عتريس وكيا سيراتو 2011 - تقييم علي السريع

**Atrees** · 24-01-2011 04:23 PM

صباحكم فل يا رجالة

احب اعرفكم بنفسي - انا عتريسسسسسسسسسسسسسسسس هههههههه

من يومين صديق ليا اشتري سيراتو 2011 كاملة خليجي ( او كلمة قولتهالوا - حد يجيب كوري - ههههههههههه )

عموما - عدي عليا يفرجني ويسالني علي كام حاجة حيث انه جديد في السواقة ومحتاج خبرة عتريس :)

نبتدي بقي

السيارة من الخارج
لا يوجد اختلاف ملحوظ غير الليد بتاع المرايا والشبكة :)

من جوة -

حسيت اني قاعد في عربيتي مع اختلاف شكل الفتيس والشيفت بدال وريحة الزيرو بتاع العربية - ربنا يباركلو فيها

القيادة

اول ما بدات القيادة حسيت بحاجة غريبة - صوت الطلعة فعلا اهدي بكتير مش عارف لية بس برضوا السحب اهدي بكتيييييييييير - بعد ما مشينا حبة صغيرين في شارع مليان مطبات حاسيت ان العربية انشف من عندي ودة راجع لان العربية لسة جديدة واكيد حتطري

بس العفشة هية هية بالمللي مفيش تغير ( بصيت علي كل مسمار فيها

القيادة الرياضية

العربية بتنقل بسرعة جدا ( مبلحقش احس بالنقلة ) مستعجلة تنقل - يادوب اتحركنا وبعد النقلات بالسمع لقيت اني ماشي علي الخامس !!!!!!!!!!!!!!

مرضيتش احرق الحرق بتاعنا لان العربية زيرو - بس دوست كام كيك داون كدة ( النتيجة ان العربية مبحسش بالكيك داون وقوتة ) - يعني مبتنطش زي الاربع نقلات كدة

راي في الشيفت بدال انها غير محسوسة بالمرة وليس لها اي لازمة مع محرك 1600 - صدقوني الشيفت بدال لعربية فوق ال 5000 سي سي وسبورت كمان عشان تحس انها بتفرق - هي شكلها حلو بس غير محسوسة بالمرة

الملخص

العربية بلا تغير ملحوظ شكلا

التغير في الفتيس ممتع فعلا للقيادة العادية والمدن - نقلات غير محسوسة وصوت محرك اهدي
في حالة التسارع والحركات - الفتيس ال 4 نقلة يكسب - بيديك ثقة كدة ( علية عفريت )

اجمالا ممكن السحب يختلف لما العربية تتفتح وتلين - لان الحكم هنا غير موضوعي بس فعلا حاسيت ان التسارع والاستجابة للفتيس ال 6 سرعات ابطاء فعلا لكن انعم

ملحوظة : محدش يصدق كلام المعارض ابدا ابدا - فتايين السنين - ولا واحد فاهم فيهم ربنا ياخدهم

بيقولوا لصاحبي الفتيس الجديد بيزود 10 حصان - تخيلوا - هههههههههههههههههههههه

**Atrees** · 24-01-2011 07:59 PM

الا ما في حد رد السلام حتي !!!!!!!! 37 واحد بصوا ومشيو

شكرا نايل موتورز

**aaet1** · 24-01-2011 08:06 PM

يا باشا وعليكم السلام ورحمة الله وبركاته

أنا بأيدك تماما فى اللى قلته، أنا من رأيى ان العربية بالمواصفات والشكل بتاع 2009 و 2010 أفضل وبالفتيس كمان، اللى معانا شكله أحلى والميزة الوحيدة فى 2011 هى توفير البنزين وصوت الماتور الأهدى شوية لكن مع العالم اللى بتحب تشد وتحرق وعاوزين عربية تسايرهم بسرعة مش هتكون ظريفة

**zago** · 24-01-2011 08:13 PM

وعليكم السلام ورحمه الله وبركاته
ازيك يا عتريس
انا قلت ادخل اشوف ايه حكايه السيراتو دي اللي بقت زي الرز في الكشري

**Raul_7** · 24-01-2011 08:13 PM

100 100, ألف شكر عالموضوع ده.

كده يبقى إن شاء الله الأمر حسم لوالدة صاحبي اللي محتارة بين الفتيس الجديد والقديم.

بلا شد بلا بتاع, هي أكيد عايزة عربية ناعمة.

**ashouhdy** · 24-01-2011 08:17 PM

الفتيس بيزود 10 حصان والليدات والشبكة اللى سبور 6 حمار

**Atrees** · 24-01-2011 08:34 PM

ايوا كدة - والله الواحد ما بيعمل موضوع غير عشان حضراتكم فعلا - وادينا بنتجمع ونرغي - والله الموضوع منور بالرجالة من كيا وبرة كيا :)

ملحوظة بس - لا تفوق من السيراتو القديمة علي الجديدة في شيئ

يعني زيادة الاوبشنز زي الفتيس لا تعتبر ضعف من الموديل بالعكس - كدة بقي في تنوع لتغطية اذواق اكتر - وفعلا السيراتو الجديدة انعم في صوت المحرك و الاحساس بالنقلات ودي ميزة انا شايف انها تحفة -

لكن الفكرة هنا ان السيارة الان بقت انسب اكثر لفئة غير الشباب بتاع الحرق والجري بس ودي بعتبرها ميزة عن السيراتو الفتيس القديم

عموما ادوني وقت اركبها بعد التفتيح - يمكن نلاقي الفتيس الجديد مزود فعلا 10 حصان - ههههههههههههه

اه في ملحوظة مهمة جدا

لقيت الجنوط ال 16 وال 15 الجديدة شكلها وحش - بس مش عارف دة في الخليجي بس والا التوكيل كمان

صديقي معاه 17 لان ال 16 شكلة معجبوش خالص - دي بقي انا اؤيد فيها ال 2010 :)

**waleedelpiloot** · 24-01-2011 09:27 PM

وعليكم السلام ورحمة الله وبركاتة
مش عارف لية من العنوان كنت حاسس انك جبت ال2011 :d
انا شايف ان الشيفت دة مش مفيييد ابدااااااااااااااااااا وهيلخم الواحد وهوة بياخد غرزة مع نقلة(دة من وجهة نظرى)اصل الغرزة ماتتاخدش غير وانتا يا بتنقل على الرد زوون او بتسقط نقلة :d
ومعاااااااااااااااااااك مليون فى المية فى شكل الجنوط الجديد شكلهم يقرف والله
وبعدين ما انا لزقت على الشبكة استيكر gtr وزودبتاع 18 19 حصان تقدر تكدبنى :pppp

**Eng_Moh.Dewair** · 24-01-2011 10:18 PM

ربنا يرحمنا من الفتايين

-

الموضوع: عتريس وكيا سيراتو 2011 - تقييم علي السريع

LinkBack

أدوات الموضوع

عرض

عتريس وكيا سيراتو 2011 - تقييم علي السريع - انشر الموضوع فى :

-

-

-

المواضيع المتشابهه

محتـــاااار بين نيسان صني الجديدة وكيا سيراتو

عتريس وصيانة 10000 ابو رواش 2 سيراتو :))))))

حد يعرف الفرق بين كيا سيراتو المستورد بمصر وكيا سيراتو الخليجي؟

مقارنة بين جين2 وكيا سيراتو

كيا سيراتو وكيا سول في معرض السيارات 2008 في سلطنة عمان

الكلمات الدلالية لهذا الموضوع

المفضلات

المفضلات

ضوابط المشاركة