ايه الفرق بين تركيب فرش وتركيب كسوة

**thedeveloper87** · 24-01-2011 04:59 PM

السلام عليكم ورحمة الله وبركاته

أنا رايح عند السمكري قريب علشان أظبط شوية حاجات إن شاء الله ، فا هضطر أشيل الفرش كله ، قلت بالمرة أركب أرضية جديدة بدل الموكيت المعفن اللي كان راكب (سوري في اللفظ) ... وفكرت أركب كسوة جديدة للكراسي ، فبسأل السروجي على كده بيقوللي انت عايز تركب فرش ولا كسوة؟؟؟ ما عرفتش أجاوبه ، ايه الفرق بين الاتنين؟؟ وتركيب الفرش بيعمل ايه بالظبط والكسوة بيعمل ايه بالظبط؟؟

مع العلم إن بالسبة للكراسي الفرش الأصلي بتاعها موجود حتى الآن ، وعليها كسوة جلد اتقطعت من الشمس لرداءة الخامة وعايز أغير الكسوة دي؟

اعذروني أخوكم لسه جديد في حوار الفرش ده

**Silenty** · 24-01-2011 07:18 PM

المشاركة الأصلية كتبت بواسطة thedeveloper87

السلام عليكم ورحمة الله وبركاته

أنا رايح عند السمكري قريب علشان أظبط شوية حاجات إن شاء الله ، فا هضطر أشيل الفرش كله ، قلت بالمرة أركب أرضية جديدة بدل الموكيت المعفن اللي كان راكب (سوري في اللفظ) ... وفكرت أركب كسوة جديدة للكراسي ، فبسأل السروجي على كده بيقوللي انت عايز تركب فرش ولا كسوة؟؟؟ ما عرفتش أجاوبه ، ايه الفرق بين الاتنين؟؟ وتركيب الفرش بيعمل ايه بالظبط والكسوة بيعمل ايه بالظبط؟؟

مع العلم إن بالسبة للكراسي الفرش الأصلي بتاعها موجود حتى الآن ، وعليها كسوة جلد اتقطعت من الشمس لرداءة الخامة وعايز أغير الكسوة دي؟

اعذروني أخوكم لسه جديد في حوار الفرش ده

متابع

وياريت حضرتك تقولنا الاسعار جزاك الله كل خير

**mera11** · 24-01-2011 09:09 PM

الفرش بيتفصل أما الكسوة بتيجى جاهزة

**thedeveloper87** · 24-01-2011 09:11 PM

السروجي قال لي تركيب الفرش ممكن يوصل ل 800 جنيه
بس تركيب كسوة بس ، قال لي فيه كسوة قطيفة وفيه كسوة قماش وفيه كسوة جلد على حسب
بالنسبة للكسوة القطيفة قال لي تعمل 350 ، ومصنعية إيده 50 جنيه

**thedeveloper87** · 24-01-2011 09:12 PM

المشاركة الأصلية كتبت بواسطة mera11

الفرش بيتفصل أما الكسوة بتيجى جاهزة

ايه ده؟؟ يعني ده هو ده؟؟
يعني التفصيل بيبقى غالي علشان بتظبط الفرش على مزاجك؟؟

**a7madramadan** · 25-01-2011 05:13 AM

الكسوة عبارة عن فرش جاهز ... وبيبقى حاجة زي Free Size ومش بيبقى بالمللي على الفرش بتاع عربيتك ...... أما بفى التفصيل فانت بتروح لسروجي بيفصللك على الكراسي بتاعتك الفرش و بيعمله باحترافيه ... وواحد زي جينز كار الي فالقاهرة بيعمل تفصيلة الخطوط زي الفابريكة بالظبط و بيبان انه نظيف طبعا بكتير عن الكسوة الجاهزة....

ورأيي 50 جنيه كتيييير عشان يركب الكسوة بيتهيقلي اقل من كدة لإنه مش هيعمل شغل كتير اساسا ....

**yoko** · 25-01-2011 05:23 AM

نصيحة روح لجينز كار وتفرج وإنت هتغير رأيك عن الفرش 180 درجة
لإن الفرش إنت بتختار الخامات وإنت عاوز إيه بالظبط وبتيجي بالملي متفرقهاش عن الأصلي (ناس كتير فاكرة إن عربيتي نازلة جلد)
إنما الكسوة كبيرها سنة وبتتقطع عشان الخامات الأي كلام الي معمولة منها انا عربيتي مركب جلد بقالي سنة والله أول مرة أغسلة كان أول إمبارح وغسلته زهق مش أكتر لإنه كان نضيف كإنه لسه متركب إمبارح

**MOUSTAFA_SAAD** · 25-01-2011 11:07 AM

التفصيل احسن واغلى
ممكن تجيب كسوه زيى لوعاوز حاجه حنينه

**yoko** · 25-01-2011 11:17 AM

المشاركة الأصلية كتبت بواسطة thedeveloper87

طيب هو ممكن يعمل في حدود كام؟ أنا مش عايز أطلع في العلالي ، عايز حاجة قطيفة مريحة في السواقة

معرفش القطيفة لإن أنا الأصلي قطيفة وعملت جلد وكان ب1400 بس بصراحة يستاهل كل جنيه إدفع فيه لإني عملته جلد الماني وخياطات خاصة

-

الموضوع: ايه الفرق بين تركيب فرش وتركيب كسوة

LinkBack

أدوات الموضوع

عرض

ايه الفرق بين تركيب فرش وتركيب كسوة - انشر الموضوع فى :

-

-

-

-

-

-

المواضيع المتشابهه

تركيب كسوة جلد لأرضية لوجان 2012 هل تخرج من الضمان؟

ممكن يا جماعة كيفية فك وتركيب عداد طابلوة فكترا ممكن يا جماعة كيفية فك وتركيب عداد ط

تركيب كسوة للانوس

تركيب زجاج كهربائي للشاهين وتركيب سنتر وإنذار ؟؟

الكلمات الدلالية لهذا الموضوع

المفضلات

المفضلات

ضوابط المشاركة