـ 300 سيارة الا وهو 1% وهو امر طبيعي حيث ان الشركة الأم تجبر على اعادة النظر في الهيئات الدولية على اعادة النظر في امر تصميم المركبة عند تعدي الهالك في السيارة ف نفس الموديل الى اكثر من 15% الا وهو 45 سيارة وهو ولله الحمد امر بعيد للغاية ..
وفي النهاية دعني اعطي لحضرتك مثلا بسيطا للغاية
اتذر في الصيف المنصرم من عام 2010 عندما توفي احد كبار مستشاري الدولة بالطريق الدولي ( العالمين ) حيث كانت السيارة تحت قيادة نجله وتوفي المستشار وتبقت عائلته كلها على قيد الحياة حيث تمت مراجعة جميع تفاصيل الحادث وتبين ان السيارة نوع bmw 318 i على الغالب والله اعلم حيث اني لا اذكر الموديل تحديدا ولكن اذكر ماركة السيارة حيث ان الأمر حدث بنفس لاسيناريو حيث خرجت السيارة وفجأة من سيطرة الشاب ولكن رجح البعض انه نتيجة إنفجار الإطار الأمامي للسيارة ولكن هذا امر يصعب تحديده ان كان انفجر اثناء الحادث او هو المسبب للحادث وومع انها سيارة ذات فئة سعرية الية جدا الا انها لم تعتبر المسبب في الحادث واعتبر الأمر كقضاء وقدر ولله الحمد والآمر من قبل ومن بعد وحمدا لله على سلامتك وكتب الله لك فيها اجر ان شاء الله واعذرني على الإطالة في حديثي لإانا اشعر بالغصة التي في حلقك من جراء ما قد حدث ...

حسبى الله و نعم الوكيل

الف حمد لله انك بخير
العربية دى كانت ماشية 140كم على الاقل
احنا بناخد ملفات مع مطب هوائى على سرعه 100 كم س مثال الملف الى امام f g i ملف فعلا غبى ومع الملف مطب هواء غبى فعلا اغلب الناس تعرف الملف دة وعلى الرغم من كده العربيه حتى مبتترفعش عن الارض
التعليق الخلفى للبروتون ساجا متصل مع فتح زاويه الكامبر يعنى اثبت من الكيا الى مع حضرتك الى بردو تعليق خلفى متصل
بدون فتح اى زاويه
طبعا موضوع 90كم س ده عشان التأمين ده موضوع تانى
90 وتتقلب 3 مرات لية عندنا مخ ودماغ وعقل ونعرف نتخيل انت فعلا كنت ماشى كام
انا شايف ان موضوع حضرتك بيعمل دعاية ممتازه للسيارة ( بتكلم بجد عربيه ماشيه على الاقل 140 كم س ويحصل فيها كده بس )
دة احسن دعايه
بكرر الف حمد لله على سلامة حضرتك والاسرة وربنا يحفظك ويحفظنا

الحمد لله لخروجك سليم من الحادثه لكن اود ان اقول لوجه الله ايضا وليس دفاعا عن عربيتي اني حصل معي موقف مشابه لموقفك وهو كالاتي
كنت ماشي علي طريق بسرعه 100 كيلو وعلي يميني الرصيف وعلي شمالي بس قدام شويه عربيه ماشيه تقريبا بنس سرعتي وفاجاه لاقي العربيه اللي قدامي رمت علي بشكل غريب مش عارف ليه (ممكن يكون حد رمي علي بردو) فاكان الرد الطبيعي بتاعي اني ارمي عكسه وادوس فرامل فاادركت اني ممكن اخبط الرصيف او اطلع علي فا رديت ايدي بسرعه فا لما تمشي علي سرعه 100 او اكتر وترمي شمال في يمين علي طول ممكن فا اكيد الربيه تعوم منك وخصوصا من الخلف وخصوصا ان الرميه كانت كبيره اوي فاقلت في عقل بالي ان العربيه هتلف ياعني هتلف
بس اللي حصل غير اللي توقعته تماما
العربيه بعد ما رميت شمال في يمين مش عارف اوصفلك ازاي رجعت لمكانها تاني بعد ما وقع قلبي ومش عارف اوصف ازاي بس كل اللي بالي دلوقتي اني ممكن اوصفها ان شنطه العربيه حسيت انها زي الديل اللي بيعمل اتزن للديناصور وهو بيجري
وده اول اختبار حقيقي للساجا معايا
ممكن اكون مش عارف اوصف كويس وممكن اكون مش عارف اوصلوكوا ايه اللي حصل بس انا اكتر واحد ممكن يقول الكلام ده عشان الموقف كان بجد صعب والرميه كانت جمده
والله مش عشان انا معايا العربيه دي بس لوجه الله بردو العربيه دي والحمد لله انقذتني من موقف اي عربيه تانيه اعتقد انه كان موقف صعب عليها
وعلي فكره اي عربيه تتقلب 3 مرات من علي سرعه 90 مش هيكون ده حالها ابدا وسقفها مش هيبقي كدا خالص فالحمد لله ان حصلت الموقف ده معاك وانت راكب عربيه زي الساجا

مش تكديبا لصاحب العربيه بس من الصورا العربيه شكلها كانت علي سرعه عاليه فعلا
بس هو الايرباج فتح ؟؟

اولا الحمد لله على سلامتك وثانيا الموضوع بتاعك ده عيحبطك اكتر لانك عتسمع امور تنرفزك زي ده عيب في غربيتك انت بس مثلا و انا كان معايا بي ام واتقلبت بيها وكلام كده كتير بص يا المنتدى ده كان السبب اني جبت العربية الزبالة دي و هو بردو السبب اني كرهتها وعاوز اقوللك ان المنتدى بيحط بس المواضيع اللي بتشكر في العربية والباقي انسى شوية ويتركن زي وزي ناس كتير اشتكوا وابقى اقرا يا باشا الترقية على الرد بتاعي لاني مش عخش تاني لاني متوقع الردود وحقظتها بس نقول ايه حسبي الله وتعم الوكيل

اقتباس:

---

المشاركة الأصلية كتبت بواسطة totosaga

اولا الحمد لله على سلامتك وثانيا الموضوع بتاعك ده عيحبطك اكتر لانك عتسمع امور تنرفزك زي ده عيب في غربيتك انت بس مثلا و انا كان معايا بي ام واتقلبت بيها وكلام كده كتير بص يا المنتدى ده كان السبب اني جبت العربية الزبالة دي و هو بردو السبب اني كرهتها وعاوز اقوللك ان المنتدى بيحط بس المواضيع اللي بتشكر في العربية والباقي انسى شوية ويتركن زي وزي ناس كتير اشتكوا وابقى اقرا يا باشا الترقية على الرد بتاعي لاني مش عخش تاني لاني متوقع الردود وحقظتها بس نقول ايه حسبي الله وتعم الوكيل

---

اول تريقه مني انا ايه المشاكل الي عندك

اقتباس:

---

المشاركة الأصلية كتبت بواسطة totosaga

اولا الحمد لله على سلامتك وثانيا الموضوع بتاعك ده عيحبطك اكتر لانك عتسمع امور تنرفزك زي ده عيب في غربيتك انت بس مثلا و انا كان معايا بي ام واتقلبت بيها وكلام كده كتير بص يا المنتدى ده كان السبب اني جبت العربية الزبالة دي و هو بردو السبب اني كرهتها وعاوز اقوللك ان المنتدى بيحط بس المواضيع اللي بتشكر في العربية والباقي انسى شوية ويتركن زي وزي ناس كتير اشتكوا وابقى اقرا يا باشا الترقية على الرد بتاعي لاني مش عخش تاني لاني متوقع الردود وحقظتها بس نقول ايه حسبي الله وتعم الوكيل

---

ive read almost all your posts. Seem you have a grudge againts Saga.
Is there anythng that we call
"شماتة السيارة"
this is it.

Wish you all luck Bro.

حمد الله على سلامتك وسلامة الأسرة اخى العزيز الغالى حفظك الله من كل سوء وشر

ليا أكتر من تعقيب على كلام حضرتك وكلام الأخوة اللى شاركوا وأكدوا على كلامك أنها عربية سيئة

1. ليس تشكيكا فى كلامك ولكن الصور فعلا بتأكد ان السرعة كانت أكبر من 90 بكتير
2. انقلاب العربية على الطريق ليس بالضرورة ان يكون عيب فى الموديل بصفة عامة او فى عربيتك انت بصفة خاصة وانما ممكن يرجع لأسباب كتيرة أولها طبعا ان ده قدر ربنا وقدر الله ماشاء فعل
3. وارد جدا انك تبقى راكب عربية بنص مليون جنيه وتتقلب بيها على سرعة أقل من كده ويحصل فيها أكتر من كده
4. احنا مش بنقول العربية دى رقم واحد فى العالم لكن هى الأفضل فى فئتها وامكانيتها فى مقابل السعر
5. كل عربية ليها محبينها وكارهينها حسب تجاربهم معاها او تجارب معارفهم وطبعا لولا اختلاف الأذواق لبارت السلع. عندك مثلا الاسبرنزا m11 وكمان اللوجان انا فكرت كتير انى اشترى وادة منهم وسمعت كلام كتير حلو عن العربيتين من ناس وكلام وحش من ناس تانيين لأن كل واحد حسب تجاربه ووجهة نظره الشخصية وده مش معناه ان العربيتين دول زى الزفت او انهم تحفة فنية
6. معتقدش ان المنتدى بيعرض فقط مزايا العربيات ويتلاشى عرض مواضيع تختص بسرد مساوءها والدليل ان موضوع حضرتك اتعرض بكل الصور اللى احتواها
7. اذا عملنا مقارنة بين عدد الناس اللى شكروا فى الساجا والناس اللى عابوا فيها (من خلال معرفتى انا الشخصية) فصدقنى عدد اللى شكروا فى السيارة 90% على أقل أقل أقل تقدير لأن العيب الوحيد فيها اللى لاحظته من خلال أسألتى المتكررة عنها هو التوكيل وقطع الغيار وما الى ذلك ولكن لا غبار على أداءها

أخيرا تمنياتى لكى بالتوفيق فى اختيار السيارة الأفضل وربنا يديلك خيرها ويكفيك شرها ويحمينا اجمعين اللهم امين

و انا كمان قريت مواضيعه كلها و اكتشفت فعلا انه راكب عربيه زباله بتخبط في الرصيف و المقص بيتعوج ازاي يا ناس
ثم الناس في المنتدي ساعدوك بردودهم هو دا رد جميلهم انك تتكلم عليهم بالطريقه دي!!!!!!!!!!!!!!!!!!!!!!!!!!!!!

اقتباس:

---

المشاركة الأصلية كتبت بواسطة ahmed.ali

اول تريقه مني انا ايه المشاكل الي عندك

---

اية بوحميد انت ازاى مش عارف توتو ساجا دة انا بستناة فى كل مشكلة لاى عربية ساجا دور كدة فى البحث مش حتلاقية بيدخل الا على المواضيع المتعلقة باالمشاكل فقط لا غير للساجا
عموما باختصار الراجل دة كان دخل فى رصيف على سرعة والعربية تقريبا شيست وهوة من ساعتها زعلان ونفسة يبيعها بخسارة 10000 جنية ومش عارف ادى كل الحكاية

اقتباس:

---

المشاركة الأصلية كتبت بواسطة mido_soliman

اية بوحميد انت ازاى مش عارف توتو ساجا دة انا بستناة فى كل مشكلة لاى عربية ساجا دور كدة فى البحث مش حتلاقية بيدخل الا على المواضيع المتعلقة باالمشاكل فقط لا غير للساجا
عموما باختصار الراجل دة كان دخل فى رصيف على سرعة والعربية تقريبا شيست وهوة من ساعتها زعلان ونفسة يبيعها بخسارة 10000 جنية ومش عارف ادى كل الحكاية

---

و دا يعلمنا محدش يمشي في شارع فيه رصيف :36_3_10[1]:

قدر الله وما شاء فعل والف حمد الله على السلامه ليك ولاسرتك

انا من رأيى ان اللى حصل مع حضرتك ده ممكن يحصل مع اى عربيه تانيه مش ساجا بس

وربنا يسترها معانا كلنا يارب وكل واحد خارج من بيته يقول دعاء الخروج من المنزل:

بسم الله توكلت على الله ولا حول ولا قوة الا بالله

ولما تيجى تركب عربيتك تقول دعاء الركوب : سبحان الذى سخر لنا هذا وما كنا له مقرنين

وقل لن يصيبنا الا ما كتب الله لنا

لا حول ولا قوه الا بالله
قدر الله وما شاء فعل
والحمد لله علي سلامتك والاسره الكريمه

فرصة ذهبية على طبق من فضة الى كل كاره وحاقد على الساجا وماليكها

مهما كان رأى حضراتكم فى الساجا ، نحن نحترم الرأى الاخر ونقدره حق تقدير ولكن بدون ما يشير الى الاهانة او الاهانة المباشرة للسيارة أو الذم فيها بناءا على تجربة شخصية منفردة والله وحده أدرى وأعلم بشخصيه صاحب السيارة المنكوبه وهو وحده عز وجل الاعلم أيضا بمدى صحة كل كلامه ودقته من عدمه00000

يرجى مراعاة الألفاظ والأوصاف المكتوبه من المعلقين حفاظا على المظهر العام للمنتدى الذى لا ينتمى اليه إلا كل محترم وقور يراعى الله فى قوله وفعله000 وحفاظا على مشاعر ماليكيها 0000

النصح والإرشاد لوجه الله تعالى بغرض توجيه القراء لنتائج تجربة شخصية فعليه بغرض الإفادة وليس إسقاط سيارة بكل تلك المواصفات وتكريه الناس فيها وذمها بتلك الطريقة الغير مقبوله على الإطلاق0

أرجو من السادة المشرفين والقائمين على منتدانا بمحو تلك الألفاظ الغير لائقه على الاطلاق والتى تسىء للمنتدى وأعضاءه الكرام0000

أدعوا الله لصاحب السيارة المنكوبه أن يخلف عليه بسيارة أفضل منها وأن يعوض عليه ما خسره وأن يقبل منه شكره وعرفانه بفضل الله عليه وأن يلهمه الصبر على بلاءه وأن يرشده لما فيه خير له ولأسرته الكريمة

تذكر أخى الكريم قول الرسول الحبيب
" إنما الأعمال بالنيات ولكل إمرىء مانوى"

فإنوى خيرا فى فعلك وقولك وتوكل على الله وأشكره00000

محمد عبد المجيد

اولا الف سلامه علي صاحب الموضوع و ربنا يعوض عليك بس كنت عاوز اقول لحضرتك حاجه بالنسبه للسرعه مستحيل تكون السرعه بتاعت السياره 90 ابدا و حتي لو اتقلبت علي 90 مش هيحصلها كدا ده شكل عربيه كانت مقلوبه فوق ال 140 و بعدين عمر ما العربيه تتقلب 3 مرات و هيه ماشيه علي 90 .

ثانيا بالنسبه للعربيه مش بتعوم خالص انا واحد مجنون جري اساسا و غرز و باخد بيها الغرز علي الطريق علي سرعه 120 و 140 و عمري ما حسيت انوا بتعوم ابدا و اللي مش مصدق كلامي ممكن ينزل معايا و نجرب سوا

الاخ توتو ساجا عيب حضرتك الكلام اللي بيتقال ده احنا هنا مش بندافع عن العربيه علشان لينا مصلحه في حاجه احنا ملناش اي مصالح ابدا انو نشكر فيها انتشرت منتشرتش مش هتفرق معانا انا واحد من الناس اشتريت العربيه و الحمد لله ماشيه معايا تمام و عامل بيها 10 الاف كيلوا واحسن من عربيات تانيه كتير جدا .

قدر الله وماشاء فعل
الحمد لله على سلامتك وسلامة الاسرة الكريمة
وشكرا لحضرتك على نقل التجربة
وده من حقك بكل تاكيد
والمنتدى اساسه نقل التجارب والخبرات الجيدة والسيئة لكى يستفيد الجميع
ربنا يعوضك ويخلفك خيراً فى مصيبتك

يارب يعوض عليك .. و يخلفك فى مصيبتك خير .. و حمداً لله على سلامتك و سلامة الأسرة الكريمة ..


بغض النظر عن كل الردود .. بس أحب أسجل إحترامى و تحياتى للأخ sayed911 على رده الأكثر من رائع ..

شكراً

اولا الف حمدالله علي سلامتك

تاني حاجه الساجا يا جماعه فيها عيب نقص الزيت بتاع الباور ودا الي بيعمل الصوت الشائع في الجين والساجا والي بسببه ممكن علبة الدركسيون تبوظ والتوكيل بيعمل تعديل عشان يصلح المشكله دي السؤال بقي هل فعلا الحادثه كان سببها تقل الدركسيون ولا عيب تاني لو نفس المشكلة بتاعة عيب علبة الدركسيون كنت حضرتك ممكن تطلب فحص لعلبة الدركسيون ولو المشكله منها ترفع قضيه وتاخد تعويض مادي مناسب بس للاسف انت اتسرعت وقولت انو من الكاوتش عشان موضوع شركة التامين

اقتباس:

---

المشاركة الأصلية كتبت بواسطة Osama.shihata

قدر الله وماشاء فعل
الحمد لله على سلامتك وسلامة الاسرة الكريمة
وشكرا لحضرتك على نقل التجربة
وده من حقك بكل تاكيد
والمنتدى اساسه نقل التجارب والخبرات الجيدة والسيئة لكى يستفيد الجميع
ربنا يعوضك ويخلفك خيراً فى مصيبتك

---

+111 :verygood:
الله ينور عليك يااسامه :bravo:
ربنا يسترها

السلام عليكم
اولا: انا بشكر كل الناس اللى ردت على موضوعى سواء بالتريقه او بالتكذيب او باى حاجه تانيه
ثانيا: كل اللى كتبته ده مالوش علاقه بدعايه مع او ضد العربيه , انا بقول نصيحه لله و بس
ثالثا: ملاحظ ان محدش اتكلم عن لمبة زيت الموتور اللى نورت مع انى كنت لسه عامل صيانه الالف و كله بيكدب كلامى زى الاستاذ (salahhakim)
رابعا: انا كنت مقتنع جدا بالعربيه من خلال المنتدى واتصلت بناس كتير و شكروا فيها , وانا بشكرهم على كل حاجه, العربيه قعدت معايا اسبوعين بس مقدرش اقول هيا كويسه ولا لأ , بس انا بقول اللى حاسيته انها متحسسش الواحد بالامان وهوه راكبها
خامسا و أخيرا : الحمد لله على كل حاجه , وده قدر من ربنا , بس انا مصمم على نصيحتى
وشكرا لكل اللى فى المنتدى

----

اقتباس:

---

المشاركة الأصلية كتبت بواسطة camel_12

السلام عليكم,
يا جماعه انا بنصح اى حد يفكر يشترى بروتون ساجا , انه يفكر الف مره و لو يقدر يستنى و يزود و يجيب عربيه محترمه يكون احسن.
انا اشتريت بروتون ساجا يوم 26-9-2010 و رخصتها يوم 29-9-2010 و اتقلبت بيها على طريق يوم 15-10-2010 , العربيه اول ما جبتها كنت موهوم بيها من كلام ناس عليها هنا , و عملت صيانة الألف بعد اسبوع و بعدين وانا مسافر على طريق الكريمات يوم 15-10 وكنت ماشى على 90 مثلا ,لقيت مره واحده لمبة الزيت نورت فى التابلوه و بعدين مره واحده الدريكسيون قفش جامد شمال و بعدين العربيه اتقلبت بيا 3 مرات على الطريق و كان معايا مراتى بس الحمد لله ربنا سترها و طلعنا منها سالمين و طبعا لما رحت التوكيل و قلتلهم قالولى اهم حاجه انك طلعت سليم , و عشان اخلص بسرعه من موضوع التأمين قلت ان الكاوتش ضرب عشان العربيه طلعت هلاك كلى وعملوا فى التوكيل مقايسه ب 60000 عشان لو هتتصلح ده بخلاف ما سيظهر بعد الفك.
انا مكنتش هكتب او اتكلم عن موضوع ده بس بعد لما رحت اجيب العربيه واوديها شركة التأمين لقيت عربيتين تانيين فى المخزن اللى فيه العربيات المكهنه.
انا معايا صور العربيه و كل حاجه لو حد عايز يتأكد ويشوف منظرها بعد الحادثه , انا حاسس ان العربيه دى مش امان وان عيوبها اكتر بكتير من المميزات اللى ملهاش لازمه اللى فيها.

بتمنى ان كل واحد معاه العربيه يخلى باله و ربنا يحميه ان شاء الله و يكفيه شرها , واللى بيفكر يجيبها انا بنصحه لوجه الله انه يفكر كتيير.
وبشكر أستاذ / أيمن اللى تعب معايا كتير و مبخلش عليا بأى رد لأى سؤال.
نصيحه أخيره : محدش يتعامل مع البنك التجارى الدولى(cib) و شركة آروب للتأمين لإن الاتنين تعبونى قوى و اجرائاتهم مش واضحه و متناقضه مع بعض.

وشكرا لكم جميعا.

---

أولاً وقبل كل شيء.. الحمد لله على سلامتك وسلامة أهلك...
ثانياً.. أنا فعلا كنت ناوي أسألك عن لمبة الموتور اللي نورت و هي فضلت منورة لمدة قد ايه قبل الحادثة؟؟
3- يعني ايه : (وكنت ماشى على 90 مثلا ) ؟؟؟؟
4- هل انت متأكد فعلا ان الكاوتش مضربش؟؟ لأن الكاوتش الأمامي لما بيضرب فعلا الدركسيون بيحدف و يقفش ناحيته... وهل توصل أي أحد لسبب الحادث؟؟ يعني لنكون محددين فنقول مثلاً: الساجا فيها عيب دركسيون أو عيب فرامل أو عيب موتور... كده يعني.. وطبعاً ده محدش يقدر يفيدنا بيه غير حضرتك...
5- أنا مقدر تماما شعورك وعاذرك لو قفشت من الساجا.. بل لو قفشت على السيارات الآسيوية كلها محدش حيلومك لأنك تقفل منها..
6- بعيداً عن الانفعال:
-محدش هنا ليه مصلحة يدافع أو يهاجم... و المنتدى أكبر بكتير من الساجا اللي هي موديل جديد من موديلات ماركة من عشرات الماركات اللي في المنتدى... تفتكر نايل موتورز ايه مصلحتها تخبي على عيوب الساجا؟؟
- لو ثبت ان الساجا سيارة سيئة فلن تجد الزملاء بيدافعوا عنها... حتلاقيهم بيشتموا فيها زي ماركات تانية...
- لا أعتقد ان الموضوع وصل لدرجة التريقة أو التكذيب ... وان كنت أعترض على اسلوب بعض الزملاء...

7- ممكن نسأل أنفسنا الأسئلة دي و نحكم بعدها على السيارة:
أ- هل تتوقع من الساجا أعلى أداء ممكن؟؟
ب- هل خروجك من السيارة انت وأهلك بخير يحتسب لصالح السيارة أم لا؟؟
ج- هل حدوث حادث لعيب فني -لو سلمنا بذلك- لسيارة أو ثلاثة أو عشرة يعني أن الماركة سيئة؟؟
وللتوضيح: -هل الماركات المتفق على انها ممتازة لا تحدث بها حوادث لأسباب فنية أبداً؟؟
-هل نحكم على تويوتا بأنها سيئة للحوادث التي وقعت بسبب تعليق دواسة البنزين؟؟
-هل نحكم على شركة بوينج للطائرات أنها غير آمنة بعد انفجار عشرات الطائرات البوينج لأسباب فنية وموت المئات؟؟

الخلاصة:
الهدف الوحيد لي شخصياً -وأظن لمعظم الزملاء داخل وخارج بروتون- هو الحفاظ على صورة واقعية الى أكبر حد ممكن عن أي سيارة في المنتدى لكي يحصل المتصفح على صورة كاملة و حقيقية الى أكبر حد ممكن عن السيارة التي يسأل عنها!!.. وهذا يتطلب عمل توازن بين الهجوم و المدح... لو وجدت توبيك يرفع الجين2 للسما و يصورها على انها أحسن سيارة فستجد ردود ترد الموضوع الى أرض الواقع وتذكر العيوب بموضوعية و حيادية... وأنا عن نفسي لم أقبل من صديق عزيز أن يقارن بروتون بالألماني في فورة حماسة فرددت عليه وأوضحت ان الألماني ألماني برضه وهو نفسه تراجع ووضح قصده...
القصد: لا تتوقع من أعضاء المنتدى و ملاك السيارة أن يلغوا عقولهم ويحجروا على آرائهم و تنحصر ردودهم في لعن السيارة ووصفها بأنها سيئة و يحذروا الناس منها ويصوروها على انها سيارة من عاداتها السيئة أن تنقلب 3 مرات على سرعة 90 وبدون أي سبب سوى أن مزاجها كده!!!
أقدر انفعالك... وأشكرك بصدق على نقل تجربتك للمساهمة في تكوين صورة حقيقية متكاملة عن السيارة... لكن لا تحاول حمل الآخيرين على اعتناق رأيك بغض النظر عن تجاربهم مع السيارة...
شكراً لك و للجميع
وأسأل الله أن يحفظنا جميعاً من الحوادث و السوء....

.

اقتباس:

---

المشاركة الأصلية كتبت بواسطة م.محمد مختار

ب- هل خروجك من السيارة انت وأهلك بخير يحتسب لصالح السيارة أم لا؟؟
1111111111111

.

---

المهندس محمد مختار أحييك على ردك اللائق والأسلوب الأكثر من رائع.

اولا قبل كل حاجه حمدا لله علي سلامتك انت واسرتك
انا طبعا واثق من اللي حضرتك قلته لكن اعتقد انكاخطات في حكمك علي المتسبب في الحادث
لانك قلت ان لمبه الزيت نورت وانت ماشي بسرعه وده معناه ان العربيه مافيهاش زيت وده ممكن يكون بسبب تسريب من طبه الزيت مثلا نتيجه اهمال العامل اثناء تغيير الزيت وده طبعا موش ذنب العربيه
ونتيجه لعدم وجود زيت في الموتور والسرعه العاليه الموتور قفش والعربيه بطلت وبالتالي الباور توقف عن العمل
وممكن الدريكسيون يكون سوجر وبالتالي انت فقدت السيطره تماما علي العربيه وطبيعي تنقلب
واذا كان تفسيري صح فمن الواضح انها موش عيب في العربيه ولكن اهمال بشري
واخيرا ربنا يعوض عليك ويرزقك خير منها

اقتباس:

---

المشاركة الأصلية كتبت بواسطة abdoumahros

اولا قبل كل حاجه حمدا لله علي سلامتك انت واسرتك
انا طبعا واثق من اللي حضرتك قلته لكن اعتقد انكاخطات في حكمك علي المتسبب في الحادث
لانك قلت ان لمبه الزيت نورت وانت ماشي بسرعه وده معناه ان العربيه مافيهاش زيت وده ممكن يكون بسبب تسريب من طبه الزيت مثلا نتيجه اهمال العامل اثناء تغيير الزيت وده طبعا موش ذنب العربيه
ونتيجه لعدم وجود زيت في الموتور والسرعه العاليه الموتور قفش والعربيه بطلت وبالتالي الباور توقف عن العمل
وممكن الدريكسيون يكون سوجر وبالتالي انت فقدت السيطره تماما علي العربيه وطبيعي تنقلب
واذا كان تفسيري صح فمن الواضح انها موش عيب في العربيه ولكن اهمال بشري
واخيرا ربنا يعوض عليك ويرزقك خير منها

---

احسنت القول بجد تحليل فوق الرائع

السبب هو خطأ بشرى فى القياده مش من العربيه